مەملەكەت باسشىسى راسىمگە قاتىسۋشىلاردى وتان قورعاۋشىلار كۇنىمەن جانە ۇلى جەڭىس مەيرامىمەن قۇتتىقتاپ, اسكەري قىزمەتشىلەر مەن ارناۋلى مەملەكەتتىك ورگاندار قىزمەتكەرلەرىنىڭ قازاقستان رەسپۋبليكاسىنىڭ قاۋىپسىزدىگىن قامتاماسىز ەتۋ ىسىنە قوسقان ۇلەسىن ەرەكشە اتاپ ءوتتى.
– باتىر بابالارىمىز امانات ەتىپ قالدىرعان كەڭ بايتاق جەرىمىزدى قورعاۋ – بارىمىزگە ورتاق پارىز. سىزدەر سياقتى ەرجۇرەك ەرلەرىمىز وتانىمىزدىڭ تىنىشتىعىن كۇزەتىپ تۇرعاندا ەلىمىزدىڭ بولاشاعى ارقاشان جارقىن بولارىنا مەن كامىل سەنەمىن, – دەدى قاسىم-جومارت توقاەۆ.
قازاقستان پرەزيدەنتى مەملەكەتىمىزدىڭ ىشكى جانە سىرتقى ساياسي جۇيەسىنىڭ بەرىك نەگىزى رەتىندە قاۋىپسىزدىكتى قامتاماسىز ەتۋ ماسەلەسىنە تۇڭعىش پرەزيدەنت – ەلباسى نۇرسۇلتان نازارباەۆتىڭ ارقاشان ايرىقشا ءمان بەرگەنىن اتاپ ءوتتى.
– ەگەمەندىكتى, قازاقستان رەسپۋبليكاسى اۋماعىنىڭ تۇتاستىعى مەن ۇلتتىق مۇددەنى قورعاۋ – ءبىزدىڭ ارميامىزدىڭ جانە كۇشتىك قۇرىلىمداردىڭ باستى باعدارى. بۇل ستراتەگيالىق ماڭىزدى مىندەتتەردى شەشۋ ءۇشىن كومانديرلەر كورپۋسىنا – گەنەرالدار مەن وفيتسەرلەرگە زور جاۋاپكەرشىلىك جۇكتەلەدى. اسكەر مەن قۇقىق قورعاۋ ورگاندارىنداعى احۋال مەن اسكەري داعدىنىڭ ساپاسى سىزدەردىڭ ساۋاتتى باسشىلىقتارىڭىزعا بايلانىستى. سىزدەردىڭ بارلىق كۇش-جىگەرلەرىڭىز, بىلىمدەرىڭىز بەن تاجىريبەلەرىڭىز قارۋلى كۇشتەرىمىزدىڭ جاۋىنگەرلىك قابىلەتىن, قۇقىقتىق ءتارتىپ پەن كونستيتۋتسيالىق قۇرىلىستى قورعاۋ جونىندەگى قۇقىق قورعاۋ ورگاندارى مەن ارناۋلى قىزمەتتىڭ ءتيىمدى جۇمىسىن ارتتىرۋعا باعىتتالۋى ءتيىس, – دەدى قازاقستان پرەزيدەنتى.
قاسىم-جومارت توقاەۆ گەنەرالدار مەن وفيتسەرلەرگە ارناعان سوزىندە بۇل جوعارى شەندەر مەن ارناۋلى اتاقتار ولاردىڭ ەڭبەكتەرىنىڭ لايىقتى جەمىسى ەكەنىن اتاپ ءوتتى.
– بۇل سىزدەردىڭ تەك كاسىبي جانە جەكە سىڭىرگەن ەڭبەكتەرىڭىزدىڭ ەلەنۋى عانا ەمەس, سونداي-اق, ودان دا اۋقىمدى مىندەتتەردى شەشۋگە مۇمكىندىك بەرەتىن جاۋاپكەرشىلىكتىڭ جاڭا دەڭگەيىن بىلدىرەدى. قۋاتتى ءارى وركەندەگەن قازاقستاندى قۇرۋ جولىندا بارلىق كۇش-جىگەرلەرىڭىزدى جۇمسايتىندارىڭىزعا سەنىمدىمىن, – دەدى مەملەكەت باسشىسى.
ءراسىم بارىسىندا 2-سىنىپتى مەملەكەتتىك ادىلەت كەڭەسشىسى شەنى – ع.نۇرداۋلەتوۆكە, م. احمەتجانوۆقا; پوليتسيا گەنەرال-لەيتەنانتى ارناۋلى اتاعى – ا.شپەكباەۆقا, ە. تۇرعىمباەۆقا; گەنەرال-لەيتەنانت اسكەري اتاعى – م.التىنباەۆقا; مەملەكەتتىك كۇزەت قىزمەتىنىڭ گەنەرال-مايورى ارناۋلى اتاعى – ءا.جۇسىپوۆكە; ۇلتتىق قاۋىپسىزدىك گەنەرال-مايورى ارناۋلى اتاعى – د.ەرعوجينگە, ت.الىمجانوۆقا, م.يرمەنوۆكە, ا.تولەۋوۆكە, ب.ۋالينيازوۆقا; سىرتقى بارلاۋ گەنەرال-مايورى ارناۋلى اتاعى – ب.نايزابەكوۆكە; 3-ساناتتى جوعارى بىلىكتىلىك سىنىبى ق.سونتاەۆقا; گەنەرال-لەيتەنانت اسكەري اتاعى – ءا.حالىقوۆقا, گەنەرال-مايور اسكەري اتاعى – م.ايماشەۆكە, ا.اشيروۆكە, ف.بادەنوۆكە, ا.جۇماعاليەۆكە, ت.قايىربەكوۆكە, ت.مۇراتباەۆقا, ا.مۇستابەكوۆكە; كونتر-ادميرال اسكەري اتاعى – س.بەكجانوۆقا; 3-سىنىپتى مەملەكەتتىك ادىلەت كەڭەسشىسى شەنى – ق.جاقىپباەۆقا, ب.جۇيرىكتاەۆقا, م.سەكسەمباەۆقا; پوليتسيا گەنەرال-مايورى ارناۋلى اتاعى ق.دالبەكوۆكە, ا.دۇيسەمباەۆقا بەرىلدى.
