«ءمجا – ينۆەستيتسيالاردى تارتۋدىڭ نەگىزگى قۇرالدارىنىڭ ءبىرى ءارى ەكونوميكانىڭ قارقىندى ءوسۋىنىڭ فاكتورى», — دەپ ا. مامين, اتالعان تەتىكتىڭ كوپتەگەن دامىعان ەلدەردە بەلسەندى قولدانىلاتىنىن اتاپ ءوتتى.
قر ۇكىمەتىنىڭ باسشىسى ەلىمىزدە جوبالاردىڭ ىسكە اسىرىلۋىنىڭ وڭ قارقىنىن اتاپ ءوتىپ, ءمجا-ءنىڭ قولدا بار الەۋەتىن تولىقتاي ىسكە اسىرۋعا جانە ەكونوميكاعا شەتەلدىك جانە وتاندىق ينۆەستيتسيالاردى تارتۋعا جاڭا سەرپىن بەرىپ, ونىڭ ساپالى ءوسىمىن قامتاماسىز ەتۋگە مۇمكىندىك بەرەتىن بىرقاتار ماسەلەنى شەشۋگە نازار اۋدارۋدى تاپسىردى.
«ءمجا دامىتۋ ۇكىمەت جۇمىسىنىڭ باسىم باعىتتارىنىڭ ءبىرى», — دەدى اسقار مامين.
قازاقستاندا بۇگىندە 3 ترلن تەڭگەگە 1300-گە جۋىق كەلىسىمشارتقا قول قويىلدى جانە ازىرلەنۋ ساتىسىندا تۇر. ەڭ اۋقىمدى جوبالار كولىك جانە ينفراقۇرىلىم, ەنەرگەتيكا جانە تۇرعىن ءۇي كوممۋنالدىق شارۋاشىلىق, ءبىلىم بەرۋ, دەنساۋلىق ساقتاۋ سەكتورلارىندا ىسكە اسىرىلۋدا.
ساپاعا باسىمدىق بەرىلگەن. قر پرەمەر-ءمينيسترىنىڭ ايتۋىنشا, وڭىرلەردىڭ اكىمدەرى بيۋدجەتتەن از شىعىنمەن ىسكە اسىرىلاتىن جوبالارعا باسا نازار اۋدارۋى كەرەك.
ءىرى ينفراقۇرىلىمدىق جوبالاردى, ونىڭ ىشىندە كولىك جانە ەنەرگەتيكا, تۇرعىن ءۇي كوممۋنالدىق شارۋاشىلىق جوبالارىن ىسكە اسىرۋدى جانداندىرۋ ماقساتىندا, مينيسترلەر كابينەتىنىڭ باسشىسى مەملەكەتتىك-جەكەمەنشىك ارىپتەستىكتىڭ دامۋىن ىنتالاندىرۋدا حالىقارالىق الدىڭعى قاتارلى تاجىريبەنى ەسكەرە وتىرىپ, قوسىمشا تەتىكتەردى پىسىقتاۋدى تاپسىردى.
«دەنساۋلىق ساقتاۋ سالاسىندا ءمجا جوبالارى بەلسەندى تۇردە ىسكە اسىرىلىپ جاتىر. بۇل باعىتتىڭ الەۋەتى ۇلكەن», — دەدى ا. مامين. اتالعان تەتىكتى قولدانۋ قر دەنساۋلىق ساقتاۋ مينيسترلىگىنىڭ جاڭا تاسىلدەرىن ەسكەرە وتىرىپ جالعاسىن تابادى. ولاردىڭ قاتارىندا «اسا ماڭىزدى» قاعيداتى بويىنشا ءمجا-ءنىڭ ءىرى ينفراقۇرىلىمدىق جوبالارىن جوسپارلاۋ مەن ىسكە اسىرۋ مودەلى بار.
ءبىلىم بەرۋ جەلىسى بويىنشا ءمجا قۇرالى بالاباقشالاردى ورىندارمەن قامتاماسىز ەتۋ ءۇشىن بەلسەندى تۇردە قولدانىلۋدا — «بالاپان» باعدارلاماسى ىسكە اسىرىلىپ جاتىر. بۇگىنگى تاڭدا بالاباقشالارداعى ورىنداردىڭ 40%-عا جۋىعىن جەكە سەكتور بەرىپ وتىر, بۇل 307 مىڭنان استام بالا. ءوڭىر اكىمدىكتەرىنە بالاباقشالار ءۇشىن جان باسىنا قاراي قارجىلاندىرۋ ءنورماتيۆىن ورىنداۋدى قامتاماسىز ەتۋ قاجەت.
«مەكتەپتەردى سالۋ كەزىندە مەملەكەتتىك-جەكەمەنشىك ارىپتەستىك تاجىريبەسىن كەڭىنەن تاراتقان ءجون», — دەدى قر پرەمەر-ءمينيسترى. — بارلىق تەتىكتەر مەن قۇرالدار ازىرلەنگەن».
قازىرگى كەزدە كاسىپتىك-تەحنيكالىق ءبىلىم بەرۋ جۇيەسىندە ءمجا جوبالارىن ىسكە اسىرۋ پىسىقتالىپ جاتىر. بىرلەسكەن جوبالاردى دامىتۋ مەن باسقارۋ بويىنشا بيزنەس تاراپىنان ۇلكەن قىزىعۋشىلىق بار.
«ەكونوميكانى دامىتۋ ءۇشىن مەملەكەتتىك-جەكەمەنشىك ارىپتەستىك – ءارتۇرلى ينفراقۇرىلىمدىق جانە الەۋمەتتىك جوبالارعا جەكە ينۆەستيتسيالار تارتۋدىڭ اسا ماڭىزدى كوزى», — دەپ اسقار مامين, قر ۇلتتىق ەكونوميك مينيسترلىگىنە جۇمىستى كۇشەيتۋدى تاپسىردى. — «قازاقستاندىق ءمجا ورتالىعى» ءوز جۇمىسىن جاڭا فورماتقا سايكەس ۇيىمداستىرىپ, ينۆەستورلارعا ء“بىر تەرەزە” قاعيداتى بويىنشا ءمجا جوبالارىن قالىپتاستىرۋ جانە ولاردى سۇيەمەلدەۋ ورتالىعىنا اينالۋى قاجەت».
