وبلىس اكىمىنىڭ كۋبوگىنە جالپى سانى 6 كوماندا تالاساتىن بولادى. اقتوبە وڭىرىنەن «اقتوبە» فك مەن №8 بالالار جانە جاسوسپىرىمدەر سپورت مەكتەبىنىڭ كومانداسى نامىستى قورعاسا, رەسەي ەلىنەن كەلگەن «ورەنبۋرگ», «نوستا» كوماندالارى قىرعىزستان ەلىنىڭ «فرۋنزە» كومانداسى جانە وزبەكستان ەلىنىڭ «بۋنەدكور» فك-نىڭ ويىنشىلارى ءوزارا باق سىنايدى. «وڭىرىمىزدە سپورتتى دامىتۋعا جانە سپورتتىق عيماراتتاردى ارتتىرۋعا ەرەكشە كوڭىل بولىنۋدە.
سپورتتىڭ بارلىق تۇرلەرىنە قولايلى جاعدايلار جاساۋ ماقساتىندا الداعى ۋاقىتتا زاماناۋي جەڭىل اتلەتيكا ستاديونى, بوكس ورتالىعى, شاڭعى بازاسى جانە باسقا دا سپورتتىق وبەكتىلەر قولدانىسقا بەرىلەدى.بۇگىنگى تۋرنيرگە قالامىزدىڭ كوماندالارىنان باسقا رەسەي فەدەراتسياسى, وزبەكستان, قىرعىستاننىڭ فۋتبول كوماندالارى قاتىسىپ وتىر.بۇگىنگى ءتۋرنيردىڭ اشىلۋىمەن بارلىقتارىڭىزدى شىن جۇرەكتەن قۇتتىقتايمىن! بارلىق قاتىسۋشىلارعا مىقتى دەنساۋلىق, جاڭا سپورتتىق جەتىستىكتەر تىلەيمىن»,دەدى وبلىس اكىمى وڭداسىن ورازالين.
ايتىپ وتەيىك, 4-ءشى رەت وتكىزىلىپ جاتقان ءتۋرنيردىڭ ماقساتى جەرگىلىكتى جەتكىنشەكتەرگە قولداۋ كورسەتۋ, جوعارى ساپالى, حالىقارالىق باسەكەگە قابىلەتتى تاجىريبە الماسۋ. №8 بالالار مەن جاسوسپىرىمدەر سپورت مەكتەبىنىڭ فۋتبول الاڭىندا ءوتىپ جاتقان جارىس مامىردىڭ التىسىنا دەيىن جالعاسادى.
