رۋحانيات • 03 مامىر، 2019

قاراعاندىدا «دوستىق شاڭىراعى» ەتنومادەني فەستيۆالى ءوتتى

878 رەت كورسەتىلدى

كەنشىلەر استاناسىنداعى «دوستىق ۇيىندە» قازاقستان حالقى بىرلىگى كۇنىنە جانە جاستار جىلىنا ارنالعان «دوستىق شاڭىراعى» اتتى XXIV وبلىستىق ەتنومادەني فەستيۆالى ءوتتى.

ەل بىرلىگى  مەن ەتنوسارالىق كەلىسىمدى نىعايتىپ، مادەنيەتارالىق ۇنقاتىسۋدىڭ قازاقستاندىق ۇلگىسىن كورسەتكەن ششارا ەتنومادەني بىرلەستىكتەردىڭ مۋزىكاسىن، ءداستۇرىن، ءتىلى مەن مادەنيەتىن جاڭعىرتۋ، ساقتاۋ جانە دامىتۋ ماقساتىندا ۇيىمداستىرىلدى.

مەرەكەلىك شاراعا ۇلى وتان سوعىسىنىڭ ارداگەرلەرى، وبلىستىق قازاقستان حالقى اسسامبلەياسىنىڭ  ەتنومادەني بىرلەستىكتەرىنىڭ وكىلدەرى، جاستار قاناتى مۇشەلەرى، «جاڭعىرۋ جولى» جوباسىنىڭ بەلسەندىلەرى جانە قالا تۇرعىندارى قاتىستى.

فەستيۆال قوناقتارى «ءبىر شاڭىراق استىندا» ەتنواۋىلىنىڭ كورمەسىن تاماشالاپ، ەتنوستاردىڭ ۇلتتىق قولونەرى،  قولدانبالى تۇرمىستىق زاتتارىمەن جانە ءار ۇلتتىڭ وزىنە ءتان تاعامدارىمەن تانىس بولدى.

كورمەدەن سوڭ فەستيۆال  جۇمىسى «ءبىز ءبىر وتباسىمىز» كونكۋرسىنا ۇلاستى. كونتسەرت قاراعاندى وبلىسى اكىمى اپپاراتى «قوعامدىق كەلىسىم» كمم ديرەكتورى ەرلان قۇسايىننىڭ قۇتتىقتاۋ سوزىمەن باستالدى.  

سايىس شارتى بويىنشا ءار ەتنومادەني بىرلەستىك تۋعان تىلىندە جانە مەملەكەتتىك تىلدە ءوز ونەرلەرىن ورتاعا سالدى. كونكۋرسقا وبلىستىق ەتنومادەني بىرلەستىكتەردىڭ شىعارماشىلىق ۇجىمدارى قاتىسىپ، ۇلتتىق اۋەندەرىن اۋەلەتىپ، مىڭ بۇرالا بي بيلەدى. سونىمەن قاتار، ولار دومبىرا دا تارتىپ،  قازاق تىلىندە ءان شىرقادى.

شارا سوڭىندا ەتنومادەني بىرلەستىكتەردىڭ وكىلدەرى ماقتاۋ قاعازدارىمەن ماراپاتتالدى.
سوڭعى جاڭالىقتار

اقتوبەدە كارانتين جەڭىلدەدى

كوروناۆيرۋس • بۇگىن، 16:15

9 سۋ قويماسى سالىنادى

ەكولوگيا • كەشە

ۇقساس جاڭالىقتار