سۋ باسىپ قالۋ قاۋپى سەيىلگەن جوق
سەيسەنبى, 12 ناۋرىز 2013 6:37
بيىل جىلداعىعا قاراعاندا, قىزىلجار وڭىرىنە قار ەكى ەسە كوپ جاۋدى. اپتالارعا سوزىلعان بۇرقاسىن بوران جانە كۇشتى جەل سالدارىنان تاسجولداردا قار كەپتەلىسى پايدا بولىپ, كۇردەلى جاعداي قالىپتاستى. بەينەش – قاراقوعا اۆجوجولىندا 8 كولىك, 30 جولاۋشى قار قۇرساۋىندا قالىپ, كومەك دەر كەزىندە جەتتى. كراسنوكيەۆكا – نوۆوبەرەزوۆكا اۆتوجولىندا 6 جەڭىل, 2 جۇك ماشيناسى بار 25 ادام قۇتقارىلدى. جول ساقشىلارى مەن جەدەل كومەك توبى لوبانوۆو – يمانتاۋ باعىتىندا 96 ادامى بار 50 اۆتوكولىكتى قار قۇرساۋىنان امان الىپ شىقتى. مۇنداي وقيعالار كۇن سايىن دەرلىك تىركەلىپ وتىردى.
سەيسەنبى, 12 ناۋرىز 2013 6:37
بيىل جىلداعىعا قاراعاندا, قىزىلجار وڭىرىنە قار ەكى ەسە كوپ جاۋدى. اپتالارعا سوزىلعان بۇرقاسىن بوران جانە كۇشتى جەل سالدارىنان تاسجولداردا قار كەپتەلىسى پايدا بولىپ, كۇردەلى جاعداي قالىپتاستى. بەينەش – قاراقوعا اۆجوجولىندا 8 كولىك, 30 جولاۋشى قار قۇرساۋىندا قالىپ, كومەك دەر كەزىندە جەتتى. كراسنوكيەۆكا – نوۆوبەرەزوۆكا اۆتوجولىندا 6 جەڭىل, 2 جۇك ماشيناسى بار 25 ادام قۇتقارىلدى. جول ساقشىلارى مەن جەدەل كومەك توبى لوبانوۆو – يمانتاۋ باعىتىندا 96 ادامى بار 50 اۆتوكولىكتى قار قۇرساۋىنان امان الىپ شىقتى. مۇنداي وقيعالار كۇن سايىن دەرلىك تىركەلىپ وتىردى.
وكىنىشتىسى سول, ادامداردىڭ نەمقۇرايدىلىعى مەن بەيقامدىعى قايعىلى وقيعالارعا سوقتىردى. ەسىل اۋدانى تۇرعىنىنىڭ مۇردەسى اۋىل ماڭىنان تابىلدى. ءۋاليحانوۆ اۋدانىندا تۇراتىن ەرلى-زايىپتى بەلگىباەۆتار انالارىنىڭ قايتىس بولعانىن ەستىپ, جولعا جاياۋ شىققان. قانشا ىزدەستىرسە دە, ءالى كۇنگە دەيىن حابار-وشار جوق. ولاردىڭ ارتىندا 4 بالا اڭىراپ قالدى. جەرگىلىكتى اۋا رايىن بولجاۋشىلار ناۋرىز ايىندا دا قار شامادان كوپ ءتۇسىپ, سوڭى اق تۇتەك بۇرقاسىنعا اينالاتىنىن ايتىپ, ساقتاندىرىپ باعۋدا.
ەندىگى كۇش-جىگەر كوكتەمگى سۋ تاسقىنىنىڭ الدىن الۋعا جۇمىلدىرىلعان. وبلىس ورتالىعىندا ون بريگادا قۇرىلىپ, 400 مىڭ تەكشە مەترگە جۋىق قار سىرتقا شىعارىلدى. ويقالا, زارەچنىي, بەنزوستروي, بىلعارى زاۋىت, كوپاي شاعىن اۋداندارىندا 200-گە تارتا ءۇي مەن اۋلا اۋماقتارىن سۋ باسىپ قالۋ قاۋپى بار. وسىعان وراي اپاتتى جاعداي تۋىندايدى دەگەن ايماقتارعا قوسىمشا كۇشتەر تارتىلعان. ەسىل وزەنى تاسي قالعان جاعدايدا قاۋىپتى جەرلەردە ورنالاسقان 20 ەلدى مەكەن تۇرعىندارى ءۇشىن ساقتاندىرۋ شارالارى جۇرگىزىلۋدە. بۇگىندە قۇرامىندا 4 مىڭداي ادام مەن 1200 تەحنيكا بىرلىگى بار 238 اپاتتىق-قۇتقارۋ قىزمەتى ساقاداي-ساي تۇر.
الدىن الا بولجام بويىنشا تاسقىن سۋ زارداپتارىنا 13 مىڭداي تۇرعىن مەن 5 مىڭنان استام ءۇي جانۋارىنىڭ ۇشىرايتىنى مۇمكىن ەكەندىگى ەسكەرىلىپ, جەدەل كوشىرۋ جۇمىستارى جان-جاقتى قاراستىرىلىپ وتىر.
ناتاليا پوپوۆا,
سولتۇستىك قازاقستان وبلىستىق توتەنشە جاعدايلار
جونىندەگى دەپارتامەنتتىڭ باس مامانى.
