كەزدەسۋ بارىسىندا مۇناي-گاز سالاسىنداعى بىرلەسكەن جوبالاردى ىسكە اسىرۋ اياسىندا ىنتىماقتاستىقتى ودان ءارى دامىتۋ ماسەلەلەرى تالقىلاندى. Chevron كومپانياسى قازاقستاننىڭ مۇناي ءوندىرۋ سالاسىنداعى ءىرى سەرىكتەستەرىنىڭ قاتارىندا, تەڭىز, قاراشىعاناق جوبالارىنا, كاسپي قۇبىر كونسورتسيۋمى مۇناي قۇبىرىن كەڭەيتۋگە قاتىسادى.
2018 جىلى تشو مۇناي ونىمدەرىنىڭ كولەمى 28,6 ملن توننانى قۇرادى.
تودد لەۆي بيىل مۇناي ءوندىرۋ بويىنشا جوسپارلى كورسەتكىشتەر اسىرا ورىندالاتىنىن ايتتى. ءوز كەزەگىندە, بولاشاق كەڭەيتۋ جوباسىن — ساعالىق قىسىمدى باسقارۋ جوباسىن ىسكە اسىرۋ 2022 جىلعا قاراي ءوندىرۋدى جىلىنا 12 ملن تونناعا ۇلعايتۋعا جول اشادى. جوبالاردى ىسكە اسىرۋ ماسەلەلەرىندە قازاقستاندىق قىزمەتكەرلەر ۇلەسىن ۇلعايتۋعا ەرەكشە كوڭىل بولىنگەن. تشو كەڭەيتۋ جوباسىنا 45 مىڭنان استام قازاقستاندىق تارتىلعان, بۇل قىزمەتكەرلەردىڭ جالپى سانىنىڭ 91% قۇرايدى.
كەزدەسۋدى قورىتىندىلاي كەلە, قر ۇكىمەتىنىڭ باسشىسى اسقار مامين مۇناي-گاز جانە مۇناي سەرۆيسى سالالارىنداعى جەرگىلىكتى ءوندىرىستى دامىتۋدىڭ ماڭىزدىلىعىنا توقتالىپ ءوتتى. جابدىقتار مەن تەحنيكانى ەلىمىزدە شىعارۋ يندۋستريالاندىرۋدى دامىتۋعا قوسىمشا سەرپىن بەرەدى جانە جاڭا جۇمىس ورىندارىن اشۋعا جول اشادى.
تاراپتار ىنتىماقتاستىقتى جوعارى باعالايتىندارىن ايتىپ, ارەكەت ەتىپ تۇرعان جوبالاردى جالعاستىرىپ, جاڭا بىرلەسكەن جوبالاردى قولعا الۋ تۇرعىسىنان ستراتەگيالىق سەرىكتەستىكتى جالعاستىرۋعا نيەت ءبىلدىردى. قر-نىڭ ەكونوميكالىق كورسەتكىشتەرىنىڭ ءوسۋى مەن ينۆەستيتسيالىق احۋالدى جاقسارتۋ جونىندەگى تۇراقتى جۇمىستاردى ەسكەرسەك, ءوزارا ءىس-قيمىلدى ودان ءارى كەڭەيتە تۇسۋگە ۇلكەن الەۋەت بار.
ماسەلەنى تالقىلاۋعا «قازمۇنايگاز» ۇك» اق باسقارما توراعاسى ا. ايدارباەۆ, قر ەنەرگەتيكا ۆيتسە-ءمينيسترى م. مىرزاعاليەۆ قاتىستى.
