پرەزيدەنت • 01 مامىر، 2019

قازاقستان پرەزيدەنتى قاسىم-جومارت توقاەۆ الماتىداعى بۇۇ-نىڭ جاڭا كەڭەسىنە باردى

780 رەت كورسەتىلدى

بۇل تۋرالى اقوردانىڭ ءباسپاسوز قىزمەتى حابارلادى.

مەملەكەت باسشىسى بۇۇ-نىڭ 17 ايماقتىق بولىمشەسى ورنالاسقان كەڭسەسىنىڭ جاڭا عيماراتىن ارالاپ كوردى.

پرەزيدەنت حالىقارالىق ۇيىم كەڭسەسىنىڭ اشىلۋى ەل ءۇشىن ەرەكشە ماڭىزعا يە - قازاقستان حالقىنىڭ بىرلىگى كۇنى مەرەكەسىمەن تۇسپا-تۇس كەلۋىن جاقسىلىققا بالادى.

قاسىم-جومارت توقاەۆ قازاقستان بۇۇ قاعيداتتارىن تولىقتاي ۇستاناتىنىن جانە حالىقارالىق قاۋىمداستىقپەن قاۋىپسىزدىك پەن تۇراقتىلىقتى ساقتاۋ، ادام قۇقىقتارىن قورعاۋ ماقساتىنداعى ءوزارا ءىس-قيمىلدارىن بەلسەندى تۇردە جالعاستىرا بەرەتىنىن ايتتى.   

– بۇل تاماشا عيمارات بىرىككەن ۇلتتار ۇيىمىنىڭ مۇددەلەرى ءۇشىن قىزمەت ەتەتىن بولادى. بۇۇ – بارلىق ەل ءۇشىن ورتاق ءۇي. ءبىزدىڭ ىنتىماقتاستىعىمىزدىڭ ارتا تۇسەتىنىنە سەنىمدىمىن. الەم قاۋىپسىزدىگى جولىندا بۇۇ-نىڭ قازاقستانداعى قىزمەتىن قولداي بەرەمىز، – دەدى مەملەكەت باسشىسى.

بۇۇ-نىڭ قازاقستانداعى تۇراقتى ۇيلەستىرۋشىسى نوريماسا شيمومۋرا قازاقستان پرەزيدەنتىنە العىس ايتىپ، بۇل اسەم عيمارات الماتى قالاسىنىڭ سىيى ەكەنىن اتاپ ءوتتى. ديپلومات جاڭا كەڭسە قازاقستان مەن بۇۇ-نىڭ جاقىن دوستىعى مەن ىنتىماقتاستىعىنىڭ بەلگىسى بولاتىنىنا سەنىم ءبىلدىردى.

قاسىم-جومارت توقاەۆ حالىقارالىق ۇيىمنىڭ جۇمىسشىلارىمەن اڭگىمەلەسىپ، كىتاپحانانىڭ جانە بۇۇ ايماقتىق بولىمشەلەر وكىلدىكتەرىنىڭ جۇمىسىمەن تانىستى.

سوڭعى جاڭالىقتار

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار