ساياسات • 01 مامىر، 2019

قازاقستان ياقتش-نىڭ تولىق جانە قاتاڭ ىسكە اسىرىلۋىن قولدايدى

934 رەت كورسەتىلدى

بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.

قازاقستان يادرولىق قارۋسىزدانۋ مەن تاراتپاۋ رەجيمىن نىعايتۋدىڭ بەلسەندى جاقتاۋشىسى رەتىندە يادرولىق قارۋدى تاراتپاۋ تۋرالى شارت (ياقتش) ەرەجەلەرىنىڭ قاتاڭ جانە تولىققاندى ورىندالۋىن قولدايدى. بۇل تۋرالى قازاقستان دەلەگاتسياسىنىڭ باسشىسى ەرجان اشىقباەۆ 2020 جىلعى ياقتش شولۋ كونفەرەنتسياسىنا دايىندىق كوميتەتىنىڭ ءۇشىنشى سەسسياسىندا مالىمدەدى.

قازاقستاندىق ديپلومات جالپى پىكىرتالاستاردى ورتالىق ازياداعى يادرولىق قارۋدان ازات ايماق تۋرالى شارتقا (سەمەي شارتىنا) قاتىسۋشى مەملەكەتتەر توبىنىڭ اتىنان ءسوز سويلەپ اشتى. بيىل ءوزىنىڭ تولىققاندى قۇرىلۋىنىڭ 10 جىلدىعىن اتاپ وتىرعان بۇل ايماق سولتۇستىك جارتى شارداعى بىردەن ءبىر يادرولىق قارۋسىز ايماق بولىپ قالا بەرۋدە.

ورتالىق ازيا ايماعىنىڭ اعىمداعى ۇلەيستىرۋشىسى رەتىندە قازاقستاندىق دەلەگاتسيا باسشىسى اقش-تى سەمەي شارتىنا (يادرولىق قارۋدى قولدانباۋ تۋرالى) تەرىس كەپىلدەمەلەر جونىندەگى حاتتاماسىن تەزىرەك راتيفيكاتسيالاۋعا شاقىردى جانە الەمدە جاڭا يادرولىق قارۋدان ازات ايماقتاردىڭ قۇرىلاتىنىنا ءۇمىتىن ءبىلدىردى.

3 مامىردا قازاقستان دەلەگاتسياسى يادرولىق قارۋسىز ايماقتار اراسىنداعى ىنتىماقتاستىقتى نىعايتۋ ماسەلەلەرىنە ارنالعان ارنايى ءىس-شارا ۇيىمداستىرادى.

دايىندىق سەسسياسىنىڭ جۇمىسى قازاقستاننىڭ تاعى ءبىر ماڭىزدى مەرەيتويلىق سەبەبىمەن، اتاپ ايتقاندا، ياقتش-عا مۇشە بولعانىنا 25 جىل تولۋ مەرەكەسىمەن تۇسپا-تۇس كەلىپ وتىر. ە.اشىقباەۆ ۇلتتىق بايانداماسىندا قازاقستاننىڭ سوڭعى شيرەك عاسىردا اتقارعان قىزمەتىنىڭ نەگىزگى كەزەڭدەرىن ايشىقتاپ، الەمدىك قاۋىپسىزدىك ارحيتەكتۋراسىن نىعايتۋ جونىندەگى حالىقارالىق كۇش-جىگەرلەردەگى ەرەكشە تاريحي ءرولىن كورسەتىپ بەردى. مەملەكەتتىڭ كەڭىنەن تانىلعان جەتىستىكتەرىنىڭ نەگىزىن قازاقستان رەسپۋبليكاسىنىڭ تۇڭعىش پرەزيدەنتى نۇرسۇلتان نازارباەۆتىڭ ناتيجەلى انتيادرولىق باستامالارى قۇرايتىنى ءسوزسىز.

يادرولىق قارۋسىزدانۋدىڭ وزىندىك دارا جولىن باسىنان وتكەرگەن قازاقستان سەنىمدى نىعايتۋدىڭ ەڭ ءتيىمدى شاراسى قارۋسىزدانۋ بولىپ تابىلادى دەگەن سەنىمىنە بەكەمدەي ءتۇستى. وسى ورايدا ياقتش-نىڭ بارلىق ەرەجەلەرىنىڭ تيىمدىلىگى مەن ءسوزسىز ورىندالۋىنا كەدەرگى كەلتىرەتىن يادرولىق دەرجاۆالار اراسىنداعى عانا ەمەس، يادرولىق جانە يادرولىق ەمەس مەملەكەتتەردىڭ ءوزارا ارەكەتتەستىگىندە بەلەڭ العان سەنىمسىزدىككە قاتىستى الاڭداۋشىلىق ءبىلدىرىلدى.

سونىمەن قاتار، قازاقستاننىڭ اتوم ەنەرگياسىن بەيبىت ماقساتتاردا قاۋىپسىز جانە سەنىمدى پايدالانۋ جولىنداعى ەلەۋلى ۇلەسى رەتىندە، 2017 جىلى يناۋگۋراتسياسى وتكەن جانە بيىلعى جىلى ساقتاۋ ماتەريالىن قابىلداعالى وتىرعان اەحا-نىڭ تومەن بايىتىلعان ۋران بانكى اتالىپ ءوتتى. بۇل ساياسي سيپاتتاعى كەدەرگىلەر تۋىنداعان جاعدايدا اتوم ەلەكتر ستانتسيالارىنا قاجەتتى وتىندى ۇزدىكسىز جەتكىزۋدى قامتاماسىز ەتۋگە ارنالعان تەڭدەسى جوق تەتىكتىڭ ىسكە قوسىلاتىنىن بىلدىرەدى.

 

سوڭعى جاڭالىقتار

ىندەت قايتا ءورشىدى

الەم • بۇگىن، 20:44

ليسيچانسك كىمنىڭ قولىندا؟

الەم • بۇگىن، 20:41

وڭىردە دامۋ ءۇردىسى بار

ايماقتار • بۇگىن، 20:27

تاڭدايدىڭ تارلانى

تاريح • بۇگىن، 20:24

جوعالعان سولدات

تاريح • بۇگىن، 20:22

ساناداعى سىلكىنىس نەمەسە كۇرەسكەردىڭ قالىپتاسۋى

احمەت بايتۇرسىن ۇلى • بۇگىن، 20:18

دومبىرانى دارىپتەدى

رۋحانيات • بۇگىن، 20:00

الماتىدا 36 گرادۋس ىستىق بولادى

اۋا رايى • بۇگىن، 16:40

بۇگىن - ۇلتتىق دومبىرا كۇنى

قازاقستان • بۇگىن، 08:50

ۇقساس جاڭالىقتار