تۇڭعىش پرەزيدەنت نۇرسۇلتان نازارباەۆ ەلوردا تۇرعىندارى مەن قوناقتارى الدىندا سويلەگەن سوزىندە بارشا جۇرتتى قازاقستان حالقىنىڭ بىرلىگى كۇنىمەن قۇتتىقتادى.
– بابالارىمىز بىرلىكتىڭ ارقاسىندا بارلىق قيىندىقتى ەڭسەرىپ, ءبىز ءۇشىن وسىنداي ۇلى دالانى ساقتاپ قالدى. ءبىز بىرگە ولاردىڭ ارمانىن ورىنداپ, تاۋەلسىز قازاقستاندى قۇردىق, – دەدى نۇرسۇلتان نازارباەۆ.
ەلباسى زاماناۋي قازاقستان بارلىق جەتىستىككە قوعامداعى بىرلىكتىڭ ارقاسىندا قول جەتكىزگەنىن اتاپ ءوتىپ, ءبارىن بەيبىت ءومىر مەن تۇراقتىلىقتى باعالاۋعا جانە ساقتاۋعا شاقىردى.
– ءبىز – باقىتتى حالىقپىز. بىرلىگىمىزدى ساقتاپ, تاۋەلسىزدىگىمىزدى قۇرمەتتەۋىمىز كەرەك. دامۋ باعدارلامالارىمىزدى جۇزەگە اسىرۋ ەلىمىزدىڭ بولاشاعىن ودان ءارى جارقىن ەتە تۇسەدى, – دەدى تۇڭعىش پرەزيدەنت.
نۇرسۇلتان نازارباەۆ الەمدە ەتنوسارالىق قاقتىعىستاردىڭ سالدارىنان تۋىندايتىن قازىرگى زامانعى سىن-تەگەۋرىندەرگە توقتالدى.
– ءار ۇيگە, ءار وتباسىنا بەرەكە, باقىت, اماندىق جانە ەرتەڭگى كۇنگە دەگەن سەنىمدىلىك تىلەيمىن. مەيرامدارىڭىزبەن! – دەپ تۇيىندەدى ەلباسى.
