ورتالىقتا مەملەكەت باسشىسىنا كوپبالالى جانە تۇرمىسى تومەن وتباسىلاردى الەۋمەتتىك قولداۋ جونىندەگى تۇڭعىش پرەزيدەنت – ەلباسى تاپسىرمالارىنىڭ ورىندالۋ بارىسى تۋرالى مالىمەت بەرىلدى.
قاسىم-جومارت توقاەۆ «ءبىر تەرەزە» قاعيداتى بويىنشا الەۋمەتتىك ءالسىز وتباسىلار مەن كوپبالالى انالارعا قىزمەت كورسەتۋ ماقساتىندا اشىلعان ەلىمىزدەگى العاشقى مەكەمە «باقىتتى وتباسى» انالار ورتالىعىنىڭ جۇمىسىمەن تانىستى. مۇندا ماماندار كوپبالالى انالارعا پسيحولوگيالىق, قۇقىقتىق ماسەلەلەر بويىنشا كەڭەس بەرەدى. سونىمەن قاتار, جاڭا ماماندىقتارعا باۋلىپ, كومپيۋتەرلىك ساۋات اشۋعا كومەكتەسەدى. ورتالىق قىزمەتى الەۋمەتتىك ءالسىز وتباسىلاردىڭ ءومىر ءسۇرۋ ساپاسىن ارتتىرىپ, ولاردىڭ ەكونوميكالىق دەربەستىگىن نىعايتۋعا باعىتتالعان.
