پرەزيدەنت • 30 ءساۋىر، 2019

قاسىم-جومارت توقاەۆ الماتىداعى جامبىل اتىنداعى جاسوسپىرىمدەر كىتاپحاناسىنا باردى

934 رەت كورسەتىلدى

بۇل تۋرالى اقوردانىڭ ءباسپاسوز قىزمەتى حابارلادى.

مەملەكەت باسشىسى «رۋحاني جاڭعىرۋ» باعدارلاماسى اياسىندا جاستاردىڭ زياتكەرلىك ورتالىعى بولىپ قايتا قۇرىلعان جامبىل اتىنداعى جاسوسپىرىمدەر كىتاپحاناسىنىڭ جۇمىسىمەن تانىستى. «وpen space» فورماتى بويىنشا جۇمىس ىستەيتىن بۇل مەكەمەدە ەلەكتروندى رەسۋرستارمەن، كىتاپ جانە مەرزىمدى باسىلىمدارمەن جۇمىس ىستەۋ، فيلمدەر كورسەتۋ، تانىستىرىلىمدار، ترەنينگتەر جانە كونفەرەنتسيالار وتكىزۋ قىزمەتى قامتىلعان. ورتالىق كىتاپ قورى 1،8 ميلليون دانادان اساتىن قالانىڭ بىرىڭعاي كىتاپحانالار جۇيەسىنە كىرەدى.

قاسىم-جومارت توقاەۆ جاستار مەن ەرىكتىلەر قوزعالىسىنىڭ وكىلدەرىنە ءوزىنىڭ ءومىرى مەن ەڭبەك جولى تۋرالى اڭگىمەلەدى.

– بۇۇ باس حاتشىسىنىڭ ورىنباسارى بولىپ جۇمىس ىستەگەن كەزىمدە ۆولونتەرلىك جۇمىسقا كوپ كوڭىل ءبولدىم. ءبىز كوپتەگەن ەلدەردىڭ ەرىكتىلەرىن جيناپ فورۋمدار ۇيىمداستىردىق. قازاقستان پارلامەنتىندە ىستەگەندە ۆولونتەرلىك تۋرالى زاڭ قابىلدادىق. مەملەكەت تاراپىنان بۇل قوزعالىسقا قولداۋ كورسەتىپ، دامىتۋ ءۇشىن بارلىق جاعداي جاسالۋدا، – دەدى قازاقستان پرەزيدەنتى.

مەملەكەت باسشىسى جاقىن ارادا ەلىمىزدە ەرىكتىلەردىڭ ۇلكەن فورۋمىن وتكىزۋ جوسپارلانىپ وتىرعانىن ايتتى.

سوڭعى جاڭالىقتار

احاڭنىڭ ادالدىعى

احمەت بايتۇرسىن ۇلى • كەشە

قارالى كەزەڭ كارتيناسى

قازاقستان • كەشە

ۇقساس جاڭالىقتار