ساياسات • 30 ءساۋىر، 2019

قازاقستان مەن حورۆاتيا ساياسي، ساۋدا-ەكونوميكالىق ىنتىماقتاستىقتى نىعايتۋعا نيەتتى

858 رەت كورسەتىلدى

بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.

بۇگىن قازاقستان استاناسىنا حورۆاتيا پرەمەر-ءمينيسترىنىڭ ورىنباسارى - سىرتقى جانە ەۋروپالىق ىستەر ءمينيسترى ماريا پەيچينوۆيچ-بۋريچ رەسمي ساپارمەن كەلدى. اتالعان ساپار حورۆاتيانىڭ قازاقستانداعى ەلشىلىگىنىڭ رەسمي اشىلۋىمەن ەرەكشەلەندى.

قازاقستان سىرتقى ىستەر ءمينيسترى بەيبىت اتامقۇلوۆ حورۆات ارىپتەسىمەن كەلىسسوزدەر جۇرگىزىپ، ەكىجاقتى ىنتىماقتاستىقتىڭ پەرسپەكتيۆالىق باعىتتارىن جانە حالىقارالىق ماسەلەلەردى تالقىلادى.

كەلىسسوزدەر بارىسىندا م. پەيچينوۆيچ-بۋريچ قازاقستاننىڭ تۇڭعىش پرەزيدەنتى – ەلباسى نۇرسۇلتان نازارباەۆتىڭ قازاق مەملەكەتتىلىگىن قۇرۋداعى، اۋقىمدى رەفورمالاردى ءساتتى جۇزەگە اسىرۋداعى جانە قازاقستاننىڭ حالىقارالىق بەدەلىن نىعايتۋدا ءرولىن ەرەكشە اتاپ ءوتتى. قازاقستاندا جوعارعى بيلىكتى بەرۋ پروتسەسىندە تۇراقتىلىقتى قامتاماسىز ەتۋدىڭ ماڭىزدىلىعى اتاپ ءوتىلدى. تاراپتار قازاقستاندا الداعى پرەزيدەنتتىك سايلاۋ حالىقارالىق دەموكراتيالىق ستاندارتتارعا سايكەس وتەتىنىنە ءوزارا سەنىم ءبىلدىردى.

كەلىسىم-قۇقىقتىق بازانى نىعايتۋ، ۆەدومستۆوارالىق ىنتىماقتاستىقتى ارتتىرۋ، ىسكەرلىك جانە مادەني-گۋمانيتارلىق بايلانىستاردى كەڭەيتۋ بويىنشا بىرلەسكەن بەلسەندى جۇمىستارعا ەرەكشە نازار اۋدارىلدى. قر ءسىم-ءنىڭ ينۆەستيتسيالاردى تارتۋ جانە ەكسپورتتى جىلجىتۋ سالاسىنداعى ۇيلەستىرۋشى ءرولى اتاپ ءوتىلدى.

ساۋدا-ەكونوميكالىق ىنتىماقتاستىقتى كەڭەيتۋ تۋرالى ۋاعدالاستىققا قول جەتكىزىلدى. مۇناي-گاز ونەركاسىبى، قۇرىلىس، يننوۆاتسيا، تاماق ونەركاسىبى، اۋىل شارۋاشىلىعى، فارماتسەۆتيكا جانە تۋريزم سالالارى پەرسپەكتيۆتى باعىتتار رەتىندە اتاندى.

2016 جىلدان باستاپ حورۆاتيامەن ەكىجاقتى ساۋدا 8 ەسەگە ءوسىپ، 2018 جىلدىڭ قورىتىندىسى بويىنشا 350 ملن اقش دوللارىن قۇرادى. قازاقستاندا قۇرىلىس، اقپاراتتىق تەحنولوگيالار، ازىق-ت ۇلىك ونەركاسىبى جانە ساۋدا سالالارىندا 20-دان استام حورۆات كومپانياسى جۇمىس ىستەيدى. ءىرى جوبالاردىڭ قاتارىندا - نۇر-سۇلتانداعى «زاگرەب» تۇرعىن ءۇي كەشەنىنىڭ قۇرىلىسى، قر دەنساۋلىق ساقتاۋ مينيسترلىگىنىڭ حورۆات «Ericsson Nikola Tesla» كومپانياسىمەن بىرلەسىپ، دەنساۋلىق ساقتاۋدىڭ ينتەگراتسيالىق پلاتفورماسىن جانە ەلەكتروندىق دەنساۋلىق پاسپورتتارىن ەنگىزۋ، «سۇلتان» جشس پەن «ينسترۋمەنتاريا» حورۆات كومپانياسىنىڭ پروتەزدىك-ورتوپەديالىق ونىمدەردىڭ بىرلەسكەن ءوندىرىسى.

2019 جىلى قاڭتاردا قازاقستان حورۆاتيامەن جاساسقان قوسارلانعان سالىق سالۋدى بولدىرماۋ تۋرالى ۇكىمەتارالىق كەلىسىمدى راتيفيكاتسيالادى. ناۋرىزدا ەكونوميكالىق ىنتىماقتاستىق جونىندەگى قازاقستان-حورۆاتيا ۇكىمەتارالىق كوميسسياسىن قۇرۋدىڭ قۇقىقتىق نەگىزىن قامتاماسىز ەتەتىن قازاقستان مەن حورۆاتيا ۇكىمەتتەرى اراسىنداعى ەكونوميكالىق ىنتىماقتاستىق تۋرالى كەلىسىم كۇشىنە ەندى. كەلىسسوزدەر بارىسىندا ۇكىمەتارالىق كوميسسيانى قۇرۋ جانە ءبىرىنشى كەزدەسۋدى 2019 جىلدىڭ سوڭىنا دەيىن وتكىزۋ تۋرالى كەلىسىمگە قول جەتكىزىلدى.

سىرتقى ساياسي ۆەدومستۆولاردىڭ باسشىلارى ينۆەستيتسيالاردى كوتەرمەلەۋ جانە ءوزارا قورعاۋ تۋرالى ۇكىمەتارالىق كەلىسىمگە، سونداي-اق اۋىل شارۋاشىلىعى، تۋريزم، دەنساۋلىق ساقتاۋ جانە باسقا دا سالالارداعى بىرقاتار ۆەدومستۆوارالىق كەلىسىمدەرگە قول قويۋعا قىزىعۋشىلىق تانىتتى.

ب. اتامقۇلوۆ 2020 جىلدىڭ ءبىرىنشى جارتىسىندا العاش رەت ەۋروپالىق وداقتاعى توراعالىقتىڭ جوعارى ميسسياسىن جۇزەگە اسىراتىن حورۆاتيانىڭ سىرتقى ساياسي جەتىستىكتەرىنە جوعارى باعا بەردى. قازاقستان مەن ەۋروپالىق وداق اراسىنداعى كەڭەيتىلگەن سەرىكتەستىك جانە ىنتىماقتاستىق تۋرالى كەلىسىم اياسىندا ءوزارا ءىس-قيمىلدى دامىتۋ دايىندىعى اتالدى.

م. پەيچينوۆيچ-بۋريچ ءوز كەزەگىندە قازاقستاننىڭ 2017-2018 جج. بۇۇ قاۋىپسىزدىك كەڭەسىنىڭ تۇراقتى ەمەس مۇشەسى رەتىندەگى قىزمەتىن، قر-نىڭ حالىقارالىق قاۋىپسىزدىككە قوسقان ۇلەسىن، سونىڭ ىشىندە سيرياداعى قاقتىعىستى رەتتەۋ جونىندەگى استانا پروتسەسىن، سونداي-اق ەلىمىزدىڭ يادرولىق قارۋسىز الەم يدەياسىن جۇزەگە اسىرۋدى جانە حالىقارالىق مادەنيەتتەر مەن دىندەر ديالوگىن دامىتۋدى جوعارى باعالادى.

كەلىسسوزدەر قورىتىندىسى بويىنشا قر ءبىلىم جانە عىلىم مينيسترلىگى مەن حورۆاتيانىڭ عىلىم جانە ءبىلىم مينيسترلىگى اراسىندا ءبىلىم جانە عىلىم سالاسىنداعى ىنتىماقتاستىق تۋرالى ءوزارا تۇسىنىستىك تۋرالى مەموراندۋمعا قول قويىلدى.

قازاقستان مەن حورۆاتيا ءسىم باسشىلارى قازاقستانداعى شەت مەملەكەتتىڭ 70-ءشى وكىلدىگى بولعان نۇر-سۇلتان قالاسىنداعى حورۆاتيا رەسپۋبليكاسى ەلشىلىگىنىڭ اشىلۋ راسىمىنە قاتىستى. قازاقستان سىرتقى ساياسي ۆەدومستۆوسىنىڭ باسشىسى ءوز سوزىندە ەلوردامىزداعى حورۆاتيا ەلشىلىگىنىڭ اشىلۋىنا حورۆاتيا پرەمەر-ءمينيسترىنىڭ ورىنباسارى - سىرتقى جانە ەۋروپالىق ىستەر ءمينيسترىنىڭ قاتىسۋى حورۆاتيانىڭ قازاقستانعا دەگەن جوعارى قۇرمەتىنىڭ جانە ءبىزدىڭ ەلىمىزبەن ەرەكشە قاتىناستار مەن دوستىقتىڭ بەلگىسى بولىپ تابىلاتىندىعىن اتاپ ءوتتى (قازاقستاننىڭ حورۆاتياداعى ەلشىلىگى 2007 جىلدىڭ جەلتوقسان ايىنان باستاپ جۇمىس ىستەيدى).

ساپار بارىسىندا م. پەيچينوۆيچ-بۋريچ پارلامەنت سەناتىنىڭ توراعاسى داريعا نازارباەۆامەن، پارلامەنت ءماجىلىسىنىڭ توراعاسى نۇرلان نىعماتۋلينمەن كەزدەسىپ، قازاقستان-حورۆاتيا ىنتىماقتاستىعى مەن پارلامەنتارالىق قاتىناستار ماسەلەلەرىن تالقىلادى.


سوڭعى جاڭالىقتار

سال-سەرىنىڭ سوڭى

قازاقستان • كەشە

GGG – CANELO: ەر كەزەگى ۇشكە دەيىن...

كاسىپقوي بوكس • كەشە

الاش ارداقتىسىن تۇركى الەمى ۇلىقتادى

احمەت بايتۇرسىن ۇلى • كەشە

ءبىزدىڭ سايىن

ادەبيەت • كەشە

ماعجاننىڭ قاراسوزدەرى

ادەبيەت • كەشە

ساف اۋاداعى سەرۋەن

ەگەمەن قازاقستان • كەشە

ۇقساس جاڭالىقتار