ساياسات • 30 ءساۋىر، 2019

ن. ەرمەكباەۆ شىۇ-عا مۇشە مەملەكەتتەرى قورعانىس مينيسترلەرىنىڭ وتىرىسىنا قاتىستى

811 رەت كورسەتىلدى

بۇل تۋرالى مينيسترلىكتىڭ ءباسپاسوز قىزمەتى حابارلادى.

اسكەري ۆەدومستۆو باسشىسى گەنەرال-مايور ن. ەرمەكباەۆ شانحاي ىنتىماقتاستىق ۇيىمىنا مۇشە مەملەكەتتەرى قورعانىس مينيسترلەرىنىڭ كەڭەسىنە قاتىستى. شىۇ شەڭبەرىندە قىرعىزستان پرەزيدەنتى سوورونباي جەەنبەكوۆ  ۇيىمعا مۇشە مەملەكەتتەر قورعانىس ۆەدومستۆولارىنىڭ باسشىلارىن قابىلدادى.

كەزدەسۋدە وڭىردەگى بەيبىتشىلىك پەن تۇراقتىلىقتى ساقتاۋ جونىندەگى مىندەتتەردى شەشۋ ءۇشىن بىرلەسكەن كۇش-جىگەردى ورىستەتۋ قاجەتتىلىگى تۋرالى اتاپ ءوتىلدى. وتىرىس بارىسىندا شىۇ-عا مۇشە مەملەكەتتەردىڭ مينيسترلەرى ءارى قارايعى ءوزارا ءىس-قيمىل، قاۋىپسىزدىك اياسىنداعى ىنتىماقتاستىقتى نىعايتۋ ماسەلەلەرىن تالقىلادى، سونداي-اق حالىقارالىق جانە وڭىرلىك كۇن ءتارتىبىنىڭ وزەكتى ماسەلەلەرى بويىنشا پىكىر الماستى. باسىمدىق باعىتتاردىڭ ىشىندە تەرروريزم، ەكسترەميزم جانە سەپاراتيزمگە قارسى تۇرۋ، وڭىردەگى بەيبىتشىلىك پەن تىنىشتىقتى ساقتاۋ، ەلدەرىمىزدىڭ تۇراقتىلىعى مەن تۇراقتى دامۋىن قامتاماسىز ەتۋ بولدى. 2020-2031 جىلدارعا ارنالعان شىۇ-عا مۇشە مەملەكەتتەرى قورعانىس مينيسترلىكتەرىنىڭ ىنتىماقتاستىق جوسپارى بەكىتىلدى جانە بىرلەسكەن اسكەري وقۋ-جاتتىعۋلاردى وتكىزۋ تۋرالى شانحاي ىنتىماقتاستىق ۇيىمىنا مۇشە مەملەكەتتەرى اراسىنداعى كەلىسىمگە وزگەرىستەر مەن تولىقتىرۋلار ەنگىزۋ تۋرالى حاتتاماعا قول قويىلدى.  «مەملەكەتتەرىمىزدىڭ باسشىلارىنىڭ جەتەكشىلىك ەتۋىمەن شىۇ ءوزارا سەنىم، تەڭدىك، قۇرمەت، جالپى دامۋعا تالپىنىس پەن «شانحاي رۋحىن» ۇستاپ تۇرۋعا قاعيداتتاردى ساقتاۋ ارقىلى دامۋدا»، دەدى قورعانىس ءمينيسترى، گەنەرال-مايور ن. ەرمەكباەۆ. 

ءسوز سويلەۋ بارىسىندا شىۇ شەڭبەرىندەگى ءوزارا ءىس-قيمىلدىڭ باسىمدىق باعىتتارى جاماندىقتىڭ ءۇش كۇشىمەن، ياعني، تەرروريزم، سەپاراتيزم جانە ەكسترەميزممەن كۇرەسۋ بولىپ جاتقانىن اتاپ ءوتتى.  وسىعان بايلانىستى، رەسەي فەدەراتسياسىندا وتكىزىلگەن «بەيبىت ميسسيا – 2018» بىرلەسكەن اسكەري تەرروريزمگە قارسى وقۋ-جاتتىعۋىنىڭ ءمانى اتاپ ءوتىلدى. وعان العاش رەت ءۇندىستان مەن پاكىستاننىڭ قارۋلى كۇشتەرى قاتىستى.

اتالمىش وقۋ-جاتتىعۋلاردى وتكىزۋ پراكتيكاسىن جالعاستىرۋ قاجەتتىلىگى اتاپ ءوتىلدى. كەڭەس قورىتىندىسى بويىنشا قاتىسۋشىلار 2018 جىلى قۇرىلعان ءتيىمدى كونسۋلتاتسيالىق مەحانيزم بولىپ تابىلاتىن قورعانىس مينيسترلەرىنىڭ كەڭەسى جانىنداعى ساراپتامالىق جۇمىس توبىنىڭ جۇمىسىنا  جوعارى باعا بەردى.  كەزەكتى وتىرىس 2020 جىلى رەسەي فەدەراتسياسىندا وتەدى. 

سوڭعى جاڭالىقتار

اقجايناق استانا

ەلوردا • كەشە

ديماش پەن دجەكسون

ونەر • كەشە

ۇقساس جاڭالىقتار