اقتوبە قالاسىنىڭ №2 حقوبولىمىنىڭ باسشىسى اسحات ورازباەۆتىڭ ايتۋىنشا, 3 جىل ىشىندە ايماق تۇرعىندارىنا 4,6ملناستام مەملەكەتتىك قىزمەت كورسەتىلدى, ونىڭ ىشىندە 2 ملن جۋىق مەملەكەتتىك قىزمەتتى حقو-عا كەلگەن ازاماتتار "Connection point" وزىنە-ءوزى قىزمەت كورسەتۋ سەكتورلارى ارقىلى العان.جالپى ءوڭىر تۇرعىندارى 744 260 مىڭنان استام ەتسق راسىمدەگەن. سونداي-اق, وسى كەزەڭ ارالىعىندا 10 مىڭنان استام مەملەكەتتىك قىزمەت ازاماتتاردىڭ ۇيىنە بارىپ كورسەتىلگەن. «بۇگىنگى تاڭدا رەەستردە 752 مەملەكەتتىك قىزمەتتىڭ 621-ىمەملەكەتتىك كورپوراتسيا ارقىلى كورسەتىلەدى, ال 506 قىزمەتتى ەلەكتروندىق ۇكىمەت پورتالى ارقىلى الۋعا بولادى. كەز كەلگەن ادام ەلەكتروندىق قىزمەتتەردى ءوز ۇيىنەن نەمەسە Connection Point سەكتورلارىنان ءوز بەتىنشە الا الادى», دەپ تولىقتىردى ول.
مەملەكەتتىك كورپوراتسيا, سونداي-اق جەر ۋچاسكەلەرىنىڭ شەكاراسىن بەلگىلەۋ, ەلدىمەكەندەردىڭ شەكاراسىن (شەگىن) وزگەرتۋ جوبالارىن ازىرلەۋ سياقتى مەملەكەتتىك جەر كاداسترىن جۇرگىزۋگە بايلانىستى جۇمىستاردى اتقارادى. جەر كاداسترى باسقارماسىنىڭ باسشىسى بەكزات ءورازاليننىڭ ايتۋىنشا, فيليال قىزمەتكەرلەرى 3 جىل ىشىندە 1 009 گەكتاردان استام جەرگە زەرتتەۋلەر جۇرگىزىپ, كارتالاردىڭ ەلەكتروندىق نۇسقاسىن جاسادى.
سونىمەن قاتار فيليالدىڭ زەينەتاقى مەن جاردەماقىلاردى قايتا ەسەپتەۋ جونىندەگى الەۋمەتتىك بلوگى 88 296 مىڭنان استام زەينەتكەرلەرگە بازالىق زەينەتاقى تولەمدەرىن قايتا ەسەپتەۋ جۇرگىزدى.
وڭىردە 2015 جىلدىڭ جەلتوقسانىندا اشىلعان مامانداندىرىلعان حقو ارقىلى 235 مىڭنان استام اۆتوكولىك تىركەلىپ, 68 مىڭنان استام جۇرگىزۋشى كۋالىگى بەرىلدى.
ايتا كەتۋ كەرەك, «تسيفرلىق قازاقستان» مەملەكەتتىك باعدارلاماسىن جۇزەگە اسىرۋ ماقساتىندا 2018 جىلى مەملەكەتتىك كورپوراتسيا كولىكتى تىركەۋ جانە جۇرگىزۋشى كۋالىكتەرىن اۋىستىرۋ بويىنشا ونلاين سەرۆيستەردى ىسكە قوستى, قىزمەت egov.kz پورتالى ارقىلى قولجەتىمدى.«بيىلعى جىلدىڭ ءبىرىنشى توقسانىندا 1262-دەن استام اقتوبەلىك جۇرگىزۋشى كۋالىگىنە تاپسىرىستى ونلاين بەرگەن. جاڭا تەحنولوگيالار زامانى, حقو-عا كەلمەي-اق بىرقاتار مەملەكەتتىك قىزمەتتى الۋعا مۇمكىندىك بەرەدى»,دەيدى فيليال ديرەكتورىنىڭ ورىنباسارى ءىزباسار ورىنباساروۆ.
كولىكتى ونلاين تىركەۋ – اۆتوكولىكتى ارنايى حقو-عا بارماي راسىمدەۋگە مۇمكىندىك بەرەدى. پورتالدا قىزمەتتى پايدالانۋ ءۇشىن ساتۋشى مەن اۆتوكولىكتى ساتىپ الۋشىدا ەتسق بولۋى ءتيىس. جۇيە ايىپپۇلداردىڭ, سالىقتىق بەرەشەكتەردىڭ جانە تەحنيكالىق بايقاۋدىڭ بولۋىن اۆتوماتتى تۇردە تەكسەرەدى.
جالپى 3 جىل ىشىندە "ازاماتتارعا ارنالعان ۇكىمەت" مەملەكەتتىك كورپوراتسياسى ءۇشىنشى تۇلعالاردىڭ «Paper free»ارقىلى ەلەكتروندىق انىقتامالاردى سۇراتۋ سەرۆيستەرىن ەنگىزدى. سونىمەن قاتار 2018 جىلدىڭ 21 مامىرىنان باستاپ EgovKzBot Telegram بوتى ىسكە قوسىلدى.
قازىرگى تاڭدا اقتوبە وبلىستىق فيليالىندا 18 فرونت-كەڭسە, مامانداندىرىلعان حقو, كوشى-قون قىزمەتتەرى جانە تسيفرلىق قىزمەتتەر ورتالىعى جۇمىس ىستەيدى. سونداي-اق حالىقتى زەينەتاقى جانە جاردەماقى تولەمدەرىمەن قامتاماسىز ەتۋ بويىنشا فيليالدا 2 قالالىق, 12 اۋداندىق ءبولىم قىزمەت ەتەدى.
