ەكونوميكا • 29 ءساۋىر، 2019

ەكسپورتتاۋشىلاردىڭ شىعىندارىن وتەۋگە 10،4 ملرد تەڭگە كولەمىندە قاراجات قاراستىرىلىپ وتىر

802 رەتكورسەتىلدى

«قازاقستاندىق يندۋستريا جانە ەكسپورت ورتالىعى» اق يندۋستريالىق-يننوۆاتسيالىق قىزمەت سۋبەكتىلەرىنىڭ وتاندىق وڭدەلگەن تاۋارلاردى ىلگەرىلەتۋ بويىنشا شىعىندارىنىڭ ءبىر بولىگىن وتەۋگە 2019 جىلعى 29 ءساۋىرى مەن 1 قاراشا ارالىعىندا وتىنىشتەر قابىلداۋعا كىرىستى.

بيىل ەكسپورتتاۋشىلاردىڭ شىعىندارىن وتەۋگە 10،4 ملرد تەڭگە كولەمىندە قاراجات قاراستىرىلىپ وتىر.

يندۋستريالىق-يننوۆاتسيالىق قىزمەت سۋبەكتىلەرىنە تاۋارلاردى كوتەرمەلەۋ ءۇشىن شىعىنداردىڭ ءبىر بولىگىن وتەۋ مىناداي تۇرلەردە جۇزەگە اسىرىلادى:   

1) شەتەلدە جارنامالىق تاۋارلارعا بايلانىستى شىعىندار;    

2) حالىقارالىق كورمەلەرگە، جارمەڭكەلەرگە، فەستيۆالدەرگە تىكەلەي قاتىسۋ قۇنى;    

3) شەتەل تىلدەرىنە اۋدارۋ جانە شەتەلگە تاراتۋ ءۇشىن مامانداندىرىلعان كاتالوگتى جاريالاۋعا بايلانىستى شىعىندار;    

4) شەتەلدەگى وكىلدىكتى، بولىمشەنى جانە قويمانى ساقتاۋ قۇنىن;    

5) شەتەلدە تاۋار تاڭبالارىن (برەندىن) تىركەۋگە بايلانىستى راسىمدەردى جۇرگىزۋ شىعىندارى;    

6) تاۋارلاردى شەتەلدە سەرتيفيكاتتاۋعا بايلانىستى راسىمدەردى جۇرگىزۋگە جۇمسالعان شىعىندار;    

7) تاۋارلاردى تەمىرجول جانە (نەمەسە) اۆتوموبيل جولىمەن (قازاقستان رەسپۋبليكاسى شەگىندە) جەتكىزۋمەن بايلانىستى شىعىندار.

كاسىپكەرلىك سۋبەكتىلەرىنىڭ ساناتىنا قاراي نەگىزدەلگەن جانە قۇجاتپەن راستالعان شىعىندار مىناداي تارتىپپەن وتەلەدى:    

1) ءىرى كاسىپكەرلىك سۋبەكتىلەرىنە – وتەۋگە ۇسىنىلعان سومانىڭ 30% مولشەرىندە;    

2) ورتا كاسىپكەرلىك سۋبەكتىلەرىنە – وتەۋگە ۇسىنىلعان سومانىڭ 50% مولشەرىندە;    

3) شاعىن كاسىپكەرلىك سۋبەكتىلەرىنە – وتەۋگە ۇسىنىلعان سومانىڭ 60% مولشەرىندە. بۇل رەتتە وتەۋدىڭ ەڭ جوعارى مولشەرى بيزنەستىڭ مولشەرىنە قاراماستان 13 000 (ون ءۇش مىڭ) اەك نەمەسە 32،8 ملن. تەڭگەدەن اسپاۋى ءتيىس. تاسىمالداۋ قۇنىنىڭ ءبىر بولىگىن وتەۋدىڭ ەڭ كوپ سوماسى اعىمداعى جىلعا بولىنگەن قاراجاتتىڭ 1/50 نەمەسە ءبىر كاسىپورىن ءۇشىن 200 ملن. تەڭگەدەن اسپايدى. اۆتوكولىكپەن جۇك تاسىمالداۋ ءليميتى 1 شاقىرىمعا 300 تەڭگەدەن اسپايدى.

يندۋستريالىق-يننوۆاتسيالىق قىزمەت سۋبەكتىلەرىنە شىعىنداردىڭ ءبىر بولىگىن وتەۋ قازاقستان رەسپۋبليكاسى ينۆەستيتسيالار جانە دامۋ ءمينيسترىنىڭ 2015 جىلعى 30 قاراشاداعى № 1128 بۇيرىعىمەن بەكىتىلگەن «وتاندىق وڭدەلگەن تاۋارلاردى ىلگەرىلەتۋ ماقساتىندا يندۋستريالىق-يننوۆاتسيالىق قىزمەت سۋبەكتىلەرى شىعىندارىنىڭ ءبىر بولىگىن وتەۋ قاعيدالارىنا» سايكەس جۇزەگە اسىرىلادى.

سوڭعى جاڭالىقتار

ەرلىكتى دارىپتەيتىن قوماقتى قور

رۋحانيات • بۇگىن، 20:12

ەكى قىلمىستىق توپ ۇستالدى

ايماقتار • بۇگىن، 17:45

بالالار ۇيىندەگى ىزگىلىك شاراسى

ايماقتار • بۇگىن، 15:47

ەلتاڭبا تاريحى تالقىلاندى

رۋحانيات • بۇگىن، 14:54

ۇقساس جاڭالىقتار