شاراعا قمگ جانە ونىڭ ەنشىلەس ۇيىمدارىنىڭ ەكولوگيالىق نورمالاردىڭ ساقتالۋىنا جانە قىزمەتكەرلەردىڭ ەڭبەك قاۋىپسىزدىگىن قامتاماسىز ەتۋگە جاۋاپتى 140-تان استام مامان قاتىستى. ءماجىلىس قاۋىپسىزدىك پەن ەڭبەكتى قورعاۋدىڭ اعىمداعى جاي-كۇيىن باعالاۋ, ولاردى ءارى قاراي جەتىلدىرۋ, جالپى ماسەلەلەردى تالقىلاۋ جانە ولاردى شەشۋ ءۇشىن ۇسىنىستار ازىرلەۋ ماقساتىندا جىل سايىن وتكىزىلىپ تۇرادى.
قالىپتاسقان ءداستۇر بويىنشا كەزدەسۋ قاۋىپسىزدىك مينۋتىنان باستالدى, ونىڭ بارىسىندا قاتىسۋشىلار ءۇشىن توتەنشە جاعداي كەزىندەگى قاۋىپسىزدىك تەحنيكاسى جونىندە نۇسقاما وتكىزىلدى.
«ماڭعىستاۋمۇنايگاز» اق باس ديرەكتورىنىڭ ەكونوميكا جانە قارجى جونىندەگى باس ديرەكتورى ش.ىلمۇحانبەتوۆا كۇن ءتارتىبىنىڭ باستى ماسەلەلەرىن ايقىندادى. وندىرىستەگى ەڭبەكتى قورعاۋ, اپات مەن جاراقاتتاردىڭ الدىن الۋ جانە قورشاعان ورتاعا كومپانيالار قىزمەتىنىڭ جاعىمسىز اسەرىن ازايتۋ ماسەلەلەرىندە دەربەس جاۋاپكەرشىلىكتى ارتتىرۋدىڭ ماڭىزدىلىعى مەن قاجەتتىلىگىنە كەزەكتى رەت باسا نازار اۋدارىلدى.
قمگ ەڭبەكتى جانە قورشاعان ورتانى قورعاۋ جونىندەگى باسقارۋشى ديرەكتورى ۆينسەنت سپينەللي سوڭعى 4 جىل ىشىندە قاۋىپسىزدىك جانە ەڭبەكتى قورعاۋ كورسەتكىشتەرى بويىنشا 2018 جىل ەڭ ۇزدىك بولعانىن اتاپ ايتتى. 2017 جىلمەن سالىستىرعاندا ادام ءولىمى بولعان جاعدايلار سانى 80%-عا ازايدى, جاراقات الۋ 32%-عا تومەندەدى, جاراقات الۋدىڭ ءىرى (ادام ءومىرى ءۇشىن ماڭىزدى) ءىرى وقيعالار سانى 57%-عا, جول-كولىك وقيعالارى سالدارىنان جاراقات الۋ 47%-عا, ءورت سانى وتكەن جىلمەن سالىستىرعاندا 54%-عا ازايدى. جالپى قمگ كومپانيالارى توبىندا قاۋىپسىز كۇندەر سانى (كومپانيانىڭ قىزمەتكەرلەرىنە, اكتيۆتەرىنە جانە قورشاعان ورتاعا زيان كەلتىرمەگەن كۇندەر) 2014 جىلداعى 96-دان 2018 جىلى 207-گە دەيىن ۇلعايدى.
ءماجىلىس بارىسىندا 2019 جىلعا ارنالعان ماقساتتار دا بەلگىلەندى. ەڭبەكتى قورعاۋ سالاسىندا جۇمىس ورنىنداعى قاۋىپسىزدىكتىڭ الدىن الۋ مادەنيەتىن قالىپتاستىرۋ جانە ەڭبەك ەتۋدىڭ قاۋىپسىز ەمەس جاعدايلارىن انىقتاۋ جونىندەگى جۇمىس جالعاسىن تابادى. سونداي-اق قالدىقتاردى باسقارۋ جانە ورتكە قارسى قاۋىپسىزدىكتى ساقتاۋ ماسەلەلەرىنە دە باسىمدىق بەرىلەدى. بۇدان باسقا وسى جىلى مەردىگەرلىك ۇيىمدارعا جانە ولاردىڭ ەقوق نورمالارىن ساقتالۋىنا قاتاڭ باقىلاۋ ورناتۋ جوسپارلانىپ وتىر.
