اقتاۋداعى تەڭىز جاياۋ بريگاداسىنىڭ 600-دەن استام مەرزىمدىك قىزمەتتەگى ساربازى, اقتوبە, اتىراۋ جانە ماڭعىستاۋ وبلىسىنداعى بەينەۋ ەلدىمەكەنىندەگى مەرزىمدىك قىزمەتتەگى ساربازدار وزدەرىنىڭ تۋعان جەرلەرىنە جول تارتتى.
مەرزىمدى قىزمەتتەگى اسكەري قىزمەتشىلەردى سالتاناتتى شىعارىپ سالۋدى العاشقىلاردىڭ ءبىرى بولىپ دەسانتتىق-شابۋىلداۋ اسكەرلەرى وتكىزدى. قىزمەتتەرىن ادال ورىنداپ, وقۋ-جاۋىنگەرلىك تاپسىرمالاردى ساپالى ورىنداعاندارى ءۇشىن كوپتەگەن اسكەري قىزمەتشىلەر اسكەرلەر قولباسشىسىنىڭ اتىنان گراموتالارمەن, اسكەري بولىمدەردىڭ كومانديرلەرىنەن العىس حاتتارمەن, سونداي-اق اسكەري قىزمەت تۋرالى ەستەلىك ءۇشىن فوتوالبومدارمەن جانە باعالى سىيلىقتارمەن ماراپاتتالدى. اسكەري بولىمدەردىڭ كومانديرلەرى, قر قارۋلى كۇشتەرىنىڭ ارداگەرلەرى جىلى لەبىزدەرىن ءبىلدىردى.
قارۋلى كۇشتەردە اعىمداعى جىلعى كوكتەمدە زاڭمەن بەلگىلەنگەن اسكرەي قىزمەت مەرزىمىن وتكەرگەن 6000-عا جۋىق اسكەري قىزمەتشى زاپاسقا بوساتىلاتىنىن ەستەرىڭىزگە سالا كەتەيىك. ءبىر جىل بويى اسكەري قىزمەتشىلەر اسكەري ماماندىقتى يگەرىپ, جاۋىنگەرلىك دايارلىقتا ەلەۋلى ناتيجەلەرگە قول جەتكىزدى, بىرنەشە رەت ءىس جۇزىندە جوعارى جاۋىنگەرلىك ماشىقتارىن پاش ەتتى. بوساتىلاتىن اسكەري قىزمەتشىلەردىڭ كوبىسى رەسپۋبليكالىق جانە حالىقارالىق ماڭىزى بار قر قارۋلى كۇشتەرى اۋقىمىنداعى ءىس-شارالاردى دايىنداۋ مەن وتكىزۋگە بەلسەنە قاتىسقان بولاتىن.
