«ەلىمىزدەگى حالىقتاردىڭ بىرىلىگىنىڭ ايقىن كورىنىسى رەتىندە «تۋعان جەر» باعدارلاماسىن ايتا الامىز. قحا XXVII سەسسياسى ەلىمىزدەگى تاريحي وقيعالارعا تۇس كەلدى. 30 جىلعا جۋىق ۋاقىت بويى ەل باسقارىپ كەلدىم.ء بىزدىڭ مەملەكەتىمىز تۋرالى كوپتەگەن بولجامدار بار ەدى. 30 جىل بۇرىن عانا حالىقارالىق ساراپشىلار ورتالىق ازيا, ءبىزدىڭ قازاقستان دا - جاڭا قاقتىعىس وشاقتارىنا اينالاتىنىن بولجاعان ەدى. ولار ءبىزدىڭ وڭىردە قانتوگىستەر مەن كۇرەستەر ءجۇرىپ جاتادى دەپ ويلادى. ولار ەتنو جانە ءدىني سەنىم بويىنشا وزگەشەلىكتى العا تارتتى. وڭىردەگى مەملەكەتتەردىڭ بولاشاعى جوق ءارى تاريح تابانىندا قالادى دەپ سەنىمدى تۇردە بولجام جاسادى. بىراق, تاۋەلسىزدىك جىلدارى ءبىز - قازاقستان حالقى بۇل دەسترۋكتيۆتى بولجامداردىڭ ءبارىن جوققا شىعاردىق», دەدى نۇرسۇلتان نازارباەۆ.
ەلباسى ءوز سوزىندە قازاقستان ەكونوميكاسى مىعىم مەملەكەت ەكەنىن ايتا وتىرىپ, «ءبىز بىرلىكتىڭ, ىشكى ساياساتتاعى پراگماتيكالىق باعىتتىڭ ارقاسىندا تاريحتىڭ بارلىق قاقپانىن اينالىپ وتتىك, حالىقارالىق جوعارى دارەجەگە يە بولدىق. ىشكى ساياسي ىستەردى قۇرىپ جاتقان ءبىزدىڭ مودەل, ءبىزدىڭ ەلدەگى ۇلتارالىق قارىم-قاتىناس ۋاقىتتىڭ وزىمەن سىنالىپ, بۇگىنگى تاڭدا باسقالارعا ۇلگى بولىپ كەلەدى», دەدى ەلباسى.
