اتالعان ءىس-شارا جۇمىسىنا ەكى ەلدىڭ 150-دەن استام ىسكەر توپتارىنىڭ وكىلدەرى, ونىڭ ىشىندە 100-گە جۋىق ماجارستان بيزنەسىنىڭ وكىلدەرى قاتىستى.
كەزدەسۋ بارىسىندا قازاقستاننىڭ ينۆەستيتسيالىق مۇمكىندىكتەرى مەن ەكسپورتتىق الەۋەتى, بىرلەسكەن ىنتىماقتاستىقتىڭ ارتىقشىلىقتارى مەن ەكى مەملەكەتتىڭ ساۋدا-ەكونوميكالىق ارىپتەستىگىن ودان ءارى ىلگەرىلەتۋ پەرسپەكتيۆالارى تانىستىرىلدى.
بيزنەس-فورۋم اياسىندا ىنتىماقتاستىق تۋرالى 10 كەلىسىمگە قول قويىلدى.
سونىمەن قاتار, فورۋم اياسىندا قازاقستاندىق جانە ماجارستاندىق كاسىپكەرلەر اراسىندا ەكى جاقتى كەزدەسۋلەر وتكىزىلدى, وندا اگروونەركاسىپتىك كەشەن, جەڭىل جانە تاماق ونەركاسىبى, قۇرىلىس, حيميا سالاسى جانە ماشينا جاساۋ سالاسىنداعى ىنتىماقتاستىق ماسەلەلەرى تالقىلاندى.
بۇگىندە ەلىمىزدە ماجار كاپيتالىنىڭ قاتىسۋىمەن 60-تان استام كاسىپورىن جۇمىس ىستەيدى.
ەستەرىڭىزگە سالا كەتسەك, قازاقستان تاۋەلسىزدىك جىلدارىندا ماجارستان وتاندىق ەكونوميكاعا 200 ملن اقش ينۆەستيتسيا قۇيدى.
قازاقستان مەن ماجارستان اراسىنداعى تاۋار اينالىمى 2018 جىلى – 2019 جىلدىڭ 1 توقسانىندا 155,4 ملن اقش دوللارى قۇرادى.
2018-2019 جىلدارى قازاقستاننان ماجارستانعا ەكسپورت 28,2 ملن اقش دوللار قۇراسا, ماجارستاننان يمپورت 127,2 ملن اقش دوللارىن قۇرادى.
