قازاقستان حالقى وبلىستىق اسسامبلەيا, ەتنومادەني بىرلەستىكتەر, ارداگەرلەر, جاس بۋىن وكىلدەرى, «ايبىن» اسكەري-پاتريوتتىق كلۋب جانە «جاس سارباز» ايماقتىق شتاب مۇشەلەرى قاتىسقان كەزدەسۋدە ءتۇرلى ء ىس-شارالار اياسىندا جەر-جەرلەردە كەڭ ءورىس العان جاستار جىلىنىڭ ماڭىزدىلىعى اتاپ ءوتىلدى.
كۋردتاردىڭ «باربانگ» مادەني ۇيىمىنىڭ وبلىستىق توراعاسى راشيد ناديروۆ جاستار جىلى اياسىندا اتقارىلاتىن نەگىزگى مىندەتتەردى ەلباسى بەلگىلەپ بەرگەنىن, بۇل ورايدا باستى باسىمدىقتار رەتىندە جۇمىسپەن, باسپانامەن قامتۋ سەكىلدى الەۋمەتتىك ماسەلەلەردى شەشۋ, سونداي-اق ءتۇرلى مەملەكەتتىك باعدارلامالارعا بەلسەنە اتسالىسۋ, تاعى باسقا تاپسىرمالار جۇكتەلگەنىن جەتكىزدى. وسكەلەڭ ۇرپاق ءۇشىن مەملەكەت تاراپىنان جان-جاقتى قامقورلىق جاسالىپ كەلەدى. «ديپلوممەن–اۋىلعا!», «بيزنەستىڭ جول كارتاسى», «جۇمىسپەن قامتۋ-2020», «ءاربىر وتباسىنا «7-20-25» باعدارلامالارىندا ءبىرتالاي جەڭىلدىكتەر قاراستىرىلعان. مۇنىڭ ءوزى جاستارىمىزدىڭ بويىندا العا ۇمتىلۋشىلىق تالپىنىسىمەن تاباندىلىعىن تۋدىرادى. ىسكەرلىك, ىزدەنىمپازدىق ماقساتكەرلىك قاسيەتتەرىن وياتادى. مەنى ەل ەرتەڭى, بولاشاعى–جاستاردىڭ بىلىمگە, ەڭبەككە دەگەن ەرەكشە ىنتا-جىگەرى, رومانتيكالىق ىزدەنىسكە تولى جاڭاشىلدىقتارى قۋانتادى, دەدى راشيد سادىق ۇلى.
جينالعاندار م. قوزىباەۆ اتىنداعى سولتۇستىك قازاقستان مەملەكەتتىك ۋيۆەرسيتەتىنىڭ وقىتۋشىسى, اۋىل شارۋاشىلىق عىلىمدارىنىڭ كانديداتى كۇلبارام بايازيتوۆانىڭ ءسوزىن ۇلكەن تەبىرەنىسپەن تىڭدادى. «قازاقستاننىڭ 100 جاڭا ەسىمى» جوباسىنان ويىپ تۇرىپ ورىن العان ىزدەنىمپاز عالىمنىڭ ايتارى مول. ونىڭ الدىنان جۇزدەگەن شاكىرت قاناتتانىپ ۇشىپ, ءار سالادا جەمىستى ەڭبەك ەتىپ ءجۇر. «موتيۆاتسيا» ءسان ءۇشىن ايتىلاتىن جالاڭ ءسوز ەمەس. ءار ارەكەتىمىز, نيەتىمىز العى ماقسات-مۇددەلەرمەن ۇشتاسىپ, ء سوز بەن ءىستىڭ بىرلىگىن ساقتاپ, سەنىم ۇدەسىنەن كورىنە بىلسەك, ەلىمىز داميدى, وركەندەيدى, دەي كەلىپ, بەلسەندى جاستارعا ۇلكەن ءۇمىت ارتاتىنىن, سونىمەن قاتار جىگەرسىز, بوسبەلبەۋ ساناتتاعىلار قاتارى ءالى دە از ەمەستىگىن, ولاردى قاتارعا تارتۋ, تاربيەلەۋ, جان-دۇنيەسىندە ەلدىك, وتانشىلدىق ۇعىمدارىن قالىپتاستىرۋ ءۇشىن تاربيە, ناسيحات جۇمىستارىن باسەڭدەتپەۋدى كولدەنەڭ تارتتى.
سانالى عۇمىرىن ىشكى ىستەر قىزمەتى سالاسىنا ارناعان چينگيز كۋربانوۆ قيىندىقتاردى, السىزدىكتى, وسالدىقتى شىدامدىلىقپەن جەڭە ءبىلۋ تاجىريبەسىمەن, سالاماتتى ءومىر ءسۇرۋ جولدارىمەن ءبولىستى. سقمۋ جانىنداعى ستۋدەنتتەر رەكتورى اينۇر ابىلتاەۆا وزىق يدەيالار مەن ومىرشەڭ جوبالار قاشاندا قولداۋ تاباتىنىن, بۇل ورايدا مۇمكىندىگى شەكتەۋلى جاستاردىڭ ىزدەنىستەرى ۇلكەن قىزىعۋشىلىق تۋدىرىپ وتىرعانىن اڭگىمەلەدى.
قوعامداعى جاڭعىرۋ ۇدەرىستەرى ەشكىمدى بەي-جاي قالدىرماۋى ءتيىس. يگى باستامالاردىڭ الدىڭعى لەگىندە جاستاردىڭ ءجۇرۋى زاڭدى. ولاردى قولداۋ مەملەكەتتىك ساياساتتىڭ باستى بۋىنىنا اينالعانى سوندىقتان. وسكەلەڭ ۇرپاق باعىندىراتىن بەلەستەر ءالى الدا, دەستى ءوز ويلارىن ورتاعا سالعان وزگە دە شەشەندەر.
