الدا ساياسي ناۋقان-قازاقستان پرەزيدەنتىن سايلاۋ جاقىنداپ قالدى. قالىڭ بۇقارا كەزەكتەن تىس پرەزيدەنت سايلاۋىن تاريحي تاڭداۋ دەپ تانىپ وتىر. ۇمىتكەرلەر دە بەلگىلى بولدى. ەلدىڭ ەرتەڭى جارقىن بولۋى ءۇشىن قازاقستان پرەزيدەنتتىگىنە ەڭ مىقتى مەملەكەتشىل تۇلعا تاعايىندالۋى كەرەك. فورۋمدا وبلىستىق جاستار رەسۋرستىق ورتالىعىنىڭ باسشىسى ابىلايحان سابانباەۆ وسى سايلاۋدا جاستاردىڭ بەلسەندىلىگى قازاقستان بولاشاعى ءۇشىن ەرەكشە ورىن الاتىندىعىن اتاپ ءوتتى.
«تۇڭعىش پرەزيدەنت - ەلباسى قاي كەزدە دە جاستارعا زور ءۇمىت ارتىپ كەلەدى. بىلتىرعى جولداۋىندا جاستاردىڭ بارلىق ساناتىن قولداۋعا ارنالعان شارالاردى تولىق قامتيتىن الەۋمەتتىك ساتىنىڭ اۋقىمدى پلاتفورماسىن قالىپتاستىرۋ قاجەتتىگىنە توقتالدى. وسى ماقساتتا 2019 جىلدى جاستار جىلى رەتىندە جاريالادى. قاشاندا جاستار - ەل بولاشاعى, قوعامنىڭ قوزعاۋشى كۇشى, ەگەمەندىك ۇيىتقىسى»,دەدى ابىلايحان سابانباەۆ.
قازىر ءار پارتيادان ۇسىنىلعان ۇمىتكەرلەر وزدەرىنىڭ سايلاۋ پلاتفورمالارى جايلى ويلارىن اشىپ ايتىپ جاتىر. بيلىككە جەتۋ ءۇشىن جۇرتتىڭ كوڭىل-كۇيىنە وينايتىن اسىرەقىزىل ءسوز كوبىگىن ساپىرىپ جاتقاندار دا بار.
جاستاردىڭ بەتكە ۇستار سەركەلەرى ونداي ارزان ۋادەلەرگە ارانداپ قالماي, ناعىز مەملەكەتشىل تۇلعانى تاڭداۋ جايىن ايتتى.
