فورۋمعا مەملەكەتتىك ءتىلدى جەتىك مەڭگەرگەن ەتنوس وكىلدەرى مەن وبلىستىق اسسامبلەيا قۇرىلىمدارى, ەتنومادەني بىرلەستىك توراعالارى مەن مۇشەلەرى جانە بەلسەندى جاستار قاتىستى.
جيىندا ءسوز العان وبلىستىق «سلاۆيانە» قوعامدىق-مادەني ورتالىعىنىڭ مۇشەسى ەلەنا پاۆلوۆا: «ەلباسى ءوزى ۇسىنعان كانديداتۋرا - ول ەلدەگى ساياسي باعىتتىڭ ساباقتاستىعى. ەلدەگى الدا قويعان ستراتەگيالىق ماقساتتاردىڭ بارىنە جەتەتىن جولدىڭ بىرەۋى ەكەندىگى جانە سوعان تەز جەتەتىنىمىزدىڭ كەپىلى بولىپ ەسەپتەلەدى. ءبىر تۋدىڭ استىندا, ءبىر ماقساتتى ۇستانىپ ءومىر ءسۇرىپ جاتقاندىقتان ءاربىر ساياسي وقيعاعا اسا ءمان بەرەمىز. ەلدىڭ بولاشاعى ءۇشىن ءوز تاڭداۋىمىزدى جاسايتىن بولامىز», - دەدى.
سونداي-اق, وبلىستىق «جاڭعىرۋ جولى» جق توراعاسىنىڭ ورىنباسارى, وبلىستىق كورەي جاستار قوزعالىسىنىڭ ءتورايىمى سۆەتلانا پاك, «سلاۆيانە» قوعامدىق-مادەني ورتالىعىنىڭ مۇشەسى, وبلىستىق «جاڭعىرۋ جولى» جق توراعاسى ارتەم كوشمان قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنىڭ وتكىزىلۋىنىڭ ماڭىزدىلىعىنا توقتالىپ, «Nur Otan» پارتياسىنىڭ ءحىح سەزىنىڭ قر پرەزيدەنتتىگىنە كانديدات ۇسىنۋ شەشىمىن قولدايتىندىقتارىن ايتىپ, جاستاردى سايلاۋعا بەلسەندى قاتىسۋعا شاقىردى.
«كوپ ۇلتتى قازاقستان - ءبىزدىڭ باقىتىمىز» دەگەن ءسوزدى قازاقستاننىڭ تۇڭعىش پرەزيدەنتى - ەلباسى نۇرسۇلتان ءابىش ۇلى نازارباەۆ ۇنەمى ايتىپ كەلەدى. وعان ۇلكەن سەبەپ بار. تاعدىرلى ءسات - قازاقستان ءوز الدىنا تاۋەلسىزىگىن الار تۇستا قازاقتار ءوز ەلى, ءوز جەرىندە قىرىق پايىزعا دا جەتپەيتىن. سول كەزدە وسى جاستاردىڭ اتا-بابالارى, اكە-شەشەلەرى جان-جاققا بۇرا تارتپاي ءبىر تۇتاس قازاقستاننىڭ ىرگەلى ەل بولۋىن قالاپ, ءبىر تۋدىڭ استىنان تابىلدى.
ەندى ولاردىڭ بالالارى دا قازاقستان پرەزيدەنتىن سايلاۋ ناۋقانىندا دا ەل كەلەشەگى ءۇشىن جۇمىلعان جۇدىرىقتاي ءبىر بولۋدى قالاپ وتىر.
