ەلباسىنىڭ بەس الەۋمەتتىك باستاماسى اياسىندا 2022 جىلدىڭ سوڭىنا دەيىن 75 مىڭ ورىنعا جاڭا ستۋدەنتتەر جاتاقحانالارى پايدالانۋعا بەرىلۋى ءتيىس. قر ءبىلىم جانە عىلىم ۆيتسە-ءمينيسترى ب. اسىلوۆا قازاقستان استاناسىندا ستۋدەنتتەر جاتاقحاناسىن سالۋ ءۇشىن 16 جەر تەلىمى بولىنگەنىن ايتتى.
«2 جوبالىق-سمەتالىق قۇجاتتاما ازىرلەندى, 5-ءۋى ازىرلەنۋ ۇستىندە. 710 ورىنعا ەكى كەلىسىم جاسالدى جانە 4964 ورىنعا 5 كەلىسىم كەلىسسوزدەر ساتىسىندا. 370 ورىندىق كازگيۋ جاتاقحاناسىنىڭ قۇرىلىس-مونتاج جۇمىستارى جۇرگىزىلىپ جاتىر, سونىمەن قاتار 340 ورىندىق باسقارۋ كوللەدجىنىڭ رەكونسترۋكتسياسى جاسالۋدا. بيىل ولار پايدالانۋعا بەرىلەدى», — دەدى ب. اسىلوۆا.
سونىمەن قاتار, وسى ءجىلدىڭ ۇشىنشى توقسانىندا ءۇش جاتاقحانا رەكونسترۋكتسيالانادى. ولار — باسقارۋ كوللەدجىنىڭ, «استانا» مەديتسينالىق ۋنيۆەرسيتەتىنىڭ جاتاقحانالارى, سونداي-اق ل. ن. گۋميلەۆ اتىنداعى ەۇۋ جاتاقحاناسى.
ءبىلىم جانە عىلىم ۆيتسە-ءمينيسترى اتاپ ايتقانداي, جاتاقحانالاردىڭ مەنشىكتەگى ەكەنىنە نەمەسە ءمجا قاتىسۋىمەن سالىنعانىنا قاراماستان, بارلىق جاتاقحانالار بويىنشا قىزمەت كورسەتۋ جانە پايدالانۋ شىعىندارىن جوو نەمەسە كوللەدجدىڭ ءوزى كوتەرەدى.
«بۇل ونىڭ تىكەلەي شىعىندارى. ستۋدەنتتەرگە شىعىندار شارتتى العاندا شاكىرتاقى كولەمىنىڭ 10%-نان اسپايدى. بۇل از عانا مينيمۋم, 10 مىڭ تەڭگە شاماسىندا, ال ورتا ەسەپپەن العاندا, تۇرۋ شىعىندارىنىڭ وزىندىك قۇنى 35 مىڭ تەڭگەگە دەيىن قۇرايدى. بۇل ولاردىڭ مىندەتتەرى», — دەدى ب. اسىلوۆا.
بۇل رەتتە ول جاتاقحانالار قۇرىلىسىنا ينۆەستورلار قاتىسقان جاعدايدا, كەلىسىم نىسانداردىڭ ماقساتتى يەلىگىن وزگەرتۋ قۇقىعىنسىز 20 جىلعا جاسالاتىنىن ايتتى.
«جاتاقحانا سالىنعان ساتتە-اق بۇل نىسانعا اۋىرتپالىق قويىلادى جانە 20 جىلعا اۋىرتپالىق قويىلعان سوڭ كەلىسىم جاسالىپ, تيىسىنشە ينۆەستورلارعا تولەم جۇرگىزىلەدى. 20 جىل بويى ينۆەستور ونىڭ ماقساتتى ارنالۋىن وزگەرتە المايدى. ەگەر ول ءوزىنىڭ شەشىمىن وزگەرتەتىن بولسا, بۇل ينۆەستور مەملەكەتكە بەلگىلى ءبىر كەزەڭدە تولەنگەن بارلىق قاراجاتتى قايتارۋى ءتيىس بولادى. بۇل ەرەجەلەردە جانە زاڭ اكتىلەرىندە قاراستىرىلعان», — دەپ ءتۇسىندىردى ۆيتسە-مينيستر.
ب. اسىلوۆا سونىمەن قاتار جۋىردا ينۆەستورلارعا قويىلاتىن نەگىزگى تالاپتار 20%-عا قىسقارتىلعانىن ەسكە سالدى, بۇل ولاردىڭ نىسانداردى سالۋعا جۇمسالاتىن شىعىندارىن ەداۋىر ازايتادى.
