27 ءساۋىر، 2019

ءتورت ميلليون تەڭگەگە قۇرال-جابدىقتار الىپ بەردى

1250 رەت كورسەتىلدى

اتالعان ورتالىق باسشىسى الماگۇل تۇرمۇxامبەتوۆا مۇنداي جابدىقتار بۇعان دەيىن بولماعانىن ايتادى.


اياگوز اۋدانى اكىمدىگىنىڭ اۋماقتىق الەۋمەتتىك كومەك كورسەتۋ ورتالىعىنا "KAZ Minerals اقتوعاي" كەن بايىتۋ كومبيناتى 4 ملن تەڭگەگە جۋىق قارجىعا قاجەتتى قۇرال-جابدىقتار الىپ بەردى. ونىڭ ىشىندە: ەكى مۇگەدەكتەر ارباسى، نەيرو-ورتوپەديالىق وڭالتۋ پنەۆموكوستيۋمى، ساتىلى كوتەرگىش، جۇمساق قابىرعالى قۇرعاق باسسەين مەن ينتەراكتيۆتى تاقتا بار. 

اتالعان ورتالىق باسشىسى الماگۇل تۇرمۇxامبەتوۆا مۇنداي جابدىقتار بۇعان دەيىن بولماعانىن ايتادى. "مەنىڭ ويىمشا، بۇلال تىرەك قيمىلى بۇزىلعان، پسيحونەۆرولوگيالىق اۋرۋلارمەن اۋىراتىن بالالارعا تاپتىرمايتىن قۇرىلعىلار. مىسالى، بۇرىندارى ەكىنشى قاباتقا وسى مەكەمە تاربيەلەنۋشىلەرىن شىعارۋ ءۇشىن ءبىراز ابىگەرگە تۇسەتىنبىز. ەندى ەلەكترلى كوتەرۋ قۇرىلعىسىمەن كوتەرىلىپ، تۇسۋگە ىڭعايلى بولدى. بىزدەر ءۇشىن وسىنداي زور كومەك كورسەتكەن "KAZ MINERALS اقتوعاي" كومبيناتى باسشىلىعىنا زور العىسىمىزدى بىلدىرگىم كەلەدى"، - دەيدى ول.

قۇرال-جابدىقتاردىڭ قاتارىندا تىرەك قيمىلى بۇزىلعان بالالاردى اياققا تۇرعىزىپ، جۇرۋگە بەيىمدەيتىن قۇرىلعى دا بار ەكەن. ونىڭ كومەگىمەن بىرنەشە جىل جاتىپ قالعان بالالاردى اياعىنا تۇرعىزۋعا مۇمكىندىك تۋادى دەيدى ماماندار.

 

شىعىس قازاقستان وبلىسى،

اياگوز اۋدانى

سوڭعى جاڭالىقتار

ۇرلانعان 28 كولىك تابىلدى

وقيعا • بۇگىن، 15:11

اتىراۋدا 23 ادامدى شايان شاققان

ايماقتار • بۇگىن، 13:35

سپورت جاڭالىقتارىنا شولۋ

سپورت • بۇگىن، 09:11

ۇقساس جاڭالىقتار