ساياسات • 26 ءساۋىر، 2019

ەكسپورت ءۇشىن توسقاۋىلدار - قازاقستاندىق ديپلوماتيانىڭ باستى نازارىندا

824 رەت كورسەتىلدى

بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.

سىرتقى ىستەر مينيسترلىگىنە ەكسپورتتى ىلگەرىلەتۋ سالاسىندا جۇكتەلگەن وكىلەتتىكتەر وتاندىق وڭدەلگەن ونىمدەردىڭ سىرتقى نارىقتارعا تۇراقتى جەتكىزىلۋىن ارتتىرۋ ماسەلەلەرىن شەشۋدە ديپلوماتيالىق قىزمەتتىڭ بەلسەندى قاتىسۋىن بىلدىرەدى. قازاقستان رەسپۋبليكاسىنىڭ تۇڭعىش پرەزيدەنتى - ەلباسى نۇرسۇلتان نازارباەۆ ۇكىمەتكە 2019 جىلى شيكىزاتتىق ەمەس ەكسپورت كولەمىن 24،7 ملرد. اقش دوللارىنا دەيىن ارتتىرۋ مىندەتىن قويعانى بەلگىلى.

وسى ماقساتتاردا، ەڭ الدىمەن، سىرتقى ىستەر مينيسترلىگىنىڭ ەكسپورتتى ىلگەرىلەتۋ ۇدەرىسىنە قاتىساتىن باسقا مەملەكەتتىك ورگاندارمەن جانە كۆازيمەملەكەتتىك قۇرىلىمدارمەن فۋنكتسيالاردى ايقىن بولەتىن ءوزارا ارەكەتتەسۋ الگوريتمى قۇرىلدى.

يدم ەكسپورتتىق ساياساتتى ايقىندايدى جانە ونى وڭدەۋ ونەركاسىبى سالاسىندا جۇزەگە اسىرادى; اشم – ازىق-ت ۇلىك ونەركاسىبى سالاسىندا; ۇەم سىرتقى ساۋدا قىزمەتىن رەتتەۋ جانە دامىتۋ سالاسىنداعى مەملەكەتتىك ساياساتتى ازىرلەيدى; «اتامەكەن» قر ۇكپ سەرۆيستىك قولداۋ كورسەتەدى; «KazakhExport» ەسك» اق ەكسپورتتاۋشىلارعا قارجىلىق جانە ساقتاندىرۋ قىزمەتتەرىن ۇسىنادى. قازاقستاندىق يندۋستريا جانە ەكسپورتتىق ورتالىعى (قازاقستاندىق يندۋستريانى دامىتۋ ينستيتۋتى» بازاسىندا) وتاندىق ەكسپورتتاۋشىلار ءۇشىن «ءبىر تەرەزە» رەتىندە ۇسىنىلادى. ەكسپورتتاۋشىلارعا قاجەت قۇجاتتامانى راسىمدەۋ مەن كەلىسۋ جوعارىدا اتالعان جانە باسقا سالالىق قۇرىلىمداردىڭ قۇزىرەتىنە كىرەدى.

سىرتقى ىستەر مينيسترلىگى قانداي دا ءبىر رۇقساتتار بەرۋ پروتسەسىنە قاتىسپاسا دا، ءوزىنىڭ ەرەكشەلىگىنە بايلانىستى باسقا ماڭىزدى باعىتتا - ەكسپورتتى دامىتۋدىڭ سىرتقى اسپەكتىلەرىنە باستى نازار اۋدارادى.

سىرتقى ساياسي ۆەدومستۆو شەت مەملەكەتتەردىڭ بيلىك وكىلدەرىمەن قازاقستاندىق ەكسپورتقا تاريفتىك جانە تاريفتىك ەمەس توسقاۋىلداردى ازايتۋ; شەت ەلدەردە وڭتايلى كولىك مارشرۋتتارىن پىسىقتاۋ; تاۋارلاردى يمپورتتاۋعا رۇقسات ەتىلگەن تىزىمدەرگە ەنگىزۋ; ساۋدا سالاسىندا، ونىڭ ىشىندە، ەركىن ساۋدا ايماقتارى بويىنشا كەلىسىمدەر جاساسۋ; قازاقستاندىق بيزنەستىڭ حالىقارالىق كورمەلەر مەن جارمەڭكەلەرگە قاتىسۋى ءۇشىن قولايلى جاعدايلار جاساۋ سياقتى (مىسالعا، ەلىمىزدىڭ ورىنبور ق. (2019 جىلعى قازان) «قازاقستاندا جاسالعان» 2-ءشى ساۋدا-ونەركاسىپتىك كورمەسىنە جانە ءۇ.ج. قاراشاسىندا شانحاي ق. وتەتىن 2-ءشى قىتاي حالىقارالىق يمپورتتىق كورمەسىنە دايىندىق جۇمىستارى جۇرگىزىلۋدە) جانە ت.ب. ماڭىزدى ماسەلەلەر بويىنشا كەلىسسوزدەردى وتكىزۋگە تىكەلەي قاتىسادى.

بۇل جۇمىستىڭ تيىمدىلىگى كوبىنەسە ەكسپورتتى قولداۋ سالاسىندا باسقا ۇلتتىق ويىنشىلارمەن بىرگە تۇراقتى تۇردە «ساعاتتى سالىستىرۋعا» بايلانىستى. وسى ماقساتتا سىرتقى ىستەر مينيسترلىگى شەڭبەرىندە  شيكىزاتتىق ەمەس ەكسپورتتى ىلگەرىلەتۋ ماسەلەسى بويىنشا پراكتيكالىق شارالاردى ازىرلەۋگە جانە قاجەتتى اقپاراتتى الماسۋعا باعىتتالعان ارنايى ۆەدومستۆوارالىق جۇمىس توبى قۇرىلعان.

قازاقستاندىق ەكسپورتقا باعىتتالعان جەكە سەكتورمەن تىكەلەي ءوزارا ارەكەتتەسۋ ءسىم قۇرالدارىنداعى جاڭا ەلەمەنت  بولىپ تابىلادى. كاسىپورىندار بەلگىلى ءبىر ەلدەردە بيزنەستى جۇرگىزۋ تۋرالى قاجەتتى اقپاراتتى ۇسىنۋعا، شەتەلدىك سەرىكتەستەرمەن كەزدەسۋلەردى ۇيىمداستىرۋعا، ساتىپ الۋشىلاردى ىزدەستىرۋگە جانە ت.ب. ءوتىنىش بىلدىرەدى. 2019 جىلدىڭ باسىنان باستاپ ءسىم اۋىل شارۋاشىلىعى، ماشينا جاساۋ، قورعانىس-ونەركاسىپ كەشەنى، جەڭىل ونەركاسىپ، فارماتسەۆتيكا جانە قۇرىلىس قىزمەتتەرىن كورسەتۋمەن اينالىساتىن بىرقاتار كومپانيالار مەن اسسوتسياتسيالاردىڭ وتىنىشتەرىن پىسىقتادى.



سوڭعى جاڭالىقتار

اۋەزوۆ جانە تۇركى الەمى

رۋحانيات • كەشە

يدەولوگيا

رۋحانيات • كەشە

مەيىرىم مەن قاتىگەزدىك

رۋحانيات • كەشە

ەسكى مەن جاڭا اراسى

رۋحانيات • كەشە

بي پاديشاسى

رۋحانيات • كەشە

ساپا قايتسە جاقسارادى؟

قازاقستان • كەشە

قايىرىمدىلىقتىڭ ۇلگىسى

قازاقستان • كەشە

ساق ءداۋىرىنىڭ تاسى

تانىم • كەشە

ۇقساس جاڭالىقتار