ەلباسىنىڭ ايتۋىنشا, ساياسي قاراما-قايشىلىقتارعا, سانكتسيالارعا, ساۋدا سوعىستارىنا قاراماستان باستاما اياسىنداعى ساۋدا اينالىمى وسە ءتۇسىپ, قازىر 5 ترلن اقش دوللارى نەمەسە الەمدىك ساۋدانىڭ ۇشتەن بىرىنە جەتكەن.
– زاماناۋي لوگيستيكانىڭ, مەملەكەتتەردىڭ ءوزارا تۇسىنىستىگىنىڭ ارقاسىندا وڭتۇستىك شىعىس ازيادان شىعاتىن تاۋارلار سولتۇستىك ەۋروپا قالالارىنا ەكى اپتانىڭ ىشىندە جەتەتىن بولدى. بۇل پراگماتيزمنىڭ نەگىزىندە وركەندەۋگە دەگەن ۇمتىلىس جاتىر. قازاقستان ەۋرازيانىڭ ورتالىعىندا قولايلى قونىس تەپكەن. ءبىزدىڭ ەلدەرىمىز ارقىلى ەۋروپا مەن ازيانى بايلانىستىراتىن قۇرعاقتاعى ەڭ قىسقا جول وتەدى. وسى ترانزيتتىك الەۋەتتى ۇتىمدى پايدالانۋ ماقساتىندا ءبىز «نۇرلى جول» اتتى ۇلتتىق باعدارلامامىزدى «ءبىر بەلدەۋ, ءبىر جولعا» كىرىكتىردىك, – دەدى ەلباسى.
نۇرسۇلتان نازارباەۆ, سونداي-اق سوڭعى 10 جىلدا قازاقستان ينفراقۇرىلىمعا, كولىك-لوگيستيكا اكتيۆتەرىنە 30 ملرد اقش دوللار كولەمىندە ينۆەستيتسيا سالعاندىعىنا دا توقتالدى.
قازاقستان تاراپىنان قىتايمەن شەكارادا قورعاس قۇرعاق پورتى قۇرىلىپ, ترانزيتتىك جۇكتەر كولەمى ارتقان. سونداي-اق, قازاقستاندىق مۇناي-گاز جەلىلەرى ارقىلى دا ازيادان ەۋروپاعا تاسىمال كولەمى ارتقان.
ەلباسى ءسوزىنىڭ سوڭىندا قىتاي حالىق رەسپۋبليكاسىنىڭ قۇرىلۋىنىڭ 70 جىلدىعىمەن قۇتتىقتادى. فورۋم باعدارلاماسىنا ساي نۇرسۇلتان نازارباەۆتىڭ قحر توراعاسىمەن ەكىجاقتى كەزدەسۋى جوسپارلانعان. حالىقارالىق جيىنعا قىرىققا جۋىق مەملەكەتتىڭ پرەزيدەنتتەرى مەن پرەمەر-مينيسترلەرى قاتىسۋدا. فورۋم جەكسەنبى كۇنى قورىتىندىلانادى.
