ازيا چەمپيوناتىنا 33 مەملەكەتتەن 500-گە جۋىق سپورتشى قاتىسادى دەپ كۇتىلۋدە. قازاقستان ساپىنان سىنعا تۇسەتىن كاراتەشىلەردىڭ باسىم بولىگى بىلتىرعى قۇرلىق سىنىندا كوزگە تۇسكەن.
وتكەن جىلى وكيناۆادا وتكەن ازيا بىرىنشىلىگىندە ءبىزدىڭ سپورتشىلار 5 التىن جەڭىپ العان بولاتىن. ونىڭ ىشىندە جاسوسپىرىمدەر وليمپياداسىنىڭ چەمپيونى ءابىلمانسۇر باتىرعالي دە بار.
«بىلتىرعى چەمپيونات ءبىز ءۇشىن ءساتتى اياقتالدى. ءبىز جاپونيانى عانا العا جىبەرىپ, كوماندالىق ەسەپتە ەكىنشى ورىن يەلەنەن ەدىك. مالايزياداعى ازيا بىرىنشىلىگىندە دە سپورتشىلارىمىز جەرگە قاراتپايدى دەپ سەنەمىز. الداعى ۋاقىتتا ۇلتتىق قۇراماعا وتەتىن جاستار وزدەرىن كورسەتۋى ءتيىس», - دەيدى كاراتەدەن قازاقستان جاستار كومانداسىنىڭ اعا باپكەرى شاتتىق قاجىمۇقان.
