بيدايدىڭ جاڭا سۇرپىنا عالىمنىڭ ەسىمى بەرىلدى

تەرىسكەيدىڭ اۋا رايىنا ءتوزىمدى ءارى ءونىمدى ء داندى داقىل تۇرىنە بەلگىلى تەرىسكەيلىك سەلەكتسيونەر-عالىم ولگا گااستىڭ  ەسىمىمەن اتالادى.

ولگا سەمەنوۆنا – اۋىل شارۋاشىلىعى عىلىمدارىنىڭ كانديداتى.   اگروونەركاسىپ كەشەنىندە تىنىمسىز ەڭبەك ەتكەنىنە 60 جىل. وسى مەرزىم ارالىعىندا  بيدايدىڭ جاڭا  جەتى سۇرپىن شىعارۋعا اتسالىستى.

«ەڭبەك جولىمدى باستاعان جىلدارى  بيدايدىڭ «ليۋتەستسەنس 35», «يشيمسكايا 100»  سۇرىپتارى تاجىريبەگە ەنگىزىلدى. قىزىلجار وڭىرىندە, وزگە ايماقتاردا  دا اۋدانداستىرىلدى», دەيدى  سەلەكتسيونەر-عالىم.

زەينەتكە شىقسا دا,  سۇيىكتى ىسىنەن قول ۇزگەن ەمەس. سولتۇستىك قازاقستان اۋىل شارۋاشىلىعى تاجىريبە ستانتسياسىنىڭ عىلىمي كەڭەسشىسى, جاستاردىڭ تالىمگەرى. ول جاڭا سۇرىپ «سەمەنوۆنا» دەپ اتالاتىنىن بىلمەپتى. كەزدەيسوق ەستىپتى. كوپجىلدىق ەڭبەگىنىڭ باعالانعانىنا  قۋانىشتى.  «ورال-ءسىبىر» مەن «ومسكايا 38» سۇرىپتارىن سەلەكتسيالاۋ ناتيجەسىندە پايدا بولىپتى.

اۋىل شارۋاشىلىعى باسقارماسىنىڭ ءبولىم جەتەكشىسى داۋرەن شاقانوۆتىڭ ايتۋىنشا, جاڭا سۇرىپ قۋاڭشىلىققا,  وسىمدىك اۋرۋلارىنا, تاتقا شىدامدى.  تەز پىسەدى. شىعىمدىلىعى جوعارى. بيدايدىڭ جاڭا ءتۇرى  مەملەكەتتىك ساراپتاماعا جىبەرىلىپ, 3 جىلداي ء وڭىرىمىزدىڭ 6 اۋدانىندا سىنالاتىن بولادى. بيىل  400 مىڭ گەكتار القاپقا ەگىلەدى.

سولتۇستىك قازاقستان وبلىسى