ساياسات • 26 ءساۋىر، 2019

اەف-2019 اياسىندا 50-گە جۋىق سەسسيا وتەدى

870 رەتكورسەتىلدى

16-17 مامىر كۇنى قازاقستان رەسپۋبليكاسىنىڭ استاناسى نۇر-سۇلتان قالاسىندا جىل سايىنعى استانا ەكونوميكالىق فورۋمى وتەدى. سۇحبات الاڭىندا الەمدىك ەكونوميكانىڭ وزەكتى ماسەلەلەرىن جانە قازاقستان ءۇشىن ولاردى شەشۋ بويىنشا ۇسىنىستار ازىرلەۋدى تالقىلاۋ ءۇشىن جاھاندىق كوشباسشىلار مەن جەتەكشى حالىقارالىق ساراپشىلار جينالادى.

XII استانا ەكونوميكالىق فورۋمىنىڭ باستى تاقىرىبى – ىنتالاندىرۋشى ءوسۋ: ادامدار، قالالار، ەكونوميكالار بەس ماڭىزدى باعىتقا بولىنگەن: جاھاندىق كۇن ءتارتىبى؛ ايماقتىق ماكروەكونوميكالىق كۇن ءتارتىبى؛ بولاشاقتىڭ قالاسى؛ تەحنولوگيالىق كۇن ءتارتىبى؛ ادامي كاپيتال – قازاقستاننىڭ ينكليۋزيۆتىك دامۋى.

فورۋمدا بارلىعى 50-گە جۋىق سەسسيا وتەدى دەپ جوسپارلانعان.

اەف-2019 الاڭىنداعى ەڭ ماڭىزدى ءىس-شارالار: ەل باسشىلىعىنىڭ قاتىسۋىمەن وتەتىن سەسسيالار، جاھاندىق كوميسسيانىڭ ەڭبەك بولاشاعى جونىندەگى بايانداماسىن زەرتتەۋ جانە تالقىلاۋ ءۇشىن حالىقارالىق ەڭبەك ۇيىمىنىڭ (حەۇ) 100 جىلدىعىنا وراي حالىقارالىق كونفەرەنسياسى، 2020 جىلى دۇنيەجۇزىلىك ساۋدا ۇيىمىنىڭ (دسۇ جوعارعى ورگانى) ء12-شى مينيسترلىك كونفەرەنسياسىن دايارلاۋ جونىندەگى ارالىق وتىرىسى. سونداي-اق، بۇل كۇندەرى قازاقستان ۇكىمەتى مەن حالىقارالىق ساراپشىلار اراسىنداعى ورنىقتى دامۋ سالاسىنداعى ماقساتتارعا (ودم) قول جەتكىزۋدەگى حالىقارالىق وزىق تاجىريبەنى زەردەلەۋدە بەلسەندى سەرىكتەستىك پەن تاجىريبە الماسۋدى بەلگىلەۋ ءۇشىن بۇۇ قولداۋىمەن ورنىقتى دامۋ سالاسىنداعى ماقساتتارعا قول جەتكىزۋ بويىنشا العاشقى قازاقستاندىق فورۋم وتەدى. بۇدان باسقا استانا ەكونوميكالىق فورۋمى اياسىندا G-Global حالىقارالىق حاتشىلىعىنىڭ قولداۋىمەن الەمدىك زياتكەرلىك ەليتا جانە قر ۇكىمەتىنىڭ قاتىسۋىمەن ستراتەگيالىق سەسسياسى، سونداي-اق كاۆكاز جانە ورتالىق ازيا ەلدەرىنىڭ، ەۋرازيالىق ەكونوميكالىق وداعىنا مۇشە مەملەكەتتەردىڭ جانە موڭعوليا قارجى مينيسترلەرى مەن ورتالىق بانكتەر باسشىلارىنىڭ دوڭگەلەك ۇستەلى وتكىزىلەدى.

فورۋمعا قاتىساتىن تانىمال تۇلعالاردىڭ اراسىندا – پول رومەر، ەكونوميكا بويىنشا 2018 جىلعى نوبەل سىيلىعىنىڭ لاۋرەاتى، دۇنيەجۇزىلىك بانكتىڭ باس ەكونوميسى (2016-2018)؛ كريستين لاگارد، حالىقارالىق ۆاليۋتا قورىنىڭ باسقارۋشى ديرەكتورى؛ ستەنلي فيشەر، اقش فەدەرالدىق رەزەرۆى ءتوراعاسىنىڭ ورىنباسارى (2014-2017)؛ راە كۆون چۋنگ، 2007 جىلعى بەيبىتشىلىك سالاسىنداعى نوبەل سىيلىعىنىڭ لاۋرەاتى، ينچحون مەملەكەتتىك ۋنيۆەرسيتەتىنىڭ (كورەيا رەسپۋبليكاسى) قۇرمەتتى پروفەسسورى؛ ريستو سييلاسماا، Nokia كومپانياسىنىڭ ديرەكتورلار كەڭەسىنىڭ ءتوراعاسى، F-Secure Corporation-نىڭ نەگىزىن قالاۋشى؛ گەرمان گرەف، رەسەي سبەربانكىنىڭ پرەزيدەنتى جانە باسقارما ءتوراعاسى؛ ارميدا اليسدجابانا، بۇۇ باس حاتشىسىنىڭ ورىنباسارى، ازيا جانە تىنىق مۇحيتىنا ارنالعان ەكونوميكالىق جانە الەۋمەتتىك كوميسسيانىڭ (اتمەاك) اتقارۋشى حاتشىسى.

قاتىسۋشىلار ءۇشىن تىركەۋ جانە باق وكىلدەرىن اككرەديتتەۋ فورۋم سايتىندا اشىلىپ قويدى: http://astanaeconomicforum.org

باننەر
سوڭعى جاڭالىقتار

سەكتوردى ساقاداي ساي قىلدى

ايماقتار • بۇگىن، 11:31

سانى مەن ساپاسى ساي

ايماقتار • بۇگىن، 09:33

اجەنىڭ ارقاسى

قوعام • بۇگىن، 08:39

ۇلاعاتتى ءومىر يەسى

ايماقتار • بۇگىن، 08:37

بىرىنشى راۋندتا-اق سۇلاتىپ سالدى

كاسىپقوي بوكس • بۇگىن، 08:36

ساڭلاقتار اتوي سالادى

قازاقستان • بۇگىن، 08:33

ادىلىم-اي، ادەكەم-اۋ!..

رۋحانيات • بۇگىن، 08:12

ادىلدىكتىڭ ءادىلى ەدى...

رۋحانيات • بۇگىن، 08:10

سوڭىندا جاقسى ءىزى سايراپ جاتىر

رۋحانيات • بۇگىن، 08:08

باقۇل بول، باۋىرىم!

رۋحانيات • بۇگىن، 08:07

سۇيەگى اسىل ادام ەدى

رۋحانيات • بۇگىن، 08:05

ۇقساس جاڭالىقتار