الماتى قالاسىندا قر يندۋستريا جانە ينفراقۇرىلىمدىق دامۋ ءبىرىنشى ۆيتسە-ءمينيسترى قايىربەك وسكەنباەۆتىڭ قاتىسۋىمەن «قازاقستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىن ءۇي-كوممۋنالدىق شارۋاشىلىق ماسەلەلەرى جونىندە وزگەرىستەر مەن تولىقتىرۋلار ەنگىزۋ تۋرالى» زاڭ جوباسى بويىنشا اۋدان اكىمدەرىمەن جانە پيك وكىلدەرىمەن كەزدەسۋ ءوتتى.كەزدەسۋدە تكش ماسەلەلەرى بويىنشا كەيبىر زاڭنامالىق اكتىلەرگە ەنگىزىلگەن وزگەرىستەر مەن تولىقتىرۋلار ءتۇسىندىرىلدى.
وندا «ءبىر ءۇي - ءبىر بىرلەستىك - ءبىر شوت» قاعيداتى بويىنشا «م ۇلىك يەلەرىنىڭ بىرلەستىگى» كوممەرتسيالىق ەمەس ۇيىمىنىڭ جاڭا فورماسىن قۇرۋ ارقىلى باسقارۋ ورگاندارىنىڭ قىزمەتىن رەتتەۋ ماسەلەلەرى ءسوز بولدى.ۇسىنىلعان پرينتسيپ ءاربىر ءۇيدى باسقارۋدىڭ جەكە ءتاسىلىن قاراستىرادى.
«ءاربىر م ۇلىك يەلەرىنىڭ بىرلەستىگى جەكە اعىمداعى جانە جيناق شوتتارىن اشادى.بۇل شارا پيك جانە باسقارۋشى كومپانيالار تاراپىنان مەنشىك يەلەرىنە قىزمەتتەر مەن تاريفتەردى تاڭداۋدى بولدىرمايدى جانە تۇرعىندار قاراجاتىنىڭ اشىق جۇمسالۋىن قامتاماسىز ەتەدى. سونداي-اق ءوز باسقارۋ ورگاندارى ارقىلى نەمەسە باسقارۋشى كومپانيالار ارقىلى شارت نەگىزىندە تۇرعىندارعا باسقارۋ ءتاسىلىن تاڭداۋ قۇقىعىن بەرەدى.اتالعان زاڭ جوباسى اياسىندا ليفتىلەرگە قىزمەت كورسەتۋمەن اينالىساتىن زاڭدى تۇلعالاردى اتتەستاتتاۋدان وتكىزۋ ماسەلەسى دە قاراستىرىلۋدا», - دەدى ق. وسكەنباەۆ.
تۇرعىن ءۇي-كوممۋنالدىق شارۋاشىلىق سۋبەكتىلەرىنىڭ ءوزارا قارىم-قاتىناسىن رەتتەۋگە جاڭا تۇزەتۋلەر ەنگىزۋگە, سونداي-اق جايلى جانە قاۋىپسىز ءومىر ءسۇرۋ ورتاسىن قۇرۋ ارقىلى حالىقتىڭ ءومىر ءسۇرۋ ساپاسىن ارتتىرادى.بۇل سحەماعا جەرگىلىكتى اتقارۋشى ورگاندار دا قاتىسادى, ولار باسقارۋ ورگانىنىڭ ءوتىنىشى بويىنشا كۇردەلى جوندەۋ جۇرگىزۋ قاجەتتىلىگى تۋرالى شەشىم قابىلدايدى, جوبالىق-سمەتالىق قۇجاتتامانى ازىرلەۋدى ۇيىمداستىرادى, تەحنيكالىق تەكسەرۋ مەن ەنەرگيا ءاۋديتىن جۇرگىزەدى.
باسقارۋ ورگاندارى قىزمەتىنىڭ اشىقتىعىن ارتتىرۋ ءۇشىن زاڭ جوباسىندا بارلىق قاتىسۋشىلارعا بيزنەس-پروتسەستەردىڭ اشىقتىعىن قامتاماسىز ەتەتىن تۇرعىن ءۇي-كوممۋنالدىق شارۋاشىلىعىنىڭ اقپاراتتىق جۇيەسىن قۇرۋ قاراستىرىلۋدا. اقپاراتتىق جۇيەدە تۇرعىندار ءۇي بويىنشا شىعىندار مەن تابىستاردى باقىلاپ, ەسەپتەۋلەر مەن ەسەپتەسۋدىڭ دۇرىستىعىن تەكسەرە الادى. سونىمەن قاتار, تۇرعىنداردىڭوز باسقارۋ ورگانىنىڭ قىزمەتىنە مونيتورينگ جۇرگىزىپ, تۇرعىن ءۇي-كوممۋنالدىق شارۋاشىلىق ماسەلەلەرى بويىنشا وتىنىشتەر بەرۋگە مۇمكىدىكتەرى بولادى. بۇدان بولەك, تۇرعىندار ەلەكتروندى داۋىس بەرە الادى جانە ءۇيدىڭ بارلىق ماسەلەلەرى بويىنشا سىرتتا ءجۇرىپ تە قاتىسۋ مۇمكىندىگى تۋادى. تۇرعىن ءۇي-قۇرىلىس كووپەراتيۆتەرىنىڭ قىزمەتىندەگى زاڭ بۇزۋشىلىقتاردى بولدىرماۋ ءۇشىن كووپەراتيۆ تەك ءبىر كوپ پاتەرلى تۇرعىن ءۇي ءۇشىن قۇرىلاتىن سحەما ۇسىنادى, كووپەراتيۆ مۇشەلەرىنىڭ سانى پاتەرلەردىڭ سانىنان اسپاۋى ءتيىس جانە قۇرىلىس مەملەكەتتىك تىركەۋدەن كەيىن جانە جالعا الۋ قۇقىعىنداعى نەمەسە مەنشىك قۇقىعىنداعى جەر ۋچاسكەسى بولعان سوڭ جۇزەگە اسىرىلاتىن بولادى.
زاڭ جوباسى اياسىندا جەرگىلىكتى اتقارۋشى ورگانداردىڭ تۇرعىن ءۇي ينسپەكتسياسىن الەۋمەتتىك ينفراقۇرىلىم وبەكتىلەرىندە گازبەن جابدىقتاۋ وبەكتىلەرىنىڭ قاۋىپسىز پايدالانىلۋىن, سونداي-اق قاۋىپتى تەحنيكالىق قۇرىلعىلاردى باقىلاۋ جانە قاداعالاۋ قۇزىرەتتىلىكتەرىن بەرۋ كوزدەلگەن.
