ءولىم مەن ءومىر بەلدەسكەن تۇستا ءار سەكۋند ساناۋلى ەكەنىن تۇسىنگەن ولار بىردەن ءابجىل قيمىلعا كىرىستى. اۋلانىڭ تارلىعىنا, جەڭىل كولىكتەردىڭ كوپتىگىنە قاراماستان ءورت ءسوندىرۋ قىزمەتىنىڭ جەدەل كەزەكشىسى, ازاماتتىق قورعاۋ مايورى رۋسلان بازارباەۆ وتباسىن گاز-تۇتىننەن قورعاۋ قىزمەت كۇشىن جۇمىلدىرۋعا شەشىم قابىلدادى. قاراۋىل 5-ءشى قاباتقا كوتەرىلىپ, پاتەرگە ەنۋدىڭ ەڭ ۇتقىر تاسىلدەرىن قولداندى.
«سول مينۋتتاردا ءبىز بارلىعىمىز ۆيكتور, ناتاليا جانە ولاردىڭ ۇلى – 6 جاسار كوليا بىزبەن بىرگە دەم الىپ, ءورت ورنىنان كەتىپ قالدىق.
«ەڭ قيىنى جوعارعى قاباتتاردى ەڭسەرۋ بولدى. ويتكەنى, اششى ءتۇتىن قولقانى قاۋىپ, كوزدى جاساۋراتىپ, 3, 4 قاباتتاردا ەلەكتر قالقانشالارى جانىپ جاتتى. مەجەلى جەرگە جەتكەنشە وتباسىنى قاتتى ۋايىمدادىق. سول كەزدە تاعدىرى قىل ۇستىندە تۇرعان ولاردىڭ جاعدايىن سوزبەن سيپاتتاۋ مۇمكىن ەمەس. ابدەن قورقىپ, ەسى شىعىپ كەتكەن كىشكەنتاي كوليانى اسىلبەك كەڭەس تىنىشتاندىرىپ باقتى. ەرلى-زايىپتىلار دا ءدىن امان», دەيدى ءبولىم كومانديرى اسلان ەسەنعاليەۆ.
ەلەكتر سىمدارىنىڭ قىسقا تۇيىقتالۋىنان شىققان ءورت وسىلايشا ءۇش ادامنىڭ ءومىرىن جالماپ كەتە جازدادى. قۇتقارۋشىلار دەر كەزىندە جەتپەگەندە ءورتتىڭ سالدارى الدەقايدا قاۋىپتى بولۋى مۇمكىن ەدى. ونىڭ ۇستىنە اۋلاعا كىرە بەرىستە قويىلعان مەتالل اۋىر شلاگباۋم ءبىراز كەدەرگى تۋدىرعانعا ۇقسايدى.
25 ادام قاۋىپسىز جەرگە دەر كەزىندە كوشىرىلىپ, باسقا دا ساقتىق شارالارى ۋاقىتىلى ۇيىمداستىرىلدى.
