ايماقتار • 26 ءساۋىر، 2019

«Professional» جوباسىنا قاتىسقان جاستار تۇراقتى جۇمىسقا تۇرا الادى

697 رەت كورسەتىلدى

شىمكەنت قالاسىنىڭ وتباسى، بالالار جانە جاستار ىستەرى جونىندەگى باسقارماسى جاستاردى جۇمىسپەن قامتۋ باعىتىندا «Professional» جوباسىن جۇزەگە اسىرماق. اتالعان جوبا بويىنشا بيىلعى اقپان ايىندا شىمكەنت قالالىق سوتى «جاستار پراكتيكاسى» جانە «جول كارتاسى» باعدارلامالارى اياسىندا 200 ءبىتىرۋشى ستۋدەنتكە جۇمىس ورىندارىن ۇسىنعان. بۇل تۋرالى قالا اكىمدىگىنىڭ اقپاراتتىق-كوممۋنيكاتسيالىق ورتالىعىندا وتكەن بريفينگتە باسقارما باسشىسى جاندوس قالتاەۆ حابارلادى.

«Professional» جوباسى – ءبىتىرۋشى ستۋدەنتتەر ءۇشىن تاجىريبە جيناۋعا تاپتىرماس مۇمكىندىك. ۇسىنىلىپ وتىرعان جالاقى كولەمى دە جاپ-جاقسى. مەملەكەت تاراپىنان «جاستار پراكتيكاسى» جانە «جول كارتاسى» باعدارلامالارى اياسىندا جارتى جىل كولەمدە جاستارعا تۇراقتى جالاقى تولەنىپ وتىرادى. بىراق، ءبىز جاستاردى 100 پايىز جۇمىسپەن قامتيمىز دەپ ايتا المايمىز. ولاردىڭ اراسىندا شارتتى باسەكەلەستىك تۋدىرماقپىز»،  دەيدى جاندوس قالتاەۆ.

ايتا كەتەرلىگى،  «Professional» جوباسى بىرنەشە ءتورت كەزەڭدى قامتيدى. I كەزەڭدە شىمكەنت قالاسى جۇمىسپەن قامتۋ جانە الەۋمەتتىك قورعاۋ باسقارماسى مەن قالانىڭ توپ-100 ۇيىمى اراسىندا مەموراندۋم جاسالادى. II كەزەڭدە كومپانيا وكىلدەرى pecha kucha فورماتىندا ۇمىتكەرلەرگە ءوز ۇيىمدارى تۋرالى پرەزەنتاتسيا جاسايدى.    

III كەزەڭدە كومپانيا وكىلدەرى ۇمىتكەرلەردى سۇحباتتاسۋ ارقىلى ىرىكتەپ الادى. ءىV كەزەڭدە ىرىكتەۋدەن وتكەن جاستارعا 1-10 كۇن ارالىعىندا كومپانيامەن تانىستىرۋ، تۇسىندىرمە جۇمىستارى جۇرەدى. V كەزەڭدە – ىرىكتەۋدەن وتكەن جاستار مەن كومپانيا اراسىندا ۋاقىتشا جۇمىسقا ورنالاستىرۋ تۋرالى كەلىسىم جاسالىپ، جۇمىسقا جولدانادى.

كاسىپورىن باسشىلارى ءوز كەزەگىندە جاستاردى تاجىربيەدەن وتكىزىپ، بىلىكتى جاس مامانداردىڭ ىشىنەن ەڭ ۇزدىك كادرلاردى جاساقتاي الادى.

«Professional» جوباسىن جۇزەگە اسىرۋ بارىسىندا جاس مامانداردى جۇمىسپەن قامتۋدا ساندىق ەمەس، ساپالىق كورسەتكىشتەرگە باسا نازار اۋدارىلادى. جوبا ەڭبەك نارىعىنا العاش شىققان جاس تۇلەكتەردىڭ بولاشاق قىزمەتى مەن كاسىبي مانسابىن قالىپتاستىرۋعا باعىتتالعان»،  دەدى «نۇر وتان» پارتياسى شىمكەنت قالالىق فيليالى توراعاسىنىڭ ورىنباسارى باۋىرجان قۋانىشبەكوۆ.

جيىن سوڭىندا جوبا جاۋاپتىلارى وقۋ ورنىن جاڭا بىتىرگەن جاستاردى باستاماعا بەلسەنە قاتىسۋعا شاقىردى. سونداي-اق، جاس مامان ىزدەگەن كاسىپورىندار مەن مەكەمەلەردى بىرلەسىپ جۇمىس ىستەۋگە ۇندەدى.  

سوڭعى جاڭالىقتار

مۇناي باعاسى 16% تومەندەيدى

ەكونوميكا • بۇگىن، 11:30

بۇگىن اۋا رايى قانداي بولادى؟

اۋا رايى • بۇگىن، 09:33

ەلىمىزدە 49 ادام ىندەت جۇقتىردى

كوروناۆيرۋس • بۇگىن، 09:14

جاڭارعان جۇيە جاۋاپكەرشىلىگى

سايلاۋ • بۇگىن، 08:58

سايىنداعى سۋ داۋى

ايماقتار • بۇگىن، 08:50

توپ جارعان ءۇش عالىم

ءبىلىم • بۇگىن، 08:45

قىرعىزدىڭ وڭىندەي...

ونەر • بۇگىن، 08:35

انا مەن بالا اماندىعى

مەديتسينا • بۇگىن، 08:35

ساياسي الاڭداعى ۇستانىم

سايلاۋ • بۇگىن، 08:25

ۇقساس جاڭالىقتار