قىزعالداقتىڭ شىمكەنت جانە ونىڭ اينالاسىنان شىققاندىعى تۋرالى تاريحي دەرەكتەردى كورسەتۋگە ارنالعان شاراعا الەمنىڭ ءار ەلىنەن كەلەتىن تۋريستەر قاتىسادى دەپ كۇتىلۋدە.
اتالعان ءىس-شارا بارىسىندا فەستيۆالگە قاتىسۋشىلارىنىڭ شەرۋى, «قىزعالداق جولى» تەاتر كورىنىسى, «قىزعالداقتىڭ ىزىمەن» ينتەراكتيۆتى كىتابى, فلوريستەردىڭ كورمەسى مەن كونكۋرسى, تيۋلپ ارت-زوناسى, سۋرەتشىلەردىڭ تۋىندىلارىنىڭ كورمەسى, سۋرەتتەر كەسكىندەمەسى, بالالار سۋرەتىنىڭ بايقاۋى, فوتوكورمە, Fashion Tulip, قاتارلى قىزىقتى باعدارلامالارمەن قاتار كونتسەرتتىك كورسەتىلىم قويىلماق.
«قىزعالداق جولى» فەستيۆالى الداعى ۋاقىتتا الانىڭ ەرەكشە مەرەكەسى اتاۋىنا يە بولۋى مۇمكىن. بۇل قالاداعى وڭ ءيميدجدى تەك ەل ىشىندە عانا ەمەس, سونىمەن قاتار شەتەلگە شىعارۋعا قوسىمشا سەرپىن بەرەدى. ناتيجەسىندە ايتۋلى شارا تۋريستىك ينفراقۇرىلىمدى دامىتۋعا, تۋريستىك ونىمدەر مەن قىزمەتتەردىڭ ساپاسىن ارتتىرۋعا, مەگاپوليستە ءتۋريزمدى العا جىلجىتۋعا مۇمكىندىك بەرەدى», دەيدى شارا ۇيىمداستىرۋشىلارى.
ەستەرىڭىزگە سالار بولساق, شىمكەنت قالاسىنا 2018 جىلدىڭ 12 ايىندا قالاعا كەلۋشىلەر سانى 178 014 ادامدى قۇراپ, 2017 جىلدىڭ سايكەس كەزەڭىمەن سالىستىرعاندا (137 980 ادام) 29 پايىزدى قۇرادى.
ىشكى تۋريزم بويىنشا كەلۋشىلەر سانى 155 946 ادام, وتكەن جىلمەن سالىستىرعاندا (121 076 ادام) 28,8 پايىزعا ارتىپ وتىر.
بۇگىنگى تاڭدا شىمكەنت قالاسىندا ينۆەستيتسيا كولەمى 600,0 ملن تەڭگەنى قۇرايتىن «Ramada» قوناق ءۇي جانە مەيرامحانا كەشەنىنىڭ ىسكە قوسىلۋى جوسپارلانۋدا. جوبا بويىنشا 45 جاڭا جۇمىس ورىندارىنىڭ اشىلۋى كۇتىلۋدە.
