جاۋىنگەرلىك سامبودان الەمنىڭ ءۇش دۇركىن چەمپيونى دەگەن اتاعى بار قانداسىمىز 27 جاستاعى گەرمانيالىق لوم-ءالي «ارىستان» ەسكيەۆپەن كۇش سىناسادى. نەمىس سپورتشىسى وسىعان دەيىن 19 كەزدەسۋ وتكىزىپ, 15 مارتە جەڭىسكە جەتتى. ارمان وسپانوۆ 10 رەت ايقاس الاڭىنا شىعىپ, 8 باسەكەنى ءوز پايداسىنا شەشتى. قازاق جىگىتى ءوزىنىڭ سوڭعى جەكپە-جەگىن 2017 جىلدىڭ جەلتوقسان ايىندا وتكىزگەن ەدى. مىنە, ەندى «سۇڭقار» ۇزاققا سوزىلعان ۇزىلىستەن سوڭ وكتاگونعا قايتا ورالعالى وتىر.
ال 33 جاستاعى ەۆگەنيدىڭ قارسىلاسى – رەسەيلىك باتراز اگناەۆ. سولتۇستىك وسەتيانىڭ تۋماسى ءبىزدىڭ جىگىتتەن ءۇش جاس كىشى. باتراز 5 جەكپە-جەك وتكىزىپ, 4 رەت جەڭىس تويىن تويلادى. ال كەزىندە بوكستان جاستار اراسىنداعى الەم بىرىنشىلىگىنىڭ جۇلدەگەرى اتانعان جەرلەسىمىز ەرەجەسىز جەكپە-جەكتەن 10 كەزدەسۋ وتكىزىپ, سونىڭ بىرەۋىندە عانا جەڭىلىس تاپتى.
