تاراپتار ەكىجاقتى ىنتىماقتاستىقتىڭ كوپتەگەن ماسەلەلەرىن تالقىلادى. ماسەلەنى تالقىلاۋعا قر ەنەرگەتيكا ءمينيسترى ق. بوزىمباەۆ قاتىستى.
ە. براۋن كومپانيا قازاقستان اۋماعىندا جوبالاردى ىسكە اسىرۋعا قاتىسۋدى تەرەڭدەتۋگە جانە ءىس-قيمىلدى ودان ءارى كەڭەيتە تۇسۋگە مۇددەلى ەكەنىن حابارلادى. قاشاعان جانە قاراشىعاناق كەن ورىندارىن يگەرۋ بويىنشا بىرلەسكەن قىزمەت, «جەمچۋجينا» ۋچاسكەسىندە «قالامقاس» جانە «حازار» ۇڭعىمالارىنداعى جۇمىستارعا قاتىسۋ ماسەلەلەرى قارالدى.
كومپانيا ءۇشىن پەرسپەكتيۆالىق باعىتتاردىڭ ءبىرى — ەنەرگيانىڭ بالامالى كوزدەرىن دامىتۋ. Royal Dutch Shell تاراز قالاسىندا كۇن ەلەكتر ستانتسياسىن سالۋ جوباسى جۇزەگە اسىرىلۋدا.
قر ۇكىمەتىنىڭ باسشىسى ا. مامين كومپانيانىڭ ءىرى ينۆەستورلاردىڭ قاتارىندا ەكەنىن اتاپ ءوتتى. بۇگىندە ەلىمىزدە ينۆەستيتسيالىق جوبالاردى جۇزەگە اسىرۋ ءۇشىن قولايلى جاعدايلاردى قامتاماسىز ەتۋ شارالارى كۇشەيتىلۋدە جانە ينۆەستورلاردىڭ قۇقىقتارىن قورعاۋ تەتىكتەرى نىعايتىلىپ جاتىر.
كەزدەسۋدىڭ سوڭىندا تاراپتار ءوزارا ءىس-قيمىل سالالارىن كەڭەيتۋگە جانە جاڭا بىرلەسكەن جوبالاردى جۇزەگە اسىرۋعا نيەت ءبىلدىردى.
