بۇگىن ەلوردادا قازاقستان, وزبەكستان, تاجىكستان, تۇركىمەنستان, قىرعىزستان, ارمەنيا, گرۋزيا جانە ازەربايجان پارلامەنتى دەپۋتاتتارىنىڭ, دەنساۋلىق ساقتاۋ, اۋىل شارۋاشىلىعى, قارجى, ءبىلىم بەرۋ مينيسترلىكتەرى وكىلدەرى سيمپوزيۋم جۇمىسىن باستادى. بىرنەشە كۇن بولاتىن باسقوسۋ بارىسىندا بالالارعا ارنالعان دۇرىس تاماقتانۋ جۇيەسىن قامتاماسىز ەتۋ جانە ونى باسقارۋدى جاقسارتۋ جايىنداعى ءوزارا ءىس-شارالار تالقىلانىپ بەكىتىلەتىن بولادى.
"بۇگىندە ورتالىق ازيادا بالالار سەمىزدىگىنىڭ تارالۋى الەمدە ەكىنشى ورىندا (10, 7%), سونىمەن قاتار 2000 جىل مەن 2017 جىل ارالىعىندا ارتىق سالماعى بار بەس جاسقا دەيىنگى بالالاردىڭ سانى 1,6 ميلليوننان 3,2 ميلليونعا دەيىن ەكى ەسە وسكەن. بۇل - كوپ قوزعالماۋدىڭ, دۇرىس ۇيىقتاماۋدىڭ سالدارى. بۇل جەتكىنشەكتەردىڭ وزدەرىن تومەن باعالاپ, وقۋ ۇلگەرىمىنىڭ ناشارلاۋىنا اكەلەدى,جانە ەرەسەك كەزىندەگى دە ءومىر ءسۇرۋ, تاماقتانۋ سالتىنا اسەر ەتەدى", - دەيدى دەنساۋلىق ساقتاۋ جانە دۇرىس تاماقتانۋ بويىنشا ايماقتىق مامان اميرحوسسەين يارپارۆار.
ايماقتاعى ازىق-ت ۇلىك جانە تاماقتانۋ جۇيەسىن باسقارۋ بالالار مەن جاسوسپىرىمدەردىڭ سالاماتتى, دۇرىس تاماقتانۋىن قامتاماسىز ەتىپ, ۇلت دەنساۋلىعىن جاقسارتا الادى, سوندىقتان مەملەكەت قاراجات ءبولۋى كەرەك دەگەن پىكىرگە ۇيىعان سيمپوزيۋم جۇمىسىن جالعاستىرىپ جاتىر.
اتالعان شارانى دۇنيەجۇزىلىك بۇۇ-نىڭ ازىق-ت ۇلىك جانە اۋىلشارۋاشىلىعى ۇيىمى مەن ازىق-ت ۇلىك باعدارلاماسىنىڭ قولداۋىمەن قر دەنساۋلىق ساقتاۋ مينيسترلىگى, قوعامدىق دەنساۋلىق ساقتاۋ ۇلتتىق ورتالىعى, بۇۇ بالالار قورى (يۋنيسەف) ۇيىمداستىرىپ وتىر.
