2019 جىلدىڭ 19 ساۋىرىندە دوستىق ستانتسياسىنان الاشانكوۋ ستانتسياسى ارقىلى سۇيىتىلعان گازى بار 18 ۆاگون-تسيستەرنا قحر-نا جەتكىزىلدى.
گاز تاسىمالىن ۇيىمداستىرۋ قازاقستاندىق ءونىمدى ەكسپورتقا شىعارۋدى ارتتىرۋعا, قازاقستان مەن قىتاي اراسىندا جۇك اعىنىڭ ۇلعايتۋعا ىقپال ەتەدى. بۇل سونداي-اق جۇكتەردى اۆتوموبيلدەن تەمىرجول كولىگىنە قايتا باعىتتاۋعا مۇمكىندىك بەردى.
«قتج – جۇك تاسىمالى» اق مەن ءۇرىمشى تەمىر جولى وكىلدەرى پويىزداردى قۇراۋدىڭ ەرەجەلەرىن جانە تەحنيكالىق الىپ ءجۇرۋ بويىنشا تالاپتارىن كەلىستى. سۇيىتىلعان گاز اسا قاۋىپتى جۇكتەر ساناتىنا جاتقىزىلادى.
سۇيىتىلعان گاز تاسىمالىن ۇيىمداستىرۋ ءۇشىن قىتايلىق كورپوراتسيالارىنىڭ ارنايى ۆاگون-كونتەينەرلەرى پايدالانىلادى.
ارنايى جۇگى بار 18 تاجىريبەلى ۆاگون-تسيستەرنا جولدا شامامەن ءبىر تاۋلىك بولادى.
بيىلعى جىلدىڭ مامىرىنان باستاپ سۇيىتىلعان گازدى تۇراقتى نەگىزدە تەمىرجول كولىگىمەن تاسىمالداۋدى قامتاماسىز ەتۋ جوسپارلانعان. كولەم الەۋەتى 1 ملن تونناعا دەيىن جەتەدى.
