قالا اكىمى ب.سۇلتانوۆ نۇرسۇلتان نازارباەۆقا ەلوردانى ودان ءارى دامىتۋ جانە قالا قۇرىلىسىن جۇرگىزۋ جوسپارى جونىندە مالىمەت بەردى. ەلباسى تۇرعىندار ءۇشىن قولايلى جاعدايلار جاساۋدىڭ جانە الەۋمەتتىك ينفراقۇرىلىمنىڭ قول جەتىمدىلىگىن قامتاماسىز ەتۋدىڭ ماڭىزدىلىعىن اتاپ ءوتتى.
سونىمەن قاتار, قازاقستاننىڭ تۇڭعىش پرەزيدەنتى ەلوردانى ودان ءارى دامىتۋ ءىسىن الەمدىك تاجىريبەنى جانە قالا قۇرىلىسىنداعى زاماناۋي ترەندتەردى ەسكەرە وتىرىپ, جالعاستىرۋ قاجەتتىگىن ايتتى. نۇرسۇلتان نازارباەۆ ەلوردانى گازبەن قامتۋ جانە قالا كوشەلەرىن كوگالداندىرا ءتۇسۋ ۇدەرىسىنە ەرەكشە توقتالدى.
سونداي-اق, قالا كوشەلەرىندەگى كولىك جۇكتەمەلەرىن تومەندەتۋ, جاياۋ جۇرگىنشىلەردىڭ قاۋىپسىزدىگى, ەكولوگيالىق پروبلەمالاردى شەشۋ جانە بوتانيكالىق ساياباقتى دامىتۋ ماسەلەلەرىنە باسا ءمان بەرىلدى.
