كەزەكتەن تىس وتكەن ءحىح سەزدىڭ كۇن تارتىبىنە سايكەس قازاقستان رەسپۋبليكاسىنىڭ پرەزيدەنتى سايلاۋىنا «Nur Otan» پارتياسىنىڭ اتىنان ۇمىتكەر ۇسىنۋ جونىندەگى ماسەلە قارالدى.
پارتيالاستارىنىڭ الدىندا سويلەگەن سوزىندە ەلباسى نۇرسۇلتان نازارباەۆ اۋىر داعدارىس جاعدايىندا باستالعان تاۋەلسىز قازاقستاندى قالىپتاستىرۋ جولى وڭاي بولماعانىن ەسكە سالدى.
– ەكونوميكانىڭ جاپپاي كۇيرەۋى حالىقتىڭ باسىم كوپشىلىگىن كۇيزەلىسكە ۇشىراتتى. كوپتەگەن ساراپشىلار ەتنوسارالىق شيەلەنىستەر مەن قاقتىعىستار بولادى دەپ بولجام جاسادى. بىراق, ءبىز ءوزىمىزدىڭ ەگەمەن ەلىمىزدە بەيبىتشىلىك پەن كەلىسىم جاعدايىندا ءومىر سۇرۋگە لايىقتى ەكەنىمىزدى بۇكىل الەمگە دالەلدەدىك. مەنىڭ «الدىمەن ەكونوميكا, سوسىن ساياسات» دەگەن نەگىزگى قاعيداتىم دۇرىستىعىن دالەلدەدى, – دەدى «Nur Otan» پارتياسىنىڭ توراعاسى.
قازاقستاننىڭ تۇڭعىش پرەزيدەنتى دۇرىس جۇرگىزىلگەن ساياساتتىڭ ارقاسىندا ەلىمىزدىڭ پوستكەڭەستىك كەڭىستىكتەگى قارقىندى دامىپ كەلە جاتقان مەملەكەتكە اينالعانىن ايتتى.
«Nur Otan» پارتياسىنىڭ توراعاسى جولداردىڭ قۇرىلىسى مەن قايتا جوندەلۋىنىڭ زور ناتيجەلەرىن اتاپ ءوتىپ, تاۋەلسىزدىك جىلدارىنداعى قازاقستاندىقتاردىڭ تابىسىنىڭ وسىمىنە توقتالدى.
– ءبىز ءۇشىن ەڭ قيىن بولعان جىلداردا مەن مىڭداعان جاس قازاقستاندىقتاردى الەمنىڭ ۇزدىك ۋنيۆەرسيتەتتەرىنە جىبەردىم. بۇگىندە وزىق ءبىلىم بەرۋ جۇيەسىن قازاقستاندا قالىپتاستىرامىز. ونىڭ وزەگى نازارباەۆ زياتكەرلىك مەكتەپتەرى مەن نازارباەۆ ۋنيۆەرسيتەتى بولماق, – دەدى ەلباسى.
نۇرسۇلتان نازارباەۆ دەنساۋلىق ساقتاۋ ءىسى مەن مادەنيەت سالاسىنداعى جەتىستىكتەرگە دە توقتالدى.
– ماعان ءوز حالقىممەن بىرگە تاۋەلسىز قازاقستاندى قۇرۋ مارتەبەسى بۇيىرعانىن ماقتان تۇتامىن. قيىن زامانعا قاراماستان حالقىم مەنىڭ باستامالارىما ءاردايىم قولداۋ كورسەتتى. سونىڭ ارقاسىندا ءبىز بارلىق ناتيجەلەرگە قول جەتكىزدىك. مەن ەلىمىزدىڭ حالقىنا ريزاشىلىعىمدى بىلدىرەمىن, – دەدى قازاقستاننىڭ تۇڭعىش پرەزيدەنتى.
سونىمەن قاتار, «Nur Otan» پارتياسىنىڭ توراعاسى قازاقستاننىڭ ودان ءارى تابىستى دامۋىن ءبىزدىڭ باعدارىمىزدىڭ ساباقتاستىعى عانا قامتاماسىز ەتەتىنىن ايتتى.
– ءتورتىنشى ونەركاسىپتىك رەۆوليۋتسيا تالاپتارىنا سايكەس ەلىمىزدى تەحنولوگيالىق جانە ينفراقۇرىلىمدىق تۇرعىدان دامىتۋدىڭ جاڭا كەزەڭىنە قادام باستىق. تسيفرلاندىرۋ جانە يننوۆاتسيانى ەنگىزۋ ەسەبىنەن ەڭبەك ونىمدىلىگى مەن ەكونوميكانىڭ باسەكەگە قابىلەتتىلىگى ارتتى. وسى اۋقىمدى جۇمىستاردىڭ ءبارى بۇكىل قازاقستاندىقتاردىڭ ءال-اۋقاتىن ارتتىرۋعا باعىتتالعان, – دەدى ەلباسى.
نۇرسۇلتان نازارباەۆ كونستيتۋتسيا بويىنشا وزىنە بەكىتىلگەن وكىلەتتىلىكتەرگە سايكەس وتانىمىزدى وركەندەتۋ ءۇشىن جۇمىس ىستەي بەرەتىنىن ايتتى.
– مەن توراعا بولىپ قالا بەرەتىن قازاقستان حالقى اسسامبلەياسى اياسىندا اتقاراتىن جۇمىس كوپ. قوعامدىق كەلىسىم مەن ۇلتىمىزدىڭ بىرلىگىن نىعايتۋ ءۇشىن ءىسىمىزدى جالعاستىرا بەرەمىز. قاۋىپسىزدىك كەڭەسىن باسقارا وتىرىپ, مەن ءوزىمنىڭ كوپجىلدىق تاجىريبەمدى ىشكى جانە سىرتقى ساياساتتى انىقتاي وتىرىپ, ەلىمىزدى دامىتۋدىڭ بىرقاتار نەگىزگى ماسەلەلەرىن شەشۋگە باعىتتايمىن. مەن بۇرىنعىسىنشا ەڭ ءىرى «Nur Otan» ساياسي پارتياسىنىڭ توراعاسى بولىپ قالا بەرەمىن, – دەدى قازاقستاننىڭ تۇڭعىش پرەزيدەنتى.
ەلباسى نۇرسۇلتان نازارباەۆ تاڭداپ العان ساياسي جانە ەكونوميكالىق باعدار ساباقتاستىعىنىڭ ساقتالۋىنا پارتيا كەپىل بولۋعا جانە بەلگىلەنگەن مىندەتتەردىڭ ءبارىن جۇزەگە اسىرۋعا ءتيىس ەكەنىن ايتتى.
– جاڭعىرۋدىڭ تيىمدىلىگىن, سونىڭ ىشىندە پارتيانىڭ «باقىتتى وتباسى», «قۇتتى مەكەن», «اۋىل – ەل بەسىگى» جانە «حالىققا كومەك» جوبالارىن جۇزەگە اسىرۋ اياسىندا ءاربىر قازاقستاندىقتىڭ سەزىنۋىنە قول جەتكىزۋىمىز كەرەك, – دەدى «Nur Otan» پارتياسىنىڭ توراعاسى.
قازاقستاننىڭ تۇڭعىش پرەزيدەنتى قازاقستاندىقتاردان ءوز اتىنا كوپتەگەن حات كەلىپ جاتقانىن ايتىپ, قازاقستاندىقتاردىڭ دوستىعى مەن قۇقىقتارىنىڭ تەڭدىگى وزگەرمەيتىنىنە سەنىم ءبىلدىردى.
نۇرسۇلتان نازارباەۆ قاسىم-جومارت توقاەۆتى ەلىمىزدەگى جوعارى لاۋازىمعا لايىقتى ۇمىتكەر ەكەنىن ايتىپ, ونىڭ وتان الدىنداعى سىڭىرگەن ەڭبەگى مەن جەتكەن جەتىستىكتەرىنە توقتالدى.
– قاسىم-جومارت توقاەۆ مەنىمەن بىرگە تاۋەلسىزدىكتىڭ العاشقى جىلدارىنان باستاپ قىزمەتتىڭ ءتۇرلى سالاسىندا جۇمىس ىستەدى. ول – ۇزاق جىلدار سىرتقى ىستەر مينيسترلىگىنە جەتەكشىلىك ەتىپ, قازاقستاننىڭ سىرتقى ساياساتىن بىرگە قالىپتاستىرۋعا اتسالىسقانداردىڭ ءبىرى. ونىڭ ديپلوماتيالىق دارەجەسى شەتەلدە جوعارى باعالانادى. قاسىم-جومارت توقاەۆتىڭ بۇۇ باس حاتشىسىنىڭ ورىنباسارى بولعانىن جانە تاجىريبەلى مەملەكەت ساياساتكەرى ەكەنىن جاقسى بىلەسىزدەر, – دەدى قازاقستاننىڭ تۇڭعىش پرەزيدەنتى.
سونداي-اق, ەلباسى رەسپۋبليكالىق قوعامدىق سايلاۋ شتابىنىڭ جۇمىسىن ۇيلەستىرۋدى تاپسىرىپ, ازاماتتاردىڭ بارلىق ساناتىمەن جۇمىس جۇرگىزۋدىڭ قاجەتتىلىگىنە نازار اۋداردى.
سوڭىندا قازاقستاننىڭ تۇڭعىش پرەزيدەنتى قازىرگى جاعدايدا تۇراقتى دامىپ, ءوسىپ-وركەندەۋ ءۇشىن حالىقتىڭ بىرلىگى بەكەم بولۋى جانە بارشا قازاقستاندىقتاردىڭ بىرلەسە كۇش-جۇمىلدىرۋى قاجەت ەكەنىن اتاپ ءوتتى.
– ءبىز بۇل كەزەڭدى ەش قيىندىقسىز ەڭسەرەتىنىمىزگە سەنىمدىمىن. ءبىزدىڭ ماقساتىمىز – حالقىمىزدىڭ ءال-اۋقاتىن ارتتىرۋ جانە ەلىمىزدى ودان ءارى ىلگەرىلەتۋ. مەملەكەتكە قۇرمەت كورسەتۋ, ازاماتتاردىڭ ءبىر-ءبىرىن سىيلاۋى – تۇراقتىلىقتىڭ بەلگىسى, – دەدى نۇرسۇلتان نازارباەۆ.
