2019 جىلدىڭ 21 ساۋىرىندە بۇقار جىراۋ اۋدانىنا قاراستى ۇشتوبە اۋىلىنان 4 شاقىرىم جەردەگى «بالاپان» «اۆياتسيالىق وقۋ-جاتتىعۋ ورتالىعى» جشس-ءنىڭ قونۋ الاڭىندا 2013 جىلى شىققان FK-14 ۆ2«Polaris» ۇشاعى قۇلادى.
اتالعان فاكت بويىنشا سوتقا دەيىنگى تەرگەۋ جۇمىستارى باستالدى. ول سوتقا دەيىنگى تەرگەۋ بىرىڭعاي رەەسترىنە تىركەلگەن.
وقۋ ورتالىعىنا تيەسىلى جەڭىل موتورلى ەكى ورىندىق ۇشاعى وقۋ-جاتتىعۋ كەزىندە قۇلاعانى انىقتالدى.
ۇشاق اپاتقا ۇشىراعان كەزدە بورتتاعى 2 ادام وقيعا ورنىندا قازا تاپتى. اتاپ ايتقاندا, ۇشقىش-نۇسقاۋشى - ارتەموۆ يۋري اناتولەۆيچ, 31.03.1967 جىلى تۋعان جانە وسى وقۋ ورتالىعىنىڭ 2018 جىلدىڭ مامىر ايىنان باستاپ تىڭداۋشىسى بولعان (ۇشقىش) اۋكەشەۆ مەرەكە ومىربەك ۇلى. ول 08.03.1990 ج. تۋعان.
ەكيپاج قۇرامى نۇر-سۇلتان ۋاقىتى بويىنشا ساعات 16:11-دە كەزەكتى جاتتىعۋدى ورىنداۋ ماقساتىندا اۋەگە كوتەرىلگەن. ساعات 16:20-دا ۇشاق شۇعىل تومەن قۇلديلاعان. ديسپەتچەر اۋە كەمەسىمەن بايلانىستى جوعالتتى.
اۆاريالىق-قۇتقارۋ قىزمەتى جىلدام دايىندالىپ, اۋە كەمەسى قۇلايتىن جەرگە جەدەل جىبەرىلدى.
بۇگىنگى كۇنگە دەيىن كۋرسانت م.و.اۋكەشەۆ 30 ساعاتقا جۋىق ۇشقان. وعان ينسترۋكتور يۋ.ا.ارتەموۆ بەكىتىلگەن. م.و.اۋكەشەۆ وقۋ-جاتتىعۋ ساباقتارىن FK-14 ۆ2 «Polaris» ۇشاقتارىمەن ورىنداعان.
21.04.2019 جىلى م.و. اۋكەشەۆ ۇشقان FK-14 ۆ2 «Polaris» 2013 جىلى پولشا رەسپۋبليكاسىنىڭ زاۋىتىنان الىنعان. جالپى, ۇشاق 1100 ساعات ۇشقان. ۇشاق ۇشار الدىندا تولىق تەكسەرۋدەن وتكەن جانە ەشقانداي اقاۋ بولماعان.
قازىرگى ۋاقىتتا بارلىق قاجەتتى جەدەل-تەرگەۋ ارەكەتتەرى جۇرگىزىلۋدە.
