وتكەن دەمالىس كۇندەرى «قازاۆتوجول «ۇك» اق-نىڭ الماتى فيليالى الماتى وبلىسىنىڭ پوليتسيا دەپارتامەنتىمەن بىرلەسىپ كوشپەلى كەڭەس وتكىزدى. كەلەلى كەزدەسۋدە «الماتى–وسكەمەن» اۆتوجولىنىڭ 287-615 شاقىرىم ارالاعىنداعى «تالدىقورعان-قالباتاۋ» ۋچاسكەسىندە جول قوزعالىسى قاۋىپسىزدىگىن قامتاماسىز ەتۋ ماسەلەلەرىن تالقىلادى.
كەڭەسكە «CITIC Construction» مەردىگەرلىك كومپانياسىنىڭ جانە تەحنيكالىق قاداعالاۋ قىزمەتتەرىنىڭ باسشىلارى قاتىسىپ, جوندەۋ جۇمىستارى ءجۇرىپ جاتقان ۋچاسكەلەردى ارالادى. تەكسەرۋ ناتيجەسى بويىنشا انىقتالعان ەسكەرتۋلەردى جويۋ ءۇشىن بىرقاتار تاپسىرمالار بەرىلدى:
- بارلىق ۋچاسكەلەردەگى شۇڭقىرلاردى جوندەۋگە دەرەۋ كىرىسۋ;
- اينالمالى جولدارداعى شاڭدى باسۋ ءۇشىن سۋ سەبۋدى جانە پروفيلدەۋدى تۇراقتى نەگىزدە جۇرگىزۋ;
- جوندەۋ جۇمىستارى ءجۇرىپ جاتقان ۋچاسكەنىڭ بويىنا سيگنالدىق جالاۋشالار مەن جول بەلگىلەرىنىڭ قاجەتتى سانىن ورناتۋ. بارلىق ۋاقىتشا بەلگىلەر سارى ءتۇستى بولۋى ءتيىس;
- ءاربىر لوتتا جول قوزعالىسى قاۋىپسىزدىگى جونىندەگى ينجەنەر لاۋازىمى شتاتىن ەنگىزۋ قاجەت;
- جۇمىس بارىسىندا قىزمەتكەرلەردە مىندەتتى تۇردە ارنايى كيىمنىڭ جانە سيگنالدىق كەۋدەشەلەردىڭ بولۋىن قاداعالاۋ;
- تۇندە قاۋىپتى ۋچاسكەلەردە جارىق ماياكتارىن مىندەتتى تۇردە ورناتۋ;
- كولىك اعىنىن ءبولۋ ءۇشىن اسفالت-بەتوندى جولدىڭ ۇستىنە ۋاقىتشا جول تاڭباسىن سالۋدى قامتاماسىز ەتۋ;
- جول-قۇرىلىس جۇمىستارىن جۇرگىزۋ كەزىندە قاۋىپسىزدىك تەحنيكاسىن ساقتاۋ;
- اعىمداعى جىلدىڭ 15-ءشى مامىرىنا دەيىن اۆتوجول جابىندىسىن جوندەۋ جانە ونىڭ بويىندا قاجەتتى قاۋىپسىز بەلگىلەرىن ورناتۋ جۇمىستارىن اياقتاۋ قاجەت.
ايتا كەتسەك, «الماتى–وسكەمەن» اۆتوجولىنىڭ وسى بولىگىنەن بىلتىر 1,2 ملن. وتاندىق جانە شەتەلدىك تۋريست وتكەن. الماتى وبلىسىنداعى الاكول كولى تۋريستىك كلاستەرىنە ەنگەن. اعىمداعى جىلى اۆتوجولدىڭ وسى بولىگى ارقىلى 1,5-1,8 ملن. تۋريست ءجۇرىپ وتەدى دەپ كۇتىلۋدە.
