«ەلىمىزدەگى بيلىك ساباقتاستىعىن جالعاستىرۋ - اتا زاڭىمىزعا تولىق سايكەس كەلەدى. ەكى اپتا بۇرىن مەملەكەت باسشىسى قاسىم-جومارت كەمەل ۇلى توقاەۆ كەزەكتەن تىس سايلاۋ وتكىزۋ تۋرالى جارلىققا قول قويدى. بۇل - جان-جاقتى ويلاستىرىلىپ جاسالعان قادام. قاسىم-جومارت كەمەل ۇلى ءاربىر ىسكە زور جاۋاپكەرشىلىكپەن قارايتىن مەملەكەت قايراتكەرى. ول ايقىن ساياسات جۇرگىزۋدىڭ قانشالىقتى ماڭىزدى ەكەنىن جاقسى بىلەدى. پرەزيدەنتتىك وكىلەتتىگىمدى توقتاتقاننان سوڭ, بىرقاتار ەلدەردىڭ باسشىلارىمەن سويلەستىم. كوپشىلىگىنەن ءالى كۇنگە دەيىن حاتتار كەلىپ ءتۇسىپ جاتىر. سولاردىڭ بارلىعى بيلىكتى بەرۋدىڭ وزىندىك ۇلگىسىن جۇزەگە اسىرىپ جاتقانىمىزعا قۇرمەتپەن قارايتىنىن جەتكىزدى. ەڭ الدىمەن, الداعى پرەزيدەنت سايلاۋى حالقىمىزدى بيىك ماقساتتارعا جۇمىلدىرۋعا ءتيىس دەپ سانايمىن. ەلىمىز ءۇشىن تۇراقتىلىق پەن تاتۋلىقتان ارتىق ەش نارسە جوق. تىنىشتىقتا ءومىر ءسۇرىپ, الاڭسىز ەڭبەك ەتكەنگە, باقىتتى ۇرپاق تاربيەلەگەنگە نە جەتسىن. مىنە, ەڭ باستىسى وسى», دەدى ن.نازارباەۆ.
