كادرلىق قامتاماسىز ەتۋ ديرەكتورىنىڭ مىندەتىن اتقارۋشى گەنەرال-مايور سالەم شاحين النۋايمي باستاعان ابۋ-دابي قالاسى پوليتسياسىنىڭ دەلەگاتسياسى قر ۇلتتىق ۇلانىنىڭ قوعامدىق ءتارتىپ پەن قاۋىپسىزدىكتى قامتاماسىز ەتۋ ماسەلەسى, سونداي-اق, ۆەدومستۆا جۇمىسىنىڭ باسقا دا باعىتتارى بويىنشا تاجىريبە الماسۋ ءۇشىن نۇر-سۇلتان قالاسىنا كەلدى.
ۇلتتىق ۇلان باس قولباسشىسىلىعىندا دەلەگاتسيانى قر ۇلتتىق ۇلانىنىڭ باس قولباسشىسى گەنەرال-لەيتەنانت رۋسلان جاقسىلىقوۆ قارسى الدى. ارتىنشا ەكى تاراپتىڭ قاتىسۋىمەن بريفينگ ءوتتى.
رۋسلان جاقسىلىقوۆ بريفينگ بارىسىندا كەلگەن قوناقتارعا ۇلتتىق ۇلاننىڭ قۇرىلۋ مەن قالىپتاسۋ تاريحى, قۇرىلىمى مەن نەگىزگى تاپسىرمالارى اڭگىمەلەپ بەردى. سونىمەن قاتار, باسقا دا ساۋالدارعا جاۋاپ بەردى.
دەلەگاتسيا باسشىسى گەنەرال-مايور سالەم شاحين النۋايمي, قازاقستانننىڭ قۇقىقتىق ءتارتىپ اسكەرىنە جۇكتەلگەن مىندەت ءباا پوليتسياسىنىڭ مىندەتتەرىمەن سالىستىرعاندا اناعۇرلىم كەڭ ەكەنىن تىلگە تيەك ەتتى. سونداي-اق, قوناقتار ۇلتتىق ۇلانننىڭ الەمدەگى توعىزىنشى ورىنداعى مەملەكەتتە ىشكى ءتارتىپ پەن قاۋىپسىزدىكتى قالاي قامتاماسىز ەتەتىنى تۋرالى سۇرادى.
- ءبىزدىڭ كاسىبي دايارلىق دەڭگەيىمىز بۇل مىندەتتەردى وزىمىزگە قامتاامسىز ەتۋگە مۇمكىندىك بەرەدى. ىشكى ىستەر ورگاندارىمەن بىرلەسە ءبىز ەلىمىزدىڭ 19 قالاسىندا قوعامدىق ءتارتىپ پەن قاۋىپسىزدىكتى قامتاماسىز ەتەمىز. باسقا مەملەكەتتەردىڭ تاجىريبەسىنە دە جۇگىنەمىز. وزگە ەلدەردىڭ زاڭنامالارىن زەرتتەيمىز. ۇلتتىق ۇلان كوپتەگەن وسىنداي قۇرىلىمدارمەن ىقپالداستىق جۇرگىزەدى. بىزدە تۇركيانىڭ اسكەري-وقۋ ورىندارىندا اسكەري كادرلاردى وقىتۋ جانە دايىنداۋ سالاسى بويىنشا تۇركيا جاندارمەرياسىمەن باۋىرمالدىق قارىم-قاتىناس ورناتىلعان. قوعامدىق قاۋىپسىزدىك ماسەلەسى بويىنشا رەسەي فەدەراتسياسى فەدەرالدى قىزمەتى ۇلتتىق ۇلان اسكەرى, ءازىربايجان ءىىم ىشكى اسكەرلەرى, اقش قارۋلى كۇشتەرىمەن ىنتىماقتاستىق بەلسەندى تۇردە جالعاسىپ كەلەدى. ءبىز ەل ىشىندەگى تۇراقتىلىقتى ساقتاۋ ماسەلەسىندە تاجىريبە الماسۋعا ءار كەزدە دايىنبىز, - دەپ اتاپ ءوتتى گەنەرال-لەيتەنانت رۋسلان جاقسىلىقوۆ
بۇدان بولەك ول, ۇلتتىق ۇلان تاجىكستان مەن قىرعىز رەسپۋبليكالارى ءۇشىن اسكەري كادرلاردى دايىندايتىنىن ءسوز ەتتى. بريفينگ سوڭىندا رۋسلان جاقسىلىقوۆ قر ۇلتتىق ۇلانى مەن ابۋ-دابي قالاسى پوليتسياسىنىڭ اراسىنداعى قىزمەتتىك-جاۋىنگەرلىك ماسەلەلەر بويىنشا حالىقارالىق ىنتىماقتاستىق پەن ءوزارا ىقپالداستىققا قوسقان ۇلەسى ءۇشىن دەلەگاتسيا مۇشەلەرىنە ەستەلىك بەلگىلەر تابىس ەتتى.
سودان كەيىن, مەيماندار باس قولباسشىلىقتىڭ اسكەرمەن باسقارۋ ورتالىعىن ارالاپ, ونىڭ جەدەل اقپاراتتى وڭدەۋ مەن جيناۋداعى تەحنيكالىق مۇمكىنشىلىكتەرىمەن, سونداي-اق, زاماناۋي باسقارۋ جۇيەسىمەن تانىستى.
كەيىندە, ۇلتتىق ۇلان باس قولباسشىلىعىنگىڭ اۋماعىنداعى «دوستىق اللەياسىندا » ءداستۇرلى اعاش وتىرعىزۋ ءراسىمى ءوتتى. تۇستەن كەيىن ارابتىق دەلەگاتسيا ەلوردالىق 5573 اسكەري بولىمىندە بولىپ, كينولوگيا ورتالىعى, اسكەري قارۋ-جاراق, تەحنيكا كورمەسىن تاماشالادى. قوناقتار بريگادانىڭ تىنىس-تىرشىلىگىمەن جانە باسقا دا نىساندارمەن تانىستى.
23-24 ساۋىردە دەلەگاتسيا «وڭتۇستىك» وڭىرلىك قولباسشىلىعىنىڭ جانە ۇلتتىق ۇلان ارنايى وتريادتارىنىڭ جاۋىنگەرلىك جانە ادىستەمەلىك دايىندىق ورتالىعىنىڭ قىزمەتىمەن تانىسادى.
