اوك سالاسىندا جوبالىق مەنەدجمەنتتى ەنگىزۋ جانە اۋىل شارۋاشىلىعى تاۋار وندىرۋشىلەرىن تسيفرلاندىرۋ تەحنولوگيالارىمەن ەگجەي-تەگجەيلى تانىستىرۋ ماقساتىندا بۇگىن سولتۇستىك قازاقستان وبلىسىنىڭ اۋىل شارۋاشىلىعى تاۋار وندىرۋشىلەرى ءۇشىن "ە-اوك ىسكەرلىك ويىنى"فورماتىندا وقىتۋ سەمينارى ءوتتى.
ويىنعا شامامەن 150 ادام قاتىستى. بۇل وبلىستىڭ اۋىل شارۋاشىلىعى وندىرۋشىلەرى, اۋدان اكىمدەرىنىڭ ورىنباسارلارى, قارجى ينستيتۋتتارىنىڭ وكىلدەرى, اگرارلىق سالا پروتسەستەرىن اۆتوماتتاندىرۋعا ارنالعان جابدىقتاردىڭ ءىرى جەتكىزۋشىلەرى جانە ت.ب.
ىسكەرلىك ويىنداردى وتكىزۋدىڭ باستى ماقساتى ءاشتو ساناسىن "ساندىق ويلاۋ" جاعىنا وزگەرتۋ جانە ويىن بارىسىندا ساندىق فەرمانى قۇرۋدىڭ جول كارتاسىن ازىرلەۋ بولدى.
كلاسسيكالىق اقپاراتتىق سەمينارلار مەن دوڭگەلەك ۇستەلدەردەن وزگەشە جاڭا فورمات جاعدايدى ەكونوميكالىق ۇلگىلەۋ پروتسەسىنە اگراريلەردىڭ جاندى قاتىسۋىن كوزدەيدى. ساراپشىلار اگراريالارعا يننوۆاتسيالىق تەحنولوگيالاردىڭ ەرەكشەلىكتەرىن, ولاردى ەنگىزۋ ءتارتىبىن ەگجەي-تەگجەيلى ءتۇسىندىردى. بارلىق كوماندالارعا بىردەي شارتتار مەن فەرمانىڭ مۇمكىندىكتەرى تۋرالى باستاپقى مالىمەتتەر ۇسىنىلدى.
اۋىل شارۋاشىلىعى تاۋارلارىن وندىرۋشىلەر بىرنەشە كومانداعا ءبولىندى,ولارعا جەتىلدىرىلگەن ساندىق فەرمانى قۇرۋ ستراتەگياسىن-جەكە جوسپارلار ازىرلەۋ جانە پروتسەستەردى قارجىلىق جانە تەحنولوگيالىق ۇلگىلەۋ, پروتسەستەردى وڭتايلاندىرۋ بويىنشا شەشىمدەر ازىرلەۋ ۇسىنىلدى.
ويىن بارىسىندا اگراريلەر تسيفرلاندىرۋ تەحنولوگيالارىنىڭ تەز وتەلىمدىلىگىنە كوز جەتكىزىپ, ساراپشىلاردىڭ كومەگىمەن دامۋدىڭ جول كارتاسىن ازىرلەدى.
ويىنعا جابدىق جەتكىزۋشىلەرىنىڭ قاتىسۋى مودەلدەنگەن شارتتاردى نارىقتىڭ شىنايىلىعىنا بارىنشا جاقىنداتتى جانە كوماندالارعا جەكە تاڭدالعان تەحنولوگيالاردىڭ قۇرامىن قالىپتاستىرۋعا كومەكتەستى.
ويىن قورىتىندىسى بويىنشا ەڭ ۇزدىك جوبا تاڭدالدى. جەڭىمپازدارعا جابدىقتار مەن اقپاراتتىق جۇيەلەردى ساتىپ الۋ ءۇشىن 500 000 تەڭگەگە جەڭىلدىك بەرىلدى.
