سۇحبات • 22 ءساۋىر، 2019

اسان بازاەۆ: ازيا چەمپيوناتىنان كەم دەگەندە ەكى مەدال الۋدى جوسپارلاپ وتىرمىز

1249 رەتكورسەتىلدى

23 ءساۋىر كۇنى ۆەلوسپورتتان 39-شى ازيا بىرىنشىلىگى باستالادى. وزبەكستان استاناسى تاشكەنتتە وتەتىن قۇرلىق دوداسىندا قازاقستان باستى فاۆوريتتەردىڭ ءبىرى بولماق. ۇلتتىق قۇرامانىڭ باس باپكەرى اسان بازاەۆ ازيا چەمپيوناتىنا دايىندىقتى قورىتىندىلاپ، كوماندا الدىنداعى باستى ماقساتتاردى اتادى. بۇل تۋرالى ۇوك ءباسپاسوز قىزمەتى حابارلادى.

- تاشكەنتتەگى ازيا بىرىنشىلىگى الدىندا «تۇركيا تۋرىنا» قاتىستىق. بۇل قۇرلىق چەمپيوناتى قارساڭىنداعى كەرەمەت جارىستاردىڭ ءبىرى. تەك كۇننىڭ سۋىقتىعىنان جىگىتتەر ازداپ سىرقاتتانىپ قالدى. ناتاروۆىڭ قۇلاعانى بار. دەسە دە، جوعارى ناتيجە كورسەتۋ ءۇشىن بارىمىزدى سالامىز. 

 - ازيا چەمپيوناتىندا قازاقستان اتىنان كىمدەر باق سىنايدى؟

 - سارى قۇرلىق باسەكەسىنە قاتىساتىن قۇرام تولىعىمەن انىقتالدى. كوماندالىق جارىستا دميتري گرۋزدەۆ، دانيل فومينىح، يۋري ناتاروۆ، جاندوس بيجىگىتوۆ پەن ەۆگەني گيديچكە سەنىم ارتامىز. 

جەكەلەي سىندا تاجىريبەلى دميتري گرۋزدەۆ جۇلدەگە تالاسادى. ال توپتىق سىندا ەۆگەني گيديچ، دانيل فومينىح، جاندوس بيجىگىتوۆ پەن دميتري گرۋزدەۆتەر قۇرلىق مىقتىلارىمەن جارىسادى. 

 - ۆەلوشاباندوزدار الدىندا قانداي ماقسات قويىلىپ وتىر؟

 - ازىرگە، كوماندالىق جانە جەكەلەي سىندا ەكى مەدال الۋدى كوزدەپ وتىرمىز. ال توپتىق سىندا كوپ نارسە ساتتىلىككە بايلانىستى. بۇرىنعى سپورتشى رەتىندە توپتىق سىندا كۇتپەگەن جاعدايلار ورىن الاتىنىن جاقسى بىلەمىن. 

 - سپورتشىلار سىنعا تۇسەتىن تاس جول تۋرالى نە ايتاسىز؟

 - جارىسقا كوماندانى جاساقتاۋ بارىسىندا تاس جولدىڭ ەرەكشەلىكتەرى تۋرالى ءبىراز اقپارات الدىق. كوماندالىق جانە جەكەلەي سىن تەگىس جولدا وتپەكشى. ال توپتىق جارىستا جىگىتتەردى قيىن جول كۇتىپ تۇر. ياعني، تاۋعا شىعامىز. بىزدە تاۋلى كەزەڭدە جاقسى جۇرەتىن الەكسەي لۋتسەنكو مەن اندرەي زەيتس ەسىمدى سپورتشىلار بار. ءبىراز ولار قۇرلىق دوداسىنا قاتىسپايدى. دەسە دە، ءۇمىت ۇزبەيمىز. سپورتشىلار 167 شاقىرىم بىتكەنشە توپتىڭ الدىنا ءتۇسىپ، كۇشتەرىن ۇنەمدەۋى ءتيىس. ءبىزدىڭ باستى ماقسات – جارىس كەزىندە جاراقات الىپ، قۇلاپ قالماي، مارەگە جاقىن تۇستا العا شىعىپ، جەل كەدەرگى كەلتىرگەن جاعدايدا ارا قاشىقتىقتى ءبىراز ۇزارتىپ الۋ. 

 - الەكسەي لۋتسەنكو قۇرلىق دوداسىنان نەگە تىس قالدى؟

 - جوسپار بويىنشا، الەكسەي كوكتەمدە وتەتىن كلاسسيكالىق جارىستارعا قاتىسادى. دەگەنمەن، لۋتسەنكو قاتارىمىزدا جوق بولسا دا، جىگىتتەر جوعارى ناتيجە كورسەتەدى دەپ سەنەمىن. 

سوڭعى جاڭالىقتار

اۋىز سۋ ساپاسى قالىپقا كەلتىرىلدى

قازاقستان • بۇگىن، 18:04

انا ءتىلى – ارىڭ بۇل...

رۋحانيات • بۇگىن، 13:10

كۇرەس: العاشقى كۇنى ءۇش قولا

كۇرەس • بۇگىن، 09:00

قىلمىستىق ءىس قوزعالدى

ايماقتار • كەشە

باستى اقپارات (21.02.2020)

ۆيدەو • 21 اقپان، 2020

ۇقساس جاڭالىقتار