بايلانىس ورتالىعى «ءبىر تەرەزە» قاعيداسى بويىنشا قىزمەت كورسەتە وتىرىپ, ورالمان مارتەبەسىن جانە قازاقستان ازاماتتىعىن الۋ, الەۋمەتتىك جەڭىلدىك پەن تولەماقىلاردى, مەملەكەتتىك كومەكتى بەلگىلەۋ ماسەلەلەرى بويىنشا سونداي-اق ورالماندار مەن يمميگرانتتاردى جۇمىسقا ورنالاستىرۋ ءۇشىن ولارعا وڭىرلىك كۆوتا بەلگىلەۋگە قاتىستى كەڭەستەر بەرەدى. بيزنەس اشۋ جانە تەحنولوگيالاردى دامىتۋ بويىنشا كەڭەس الۋ ءۇشىن قالا جانە وبلىس اكىمدىكتەرىمەن, ۇلتتىق كومپانيالارمەن, «اتامەكەن» ۇلتتىق كاسىپكەرلەر پالاتاسىمەن, «دامۋ» كاسىپكەرلىكتى دامىتۋ قورىمەن, «زەردە» جانە «قازاگرو» حولدينگتەرىمەن سەرىكتەستىك قارىم-قاتىناستار ورناتىلىپ جاتىر. سونىمەن بىرگە قازاقستاندىق ۇيالى وپەراتورلار نومىرلەرىنەن تەگىن قوڭىراۋ شالۋ مۇمكىندىگى قاراستىرىلعان.
بايلانىس ورتالىعىنا 1404 ء(موبيلدى قوڭىراۋ شالۋ), +7 (7172) 981404 (شەتەلدەن قوڭىراۋ سوعاتىندارعا), 8-800-080-1404 (قازاقستانداعى قالالىق تەلەفوننان) نومىرلەرى بويىنشا حابارلاسۋعا بولادى. سونداي-اق ورتالىق قىزمەتكەرلەرىمەن WhatsApp, Telegram جانە Skype مەسسەندجەرلەرى ارقىلى بايلانىسقا شىعۋعا بولادى.
«تۇڭعىش پرەزيدەنت – ەلباسى نۇرسۇلتان نازارباەۆتىڭ باستاماسىمەن قۇرىلعان «وتانداستار قورى» تاريحي وتاندارىنا ورالعان, سونداي-اق شەتەلدە تۇرىپ جاتقان وتانداستارىنا كومەك پەن قولداۋ كورسەتۋ ماقساتىندا بىرنەشە جوبانى جۇزەگە اسىرىپ جاتىر. قوردىڭ نەگىزگى مىندەتتەرىنىڭ ءبىرى قازاقستانعا ورالىپ جاتقان وتانداستارعا جىلدام بەيىمدەلۋگە كومەكتەسۋ. بىرىڭعاي بايلانىس ورتالىعىنىڭ اشىلۋى بارلىق قاجەتتى كومەكتى جيناپ قانا قويماي, ورالماندار مەن شەتەلدە تۇرىپ جاتقان وتانداستارىمىزدىڭ پروبلەمالارىن شەشۋ ءۇشىن مەملەكەتتىك باعدارلامالاردى جۇزەگە اسىرىپ, قولداۋ كورسەتۋگە قاجەتتى اقپاراتتىڭ دەرەككوزى بولماق. مۇنداي قىزمەت ءتۇرىنىڭ پايدا بولۋى مەملەكەتتىڭ وتانداستاردىڭ پروبلەماسىنا دەگەن نازارىنىڭ دەڭگەيىن كورسەتەدى», دەيدى ن.ابىقاەۆ.
رەسمي مالىمەتتەرگە سۇيەنسەك, 1991-2016 جىلدار ارالىعىندا قازاقستانعا 1 ميلليوننان اسا قانداستارىمىز كوشىپ كەلگەن. يگىلىكتى باستاماعا قول قويۋ كەزىندە تاراپتار كەلەشەكتە بىرلەسكەن شارالار وتكىزۋ ءىسىن تالقىلادى. ق.ەسەكەەۆ جوبانىڭ الەۋمەتتىك ماڭىزى زور ەكەنىن ءارى ءوزارا ىنتىماقتاستىققا نەگىزدەلگەن بارىنشا قولايلى شارتتاردى جۇزەگە اسىرۋعا ىنتالى ەكەندىكتەرىن جەتكىزدى. اتالعان جوبانىڭ اتقارىلۋ مەرزىمى 2022 جىلعا دەيىن دەپ بەلگىلەندى.
