رىپاكوۆا – جەڭىمپاز!
سارسەنبى, 13 ماۋسىم 2012 7:47
قازاقستاندىق جەڭىل اتلەت, لوندون وليمپياداسى جولداماسىنىڭ يەگەرى ولگا رىپاكوۆا تاعى دا قالىڭ ەلىن جارىستاعى جەڭىسىمەن قۋانتتى.
جەڭىل اتلەتيكانىڭ ءۇش قارعىپ سەكىرۋ, جەتىسايىس, ۇزىندىققا سەكىرۋ تۇرلەرىنە ماماندانعان, ءدال قازىرگى كەزدە ەلىمىزدەگى بەدەلدى سپورتشىلاردىڭ ءبىرى سانالاتىن ولگا رىپاكوۆا جاقىندا اقش-تىڭ نيۋ-يورك قالاسىندا وتكەن «گاۋھار ليگاسىنىڭ» كەزەكتى كەزەڭىندە توپ جارىپ, جەڭىمپاز اتاندى.
سارسەنبى, 13 ماۋسىم 2012 7:47
قازاقستاندىق جەڭىل اتلەت, لوندون وليمپياداسى جولداماسىنىڭ يەگەرى ولگا رىپاكوۆا تاعى دا قالىڭ ەلىن جارىستاعى جەڭىسىمەن قۋانتتى.
جەڭىل اتلەتيكانىڭ ءۇش قارعىپ سەكىرۋ, جەتىسايىس, ۇزىندىققا سەكىرۋ تۇرلەرىنە ماماندانعان, ءدال قازىرگى كەزدە ەلىمىزدەگى بەدەلدى سپورتشىلاردىڭ ءبىرى سانالاتىن ولگا رىپاكوۆا جاقىندا اقش-تىڭ نيۋ-يورك قالاسىندا وتكەن «گاۋھار ليگاسىنىڭ» كەزەكتى كەزەڭىندە توپ جارىپ, جەڭىمپاز اتاندى.
وسى كەزگە دەيىن بولعان كوپتەگەن جارىستاردا التىنمەن اپتالىپ, كۇمىسپەن كۇپتەلىپ جۇرگەن رىپاكوۆا نيۋ-يورك ارەناسىندا العاشقى مۇمكىندىگىندە 14,71 مەترگە قارعىپ, وسى ناتيجەسىنىڭ ارقاسىندا باس جۇلدەنى جەڭىپ الدى.
جالپى, بيىل لوندون وليمپياداسىنىڭ الدىندا ءوتىپ جاتقان جارىستاردا و.رىپاكوۆا ءتىل-كوزىمىز تاسقا, جاقسى ناتيجە كورسەتۋدە. بيىل ول قىتايدىڭ شانحاي قالاسىندا وتكەن «گاۋھار ليگاسىنىڭ» ەكىنشى كەزەڭىندە قولا جۇلدەگە يە بولسا, وڭتۇستىك كورەيانىڭ تەگۋ قالاسىندا بولعان الەم چەمپيوناتىندا كۇمىس جۇلدەنى يەلەندى. ودان كەيىن كاتاردىڭ دوحا قالاسىندا وتكەن «گاۋھار ليگاسىندا» ءۇش قارعىپ سەكىرۋدە جەڭىمپاز اتانسا, يتاليانىڭ ريم قالاسىندا وتكەن تاعى ءبىر «گاۋھار ليگاسىندا» ەكىنشى ورىندى ەنشىلەدى.
و.رىپاكوۆا – ەكى دۇركىن جازعى ازيا ويىندارىنىڭ جەڭىمپازى, وليمپيا ويىندارىنا قاتىسۋشى.
داستان كەنجالين,
«ەگەمەن قازاقستان».
