ۇمىتكەرلەر از ەمەس
جۇما, 8 ماۋسىم 2012 6:50
قازاق كۇرەسىنەن ەكىنشى رەسپۋبليكالىق ءتۋرنيردىڭ ىرىكتەۋ جارىستارى باستالدى
وتكەن جىلى تۇڭعىش رەت قازاق كۇرەسىنەن قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ جۇلدەسى ءۇشىن جارىس وتكىزىلىپ, «قازاقستان بارىسى» انىقتالعان بولاتىن. بۇگىندە ەكىنشى ءتۋرنيردىڭ ىرىكتەۋ جارىستارى باستالىپ كەتتى.
ىرىكتەۋ قورىتىندىسى بويىنشا 2 بالۋان ءوز ايماعى اتىنان شەشۋشى كەزەڭدە ەلوردادا باق سىنايدى. 2012 جىلدىڭ 22 قىركۇيەگىندە استانادا 32 بالۋان باس قوسىپ, «قازاقستان بارىسى» اتاعىنا تالاسادى. جارىس 74 سالماق دارەجەسىندە وتەدى.
جۇما, 8 ماۋسىم 2012 6:50
قازاق كۇرەسىنەن ەكىنشى رەسپۋبليكالىق ءتۋرنيردىڭ ىرىكتەۋ جارىستارى باستالدى
وتكەن جىلى تۇڭعىش رەت قازاق كۇرەسىنەن قازاقستان رەسپۋبليكاسىنىڭ پرەزيدەنتى ن.ءا.نازارباەۆتىڭ جۇلدەسى ءۇشىن جارىس وتكىزىلىپ, «قازاقستان بارىسى» انىقتالعان بولاتىن. بۇگىندە ەكىنشى ءتۋرنيردىڭ ىرىكتەۋ جارىستارى باستالىپ كەتتى.
ىرىكتەۋ قورىتىندىسى بويىنشا 2 بالۋان ءوز ايماعى اتىنان شەشۋشى كەزەڭدە ەلوردادا باق سىنايدى. 2012 جىلدىڭ 22 قىركۇيەگىندە استانادا 32 بالۋان باس قوسىپ, «قازاقستان بارىسى» اتاعىنا تالاسادى. جارىس 74 سالماق دارەجەسىندە وتەدى.
ءتۋرنيردىڭ باستى جۇلدەسى – «تايتۇياق» جانە «التىن بەلبەۋ». وعان قوسا, جەڭىمپاز 150 مىڭ اقش دوللارىن يەلەنەدى. ەكىنشى, ءۇشىنشى ورىن العاندار كۇمىس پەن قولا مەدال جانە اقشالاي سىياقى الادى.
ۇلتتىق قازاق كۇرەسى – بۇل مەرەكەلىك شارا عانا ەمەس. ونىڭ نەگىزگى ماقساتى – قازاق كۇرەسىن دامىتۋ جانە جاستاردى ۇلتتىق سالت-داستۇرگە باۋلۋ. سونىمەن قاتار, قازاق كۇرەسىن جازعى وليمپيادا مەن ازيا ويىندارىنا قوسۋ جوسپارى بار.
ەستەرىڭىزگە سالا كەتەيىك, 2011 جىلى 20 تامىزدا وتكەن رەسپۋبليكالىق «قازاقستان بارىسى» تۋرنيرىندە 64 بالۋان كۇش سىناسىپ, «التىن بەلبەۋدى» قىزىلوردالىق ۇلان رىسقۇل يەلەنگەن بولاتىن.
بيىلعى تۋرنير مادەنيەت جانە اقپارات مينيسترلىگى, سپورت جانە دەنە تاربيەسى ىستەرى ءجونىندەگى اگەنتتىگى, «كتك» رەسپۋبليكالىق تەلەارناسى, قىزىلوردا وبلىسىنىڭ اكىمدىگى, «قازاقستان بارىسى» قازاق كۇرەسىن دامىتۋ قوعامدىق قورى, قازاق كۇرەسى فەدەراتسياسىنىڭ ۇيىمداستىرۋىمەن وتۋدە.
ءتۋرنيردىڭ باس دەمەۋشىسى – «سامۇرىق-قازىنا» ۇاق.
داستان كەنجالين,
«ەگەمەن قازاقستان».
