سپورت
بەيسەنبى, 10 مامىر 2012 6:40
دزيۋدو
سەنگەنىمىز – سەگىز سايىپقىران
حالىقارالىق دزيۋدو فەدەراتسياسى وليمپيا ويىندارىنا جولداما العان تاتامي شەبەرلەرىنىڭ ءتىزىمىن جاريالادى.
بۇل تىزىمگە قازاقستاننان 8 سپورتشى ەندى. ولاردىڭ ىشىندە 7 جىگىت پەن 1 قىز بار. ءبىزدىڭ ۇزدىك دزيۋدوشىلاردىڭ قاتارىن الەمدىك رەيتينگتىڭ كوشباسشىسى 100 كيلو سالماقتاعى ماكسيم راكوۆ باستاپ تۇر. ول جاقىندا تاشكەنتتە وتكەن ازيا چەمپيوناتىنا قاتىسپاسا دا, ءالى دە ەشكىمگە الەمدىك ءتىزىمنىڭ تىزگىنىن بەرمەي كەلەدى. ودان كەيىنگى ورىندا گوللانديالىق حەنك گرول ورنالاسقان. ونىڭ ۇپايى ماكسيمدىكىنەن 160-قا كەم.
بەيسەنبى, 10 مامىر 2012 6:40
دزيۋدو
سەنگەنىمىز – سەگىز سايىپقىران
حالىقارالىق دزيۋدو فەدەراتسياسى وليمپيا ويىندارىنا جولداما العان تاتامي شەبەرلەرىنىڭ ءتىزىمىن جاريالادى.
بۇل تىزىمگە قازاقستاننان 8 سپورتشى ەندى. ولاردىڭ ىشىندە 7 جىگىت پەن 1 قىز بار. ءبىزدىڭ ۇزدىك دزيۋدوشىلاردىڭ قاتارىن الەمدىك رەيتينگتىڭ كوشباسشىسى 100 كيلو سالماقتاعى ماكسيم راكوۆ باستاپ تۇر. ول جاقىندا تاشكەنتتە وتكەن ازيا چەمپيوناتىنا قاتىسپاسا دا, ءالى دە ەشكىمگە الەمدىك ءتىزىمنىڭ تىزگىنىن بەرمەي كەلەدى. ودان كەيىنگى ورىندا گوللانديالىق حەنك گرول ورنالاسقان. ونىڭ ۇپايى ماكسيمدىكىنەن 160-قا كەم.
قازاقستان دزيۋدوشىلارىنىڭ اراسىندا ماكسيمنەن كەيىن 66 كيلو سالماقتاعى ازيا چەمپيونى سەرگەي ليم تۇر. ول وزبەكستاندا وتكەن ازيا چەمپيوناتىن جەڭىپ العان سوڭ, بىردەن 10-شى ساتىعا كوتەرىلدى. كەلەسى, 11-ءشى ورىندا ازيا چەمپيوناتىنىڭ كۇمىس ءجۇلدەگەرى 78 كيلودان جوعارى سالماقتاعى گۇلجان يسانوۆا ورنالاسقان. ودان باسقا وليمپيادالىق رەيتينگتە 60 كگ. سالماقتاعى ەركەبۇلان قوساەۆ – 13-ءشى, يسلام بوزباەۆ (81 كگ.) – 15-ءشى, تيمۋر بولات (90 كگ.) – 18-ءشى, رينات يبراگيموۆ (73 كگ.) – 19-شى, ەرجان شىنكەەۆ (10 كيلودان جوعارى) 23-ءشى ورىندى يەلەنگەن.
جالپى, ءتىزىم ەسەبىندە 252 بالۋانعا ورىن بەرىلگەن. بۇل –وليمپياداعا تىكەلەي جولداما العان سپورتشىلاردىڭ ءتىزىمى. الداعى كەزدە تاعى 100 ليتسەنزيا تاراتىلادى. سول كەزدە ايەلدەر اراسىندا ەڭ جەڭىل سالماقتاعى الەكساندرا پودرەدوۆانىڭ دا جولداما الۋعا مۇمكىندىگى بولادى.
سۋ دوبى
تاعى مىقتىلار توبىنا ءتۇستى
حالىقارالىق سۋ دوبى فەدەراتسياسى وليمپيا ويىندارىنىڭ جەرەبەسىن تارتتى.
قازاقستان قۇراماسى جەرەبە بويىنشا اۆستراليا, يسپانيا, حورۆاتيا, يتاليا جانە گرەكيا ەلدەرىمەن «ا» توبىنا ءتۇستى.
ال «ۆ» توبىندا اقش, ۇلىبريتانيا, سەربيا, رۋمىنيا, ۆەنگريا, چەرنوگوريا ۆاتەرپولشىلارى بار.
ايەلدەر اراسىنداعى كوماندالاردىڭ سانى ەرلەرگە قاراعاندا ازداۋ. ولار ەرلەر سياقتى ءار توپتا التى ەمەس, ءتورت قۇرامادان وينايتىن بولادى. جەرەبە بويىنشا «ا» توبىنا قىتاي, ۆەنگريا, يسپانيا, اقش تۇسسە, «ۆ» توبىندا ۇلىبريتانيا, يتاليا, رەسەي مەن اۆستراليا ونەر كورسەتەدى.
كۇرەس
بۇيىرعانى ون بەس جولداما
«بۇيىرعان كەتپەس, قۋعان جەتپەس» دەگەندەي, كۇرەس ءتۇرلەرىنەن وليمپياداعا ءبىزدىڭ ەلدەن جوسپارلانعانداي 18 بالۋان ەمەس, 15 بالۋان باراتىن بولدى.
جاقىندا فينليانديانىڭ استاناسى حەلسينكي قالاسىندا ءوتكەن وليمپيالىق ىرىكتەۋ جارىسىندا ءۇش بالۋانىمىز جەڭىلىپ, جولدامادان تىس قالدى. اتاپ ايتقاندا, گرەك-ريم كۇرەسىندە ەڭ جەڭىل سالماقتاعى مارات كارىشالوۆ, 96 كيلوداعى الزاحۋر وزديەۆ, ايەلدەر كۇرەسىندە 55 كيلو سالماقتاعى ايىم ءابىلدينا جولدامادان قاعىلدى.
ءبىز وسى سىندا بالۋاندارىمىزدان ابجىلدىك كۇتكەن ەدىك. الايدا, ولار دا وليمپياداعا ءۇش مۇمكىندىك بەرىلسە, سونىڭ بارىندە جەڭىلگەن 55 كيلوداعى اسحات قۇدايبەرگەنوۆ, 96 كيلوداعى مارعۇلان اسەمبەكوۆ پەن جاسۇلان سىدىقوۆ, ايەلدەر اراسىندا ايجان سماعۇلوۆا سياقتى قارسىلاستارىنان ۇتىلىپ, جەر سيپاپ قالدى. ءسويتىپ, گرەك-ريم كۇرەسىنەن 5 بالۋانىمىز عانا لوندونعا باراتىن بولسا, ەركىن كۇرەستەن التاي تاڭاتاروۆتىڭ جىگىتتەرى وليمپياداعا تولىق قۇراممەن قاتىسادى.
ال ايەلدەر كۇرەسىندە ءاۋ باستا ماقسات ەتىلگەندەي, ءۇش قىزىمىز جارىسقا قاتىساتىن بولادى. ولار 48 كيلوداعى جۇلدىز ەشىموۆا, ەلەنا شالىگينا (63 كگ.), گيۋزەل مانيۋروۆا ( 72 كگ.). ايەلدەر كۇرەسىنەن وليمپيا ويىندارىنىڭ باعدارلاماسىنا 4 سالماق دارەجەسى عانا ەنگىزىلسە, بۇل ءبىزدىڭ بالۋاندارىمىز ءۇشىن جاقسى كورسەتكىش دەۋگە بولادى. ەندى سارجان جاقسىبەكوۆتىڭ ءتالىمىن كورگەن ءۇش قىزىمىز وليمپياداعا الاڭسىز دايىندالۋدا.
لوندون وليمپياداسىنا گرەك-ريم جانە ەركىن كۇرەستەن جولداما جەڭىپ العان بالۋاندار مىنالار: گرەك-ريمدە المات كەبىسپاەۆ (60 كگ.), دارحان باياحمەتوۆ (66), اسحات دىلمۇحامبەتوۆ (74 كگ. ), دانيال گادجيەۆ (84 كگ.), نۇرماحان تىناليەۆ (120 كگ.); ەركىن كۇرەستە داۋلەت نيازبەك (55 كگ.), داۋرەن جۇماعازيەۆ (60 كگ.), اقجۇرەك تاڭاتاروۆ (66 كگ.), ابدۋلحاكيم شاپيەۆ ( 74 كگ.), ەرمەك بايدۋاشەۆ (84 كگ.), تايمۋراز تيگيەۆ (96 كگ.), داۋلەت شابانباي (120 كگ).
* * *
ارعى جاقتان جاڭالىق
«لوندون-2012» ۇيىمداستىرۋ كوميتەتىنىڭ ديرەكتورى دەببي دجەۆونس وليمپيا ويىندارىنا قاتىساتىن سپورتشىلار ءۇشىن جاتتىعۋ كەشەندەرىنىڭ 16 ءشىلدەدەن باستاپ اشىلاتىنىن حابارلادى.
ال جالپى, لوندون وليمپياداسى كەزىندە سپورتشىلار ءۇشىن 37 سپورتتىق جاتتىعۋ كەشەندەرى جۇمىس ىستەيتىن بولادى. سونىڭ 30-ى كورولدىك استاناسىندا بولسا, قالعان جەتەۋى لوندوننىڭ ماڭىنداعى قالالاردا ورنالاسقان.
***
قىتاي ۇكىمەتى ەكىنشى رەت بالالى بولعان سۋعا سەكىرۋدەن بەيجىڭ وليمپياداسىنىڭ چەمپيونى تيان لياندى جازالاۋدان باس تارتتى.
وسىدان ءبىراز كۇن بۇرىن ونىڭ ايەلى ە.يتسيان گونكونگتە ەكىنشى رەت بوسانعان بولاتىن. سول ءۇشىن ولار قىتاي زاڭى بويىنشا جازالانۋى ءتيىس ەدى. الايدا شەكەسى تورسىقتاي ۇل بالا قىتايدان جەكە اۆتونوميالىق قۇقىق العان گونكونگتە تۋعان سوڭ, سپورتشىلار وتباسى جازاعا تارتىلمايتىن بولىپ شەشىلدى. ويتكەنى, ولاردىڭ تۇڭعىشى قىتايدا تۋىپ-وسكەندىكتەن, وسى ەل ازاماتى بولاتىن بولسا, ەكىنشىسى گونكونگ ازاماتى بولادى ەكەن.
ال تيان لياننىڭ وزىنە ەكىنشى بالاسى دۇنيەگە كەلگەنى ءۇشىن قىتايدىڭ سولتۇستىك-باتىسىنداعى شەنسي پروۆينتسياسى سپورت ىستەرى جونىندەگى باسقارما باستىعىنىڭ ورىنباسارى قىزمەتىنەن كەتۋىنە تۋرا كەلىپتى.
دايىنداعان
داستان كەنجالين,
«ەگەمەن قازاقستان».
