قازاق كۇرەسىنىڭ قارىمى
سەيسەنبى, 10 ءساۋىر 2012 7:07
4-5 ءساۋىر كۇندەرى شۆەيتساريانىڭ ۆەلەي قالاسىندا وتكەن حالىقارالىق كۇرەس تۇرلەرى قاۋىمداستىعىنىڭ وتىرىسىندا قازاق كۇرەسى 2013 جىلى دۇنيەجۇزىلىك ستۋدەنتتەر ويىندارىنىڭ باعدارلاماسىنا كىرەتىن بولىپ شەشىلدى.
بۇل جاڭالىقتى كەشە فيلا-نىڭ وسى وتىرىسىنا ارنايى قاتىسۋ ءۇشىن بارعان دۇنيەجۇزىلىك قازاق كۇرەسى فەدەراتسياسىنىڭ پرەزيدەنتى سەرىك توكەەۆ ايتتى. «ءبىزدىڭ ءتول كۇرەسىمىز دۇنيەجۇزىلىك ستۋدەنتتەر ويىندارىنىڭ باعدارلاماسىنا تۇڭعىش رەت ەندى. بۇل – بۇرىن-سوڭدى بولماعان جاڭالىق. وسىدان كەيىن ءبىز كۇرەسىمىزدى ازيا ويىندارىنا, ودان كەيىن وليمپيادا باعدارلاماسىنا ەنگىزۋگە كۇش سالاتىن بولامىز. ال 2013 جىلعى ويىندار تاتارستاننىڭ قازان قالاسىندا وتەدى.
سەيسەنبى, 10 ءساۋىر 2012 7:07
4-5 ءساۋىر كۇندەرى شۆەيتساريانىڭ ۆەلەي قالاسىندا وتكەن حالىقارالىق كۇرەس تۇرلەرى قاۋىمداستىعىنىڭ وتىرىسىندا قازاق كۇرەسى 2013 جىلى دۇنيەجۇزىلىك ستۋدەنتتەر ويىندارىنىڭ باعدارلاماسىنا كىرەتىن بولىپ شەشىلدى.
بۇل جاڭالىقتى كەشە فيلا-نىڭ وسى وتىرىسىنا ارنايى قاتىسۋ ءۇشىن بارعان دۇنيەجۇزىلىك قازاق كۇرەسى فەدەراتسياسىنىڭ پرەزيدەنتى سەرىك توكەەۆ ايتتى. «ءبىزدىڭ ءتول كۇرەسىمىز دۇنيەجۇزىلىك ستۋدەنتتەر ويىندارىنىڭ باعدارلاماسىنا تۇڭعىش رەت ەندى. بۇل – بۇرىن-سوڭدى بولماعان جاڭالىق. وسىدان كەيىن ءبىز كۇرەسىمىزدى ازيا ويىندارىنا, ودان كەيىن وليمپيادا باعدارلاماسىنا ەنگىزۋگە كۇش سالاتىن بولامىز. ال 2013 جىلعى ويىندار تاتارستاننىڭ قازان قالاسىندا وتەدى. وسى ويىنداردا 70, 80, 90 جانە 90 كيلودان جوعارى سالماقتاردا بەلدەسۋلەر وتكىزەمىز. بۇل دوداعا جولداما ءتورت قۇرلىقتان بەرىلەتىن بولادى. ياعني, قازاق كۇرەسىنەن ازيا, ەۋروپا, افريكا مەن امەريكا چەمپيوناتتارىندا 1-4 ورىن العان بالۋاندار مەن ءتول كۇرەسىمىزدەن وتەتىن الەم چەمپيوناتىندا 1-8 ورىندى يەلەنگەن سپورتشىلار ويىندارعا جولداما الادى. سونىمەن بىرگە, بەس مەملەكەتكە بونۋس رەتىندە جولداما بەرىلەدى. بونۋس دەگەنىمىز – تەگىن جولداما», – دەيدى س.توكەەۆ.
س.توكەەۆ قازاق كۇرەسىنەن بەلدەسۋلەردىڭ كەلەسى جىلى رەسەيدىڭ سانكت-پەتەربۋرگ قالاسىندا وتەتىن سپورت اككورد جارىستارىنىڭ باعدارلاماسىندا دا بولاتىنىن ايتتى. بۇل ءتورت جىلدا ءبىر كەلەتىن سپورت دوداسى قازىرگى كەزدە الەمدە كوپتەگەن ەلدەردىڭ قىزىعۋشىلىعىن تۋعىزىپ وتىرعان جارىس بولىپ سانالادى.
ەستەرىڭىزگە سالا كەتسەك, بيىل بۇدان باسقا قازاق كۇرەسىنەن ەكى ۇلكەن جارىستىڭ وتەتىنى بەلگىلى. ءبىرىنشىسى – جاقىن ارادا برازيليانىڭ سان-پاولو قالاسىندا ءتول كۇرەسىمىزدەن جاسوسپىرىمدەر اراسىندا الەم چەمپيوناتى وتسە, ەكىنشىسى – شىلدە ايىندا ليتۆانىڭ شياۋلياي قالاسىندا تافي ويىندارىندا قازاق كۇرەسىنەن جارىستار وتەدى.
تاعى ءبىر جاڭالىق, برازيليادا وتەتىن الەم چەمپيوناتى كەزىندە امەريكادا ءتول كۇرەسىمىزدەن 10 فەدەراتسيا اشۋ جوسپارلانۋدا.
داستان كەنجالين.
